2 Samuel 8:14 - সান্তালী বাইবেল

¹⁴ Edom disạm reakʼ sanam jaegakore uni do acʼren lạṛhại phạdkoe dohoketʼkoa ar onate Edomrenko hõ uni gobolreko tahẽyena. Ar Dạud do jãhãtegeye calakʼkan tahẽkan Probhu Isor do onḍegeye jitạu ocoyedekan tahẽkana.

2 Samuel 8:14 Referans Kwoze

Genesis 27:29

Eṭakʼ jạtrenko do amko sapʼ sorama, ar sanam hoṛge amko ḍobokʼama. Am gusṭiren hoṛkoren mạlikkem hoyokʼa, onko do amko ḍobokʼama. Okoe amko sarapam onko cetanre hõ sarap paṛaokʼma; ar okoe amko bhoram onko hõ bhor hecʼakoma.”

2 Samuel 8:6

Dạud do Aramrenkoakʼ rajosṭi reakʼ Damesekre acʼren lạṛhại phạdkoe dohoketʼkoa. Onate Aramrenko do uni gobolre tahẽkate khajna emokʼko ehopʼena. Nonkate Dạud do jãhã ṭhạ̃igeye calakʼkan tahẽkan Probhu Isor do onḍegeye jitạu ocoyede tahẽkana.

Genesis 25:23

Probhu Isor do uniye metadea, “Amakʼ kukhire barea jạtrenkoakʼ etohopʼ hoyakana, janam khonge unkin do barea bõskin hoyokʼa. Mitʼṭen khon eṭakʼicʼakʼ daṛe do ḍherokʼa, ar maraṅicʼ do huḍińicʼren gutiye hoyokʼa.”

1 Bõsbudạ 18:13

Uni do Idom reakʼ adomakʼ jaegakore lạṛhại phạdkoe dohoketʼkoa ar onate Idomren hoṛko do Dạud gobolreko tahẽyena. Ar Dạud do jãhãtegeye calakʼkan tahẽkan onḍege Probhu Isor doe jitạu ocoyede tahẽkana.

1 Rapajko 22:47

Ona jokhecʼ Edom disạmre do cele rajge bako tahẽkana. Mitʼṭen disạm mukhiyạge onḍe doe rajokʼ kan tahẽkana.

2 Samuel 8:15

Dạud do goṭa Israel disạm cetanre rajokʼe ehopʼena. Uniren hoṛko cetanre uni do hok ar dhorom reakʼe bicạretʼ tahẽkana.

1 Rapajko 11:15

Dạud do tinre Edom disạm upạrteye lạṛhạilena unre uniren senaputi Joab do gocʼ hoṛko topako lạgitʼ Edomteye senlena. Ar onḍe tahen jokhecʼge uni do Edomren sanam herel hoponkoe gocʼketʼkoa.

2 Samuel 5:10

Uni do dinke dine daṛe idiyena, ente sanam daṛean Probhu Isor do uni sãoteye tahẽkana.

2 Samuel 7:9

Ar okako jaegatem senlen onḍege iń hõ am sãoteń senlena ar am samaṅ khon sanam bạirikoń marao caba akatʼkoa. Ar dhạrtire iń do amakʼ ńutumiń maraṅ ocoya.

1 Rapajko 22:48

Jehosaphat do Ophirte senkate sona ạgui lạgitʼ maraṅ maraṅ Tạrsis jahajkoe benaokeda, menkhan onako do ar baṅ senlena, ente Esion-Geberre rạputʼ gejerena.

2 Rapajko 14:7

Amasiạ do buluṅ doreãore gel hajar Edomrenkoe gocʼletʼkoa ar lạṛhạikate Selae hatkeda ar ona reakʼ ńutum do Joktheyele dohokeda; ona ńutum do teheń hạbicʼ hõ menakʼgea.

2 Rapajko 18:7

Probhu Isor do uni são sãoteye tahenkan tahẽkana. Ar jãhãnakʼgeye kạmiyetʼ tahẽkan onaregeye jo bahakʼkan tahẽkana. Asurren raj upạrte hulkate uni do golam ar bae khaṭaolena.

Sereńko 60:1

E Isor, am do alem dea giḍiakatʼlea, ar alem chiń chạtur akatʼlea; am do ạḍitetʼ bam kusi akana, menkhan am do lahate lekam teṅgo arolea.