2 Samuel 8:11 - সান্তালী বাইবেল

^11-12 Niạ lahare Dạud do Aramrenko, Moabrenko, Amonrenko, Philisṭiko ar Amalekeki jạtrenkoe dobnaoketʼkote onkoakʼ sona, rupạ, ạgukate Probhu Isor ńutumteye begar dohokada, ar Sobaren raj Rehobren hopon Hadadeser ṭhen khon okakoe luṭ ạgu akatʼ tahẽkan ona hõe begar dohoakatʼ tahẽkana. Uni do Joram emakʼ jinisko hõ Probhu Isor ńutumteye begar dohoakada.

2 Samuel 8:11 Referans Kwoze

1 Rapajko 7:51

Nonkate solomon raj do Probhu Isorakʼ oṛakʼ reakʼ sanamakʼe kạmi sạtkeda. Ona tayom uni do acʼren apat Dạud okako jinis Probhu Isor ńutumteye begar doholetʼ onakoe ạgukeda. Onako modre do sona, rupạ ar eṭakʼ eṭakʼ bhajanko tahẽkana. Ar uni do Probhu Isorakʼ oṛakʼ reakʼ khajańci kandhare onakoe dohokeda.

Mikạ 4:13

Probhu Isore meneda, “E Sion kuṛi, ma beredokʼte phosol manḍaeme; iń do mẽṛhẽtʼ reakʼ dereń ar pitạl reakʼ khurạń emama jemon ḍher jạtrenkom gejer daṛeako. Onkoakʼ behokte hameṭakʼ jinisko ar dhon do iń ńutumte, goṭa dhạrtiren Probhu Isor ńutumte maraokʼ reakʼem sarapakoa.”

1 Bõsbudạ 29:2

Ińakʼ ektiạri lekate iń do ińren Isorakʼ oṛakʼ lạgitʼ noakoń jogaṛ dohoakada, sona reakʼ jinisko lạgitʼ do sona, rupạ reakʼ jinisko lạgitʼ do rupạ, pitạl reakʼ jinisko lạgitʼ do pitạl, mẽṛhẽtʼ jinisko lạgitʼ mẽṛhẽtʼ ar kaṭ reakʼ jinisko lạgitʼ do kaṭ. Ona chaḍa boidurjomoni, bạisạu lạgitʼ eṭakʼ eṭakʼ mạnik dhiriko, cikmik dhiriko, nana parkan roṅ reakʼ dhiriko ar sanam lekanakʼ damanakʼ dhirikoń dohoakada ar ḍher kańc dhiriko hõń dohoakada.

1 Bõsbudạ 18:11

Niạ lahare Dạud raj do Idomrenko, Moabrenko, Amonrenko, Philisṭiko ar Amalekakiko ṭhen khon sona ar rupạko ạgukate cetʼleka Probhu Isor ńutumteye begar doholetʼ onkage noako hõe begar dohokeda.

2 Samuel 8:10

Ar Dạud do Hadadeser sãoteye jitạu akante uni boge judạ ar johar emae lạgitʼ Toi do acʼren hopon Joram Dạud ṭhene kolkedea. Nui Hadadeser sãote Toi do aema dhaoe lạṛhạilena. Ar Joram do Dạud lạgitʼ sona, rupạ ar pitạl reakʼ jinisko soṅgeteye ạgudaraleda.

2 Bõsbudạ 5:1

Nonkate Solomon raj do Probhu Isorakʼ oṛakʼ reakʼ sanamakʼe kạmi sạtkeda. Ona tayom uni do acʼren apat Dạud okako jinis Probhu Isor ńutumteye begar doholetʼ onakoe ạgukeda. Onako modre do sona, rupạ ar eṭakʼ eṭakʼ bhajanko tahẽkana. Onako uni do Isorakʼ oṛakʼ reakʼ dhon bhanḍarreye dohokada.