2 Samuel 9:10 - সান্তালী বাইবেল

¹⁰ Am, amren hoponko ar amren gutiko do uniyakʼ jumi caskate phosolpe samṭaoa jemon amren kisạ̃ṛren goṛomtetʼ koṛa do jomakʼ hoyokʼtae; menkhan amren kisạ̃ṛren goṛomtetʼ koṛa Mephiboset do jao okte ińakʼ ṭebilreye jom ńũiya.” Sibaren do gelmõṛẽ goṭen hopon ar bargel gutiko tahẽkantaea.

2 Samuel 9:10 Referans Kwoze

2 Samuel 9:7

Dạud do uniye metadea, “Alom botorokʼa. Iń do amren ạpum Jonathan khạtirte khạṭige dayań udukʼama. Amren goṛomme haṛam Sạulakʼ sanamakʼ jaega jumiń ruạṛama, ar am do jao ghuṛi ińakʼ ṭebilrem jom ńũiya.”

2 Samuel 19:28

Goṛomiń haṛamren bõsko do ińren mạlik maharaj ṭhen gujukʼ lek kangeako, menkhan enhõ am do amren hoṛko tulucʼ amakʼ ṭebilre jom-ńũi lạgitʼ iń amren guti hõ ṭhạ̃iyem tearadiń tahẽkana. Enḍekhan maharaj ṭhen nehõrokʼ lạgitʼ do ar cetʼ menakʼtińạ?”

Luk 14:15

Ado jojom duṛupʼ akanko modren mitʼ hoṛ do noa katha ańjomkate Jisui metadea, “Okoe Isorakʼ rajre jojome duṛubokʼ uni doe bhạgangea.”

2 Rapajko 25:29

Jehoyakin do jel khana reakʼ kicricʼe bocʼkeda ar jion reakʼ sarecʼ dinko do raj sãote jom ńũkateye paromkeda.

2 Samuel 16:3

Raje kuliyana, “Amren kisạ̃ṛren goṛomtetʼ koṛa do okare menaea?” Siba doe roṛ ruạṛkeda, “Uni do Jerusalemrege menaea, ente uni doe meneda, ‘teheń Israelko do goṛomiń haṛamakʼ rajosṭi ińko em ruạṛạńạ.’ ”

2 Samuel 21:7

Dạud do Sạulren goṛomtetʼ koṛa, metakʼme Jonathanren hopon Mephiboset do jiwetʼe dohokedea, ente Sạulren hopon Jonathan ṭhen uni do Probhu Isor samaṅreye kiriạlena.

1 Rapajko 2:7

Menkhan Geliad Barsilairen hoponko cetanre do pạtiạr baṛe tahenme. Ar am sãote amakʼ ṭebilre okoeko jom-ńũiyetʼkan onko talare onko hõ jaegam emakoa. Amren boeha Absalom ṭhen khoniń ńir paskaolen jokhecʼ onko do ạḍiko goṛowạdiń tahẽkana.

Jirimiạ 52:34

Ar tinạkʼ din jiwetʼe tahẽkan unạkʼ din raj do din hilokʼ mitʼṭecʼ bhata lekae emaekan tahẽkana.

2 Samuel 19:18

Rajakʼ gharońjren sanamko ạguko lạgitʼ ar rajakʼ sanaleka kạmi lạgitʼ onko do taṛamte paromokʼ jaega ṭhen gaḍako paromena. Ar raj do tinre jordan gaḍae paromokʼa ṭhik unrege Gera hopon Simai do hecʼkate raj samaṅre ombakʼenteye menkeda,