2 Samuel 8:4 - সান্তালী বাইবেল

⁴ Dạud do acʼren mitʼ hajar eae sae aswariko ar bargel hajar otten lạṛhại phạdkoe hatketʼkoa. Onkoren mitʼsae rãt gạḍiren sadomko dohokate sarecʼ sanam sadomkoakʼ do jaṅga sire samakʼketʼtakoa.

2 Samuel 8:4 Referans Kwoze

Josuạ 11:9

Probhu Isor do Josuạ cetʼlekae hukumade tahẽkan onkage bạiriko cetanreye kạmikeda. Uni do sadomkoakʼ jaṅga sire getʼketʼtakoa ar rãt-gạḍiko doe jeretʼ giḍikada.

Josuạ 11:6

Unre Probhu Isor do Josuại metadea, “Onko do alom botorakoa, ente gapa niạ okte bhitrite Israelko samaṅre onko sanamkoń marao cabakoa. Ar am do onkoren sadomkoakʼ jaṅga sirem ged takoa ar rãt-gạḍikom jeretʼ giḍikatakoa.”

Sereńko 20:7

Ḍher hoṛge akoakʼ rãt gạḍi iạteko bạḍạiyokʼa ar adomko do akoren sadomko iạte, menkhan abo do aboren Probhu Isor iạtege.

1 Bõsbudạ 18:4

Dạud do acʼakʼ mitʼ hajar rãt gạḍiko, eae hajar aswariko ar bargel hajar lạṛhại phạdkoe akoṭketʼkoa. Onkoren mitʼsae rãt gạḍiren sadomko dohokate sarecʼ joto sadomkoakʼ jaṅga sir doe samakʼketʼtakoa.

1 Rapajko 10:26

Solomon do ạḍi utạr rãt gạḍiko ar sadomkoe jogaṛketʼkoa. Uniyakʼ rãt gạḍiko do mitʼ hajar ponsae ar sadomkoakʼ lekha do gelbar hajar tahẽkana. Uni do onako rãt gạḍiko dohoy lạgitʼ nagrahako ar Jerusalemre acʼ ṭhene dohoyetʼko tahẽkana.

Dosar Biboron 17:16

Uni raj do acʼ lạgitʼ ḍher sadomko aloe dohojoṅma ar inạ tayom arhõ aema sadomko ńamjoṅ lạgitʼ Misor disạmte Israelko aloe kolkoma, ente Probhu Isore menakada, ‘ona disạmte do ar tishõ alope ruạṛ calakʼa.’

Genesis 49:6

Unkinakʼ oko danaṅre ińakʼ jãhãn hĩs do bạnukʼa, ar unkinakʼ dolre iń do bạnuńa. Unkin do edrete hoṛkin khũnkoa, ar ạkinakʼ kusi sanaleka ḍaṅgrawakʼ jaṅga sirkin samakʼakada.