2 Samuel 7:3 - সান্তালী বাইবেল

³ Nathan do raje roṛ ruạṛadea, “Amakʼ monre oka cekae reakʼ menakʼ onage onkaeme. Probhu Isor do am soṅgere menaea.”

2 Samuel 7:3 Referans Kwoze

1 Bõsbudạ 22:7

Dạud do Solomone metadea, “E beṭa, ińren Probhu Isor lạgitʼ mitʼṭecʼ oṛakʼ benao reakʼ ạḍi monsubạ tahẽkantińạ.

1 Bõsbudạ 28:2

Ar Dạud raj do teṅgoyente onkoe metatʼkoa, “E ińren boehako ar ińren hoṛko, ińakʼ katha baṛe luturakʼpe. Probhu Isorakʼ bondobos sinduk lạgitʼ, metakʼme aleren Isorakʼ jaṅga dohoytae lạgitʼ mitʼṭecʼ oṛakʼ benao reakʼ mone tahẽkantińạ, ar iń do ona benao lạgitʼ hõń sapṛaolena.

2 Rapajko 4:27

Menkhan maejiu do Karmel burure Isorren hoṛ ṭhen seṭerkate uniyakʼ jaṅgareye giḍiyena. Gehosi do uni ocoge lạgitʼe hecʼen khan Isorren hoṛe menkeda, “Uni do alom ocogea. Uniyakʼ monre ạḍi duk menakʼtaea, menkhan Probhu Isor do iń ṭhen khon onae danaṅ akada, ar bae lại akawạdińa.”

1 Samuel 16:7

Menkhan Probhu Isor do Sạmuele metadea, “Uniyakʼ rup se tinạkʼe usula ona do alom ńela, ente uni doń nihạ̃t akadea. Manwa okaṭakʼe ńel onate do jãhãnakʼ do baṅ cekakʼa, ente manwa do bahre rupko ńela menkhan Probhu Isor do ontorgeye ńeleda.”

1 Johan 2:27

Menkhan ape do Mạsi ṭhen khonpe ojokʼ ocoakana, metakʼme sonot Jiupe ńam akadea. Uni do apeakʼ ontoreye tahena. Onate eṭakʼ okoeyakʼ hõ cecetʼakʼ do baṅ jạruṛapea. Sanamakʼ reaṅ sonot Jiugeye cetʼapea. Uni doe sạriyicʼ kana, ar bae eṛea. Onate cetʼleka Mạsire tahene cetʼape onkage Mạsire tahenpe.

Sereńko 37:4

Probhu Isor iạte hulạsokʼme; amakʼ mon reakʼ sana do unigeye purạutama.

Sereńko 20:4

Amakʼ monsubạge baṛeye puruntam ma, ar amakʼ sanam niṭ joṅakʼkoe purạu ma. (Sela)

1 Samuel 10:7

Niạko cinhạ hoylenre am do okaṭakʼ cekae lektam onagem onkaea; Isor do am sãoteye tahena.

2 Samuel 7:4

Menkhan enhilokʼ ńindạge Probhu Isorakʼ katha do Nathan ṭhen seṭerena; Uniye menkeda,

1 Samuel 14:7

Khanḍa bhanḍa asenicʼ uni koṛae menkeda, “Amakʼ mone joṅakʼ lekage baṛe hoyokʼma. Ar amakʼ monsubạ lekageń calakʼa.”

1 Rapajko 1:8

Menkhan Sadok naeke ar Jehoyada hopon Bonae, Nathan nạbi, Simai, Reyi ar Dạudren birbanṭa hoṛko do Dạud secʼgeko tahẽyena.

1 Bõsbudạ 29:29

Ar ńeńelicʼ Samuelren nạbi Nathan ar ńeńelicʼ Gad reakʼ itihãs puthire Dạud raje rajokʼ reakʼ sanam kathako do etohopʼ khon mucạtʼ hạbicʼ ol menakʼa.

2 Bõsbudạ 29:25

Dạud raj, ar uniren ńeńelicʼ Gad ar Nathan nạbiyakʼ hukum lekate Hiskiạ raj do Liwikoe metatʼkoa jemon onko do kortal, binạ banam ar peṛesaṅ banamante Probhu Isorakʼ oṛakʼteko bolokʼ. Ar Probhu Isorge acʼren nạbiko hotete niạ hukume emlen tahẽkana.