2 Samuel 7:27 - সান্তালী বাইবেল

²⁷ “E sanam daṛeanicʼ Probhu, Israelkoren Isor, amren guti ṭhen niạ reaṅ do sodortegem menakada, ‘am lạgitʼ iń do mitʼṭecʼ bõsrenkoń benao rakapʼkoa.’ Onate am ṭhen niạ koejoṅ amren gutiyakʼ monre dil hoyakana.

2 Samuel 7:27 Referans Kwoze

Sereńko 10:17

E Probhu Isor, am do mạ̃hirkoakʼ ontor reakʼ katham ańjomeda; ar amge dilem emakokana, ar onkoakʼ rakʼem ańjometʼtakoa.

Rut reakʼ kạhini 4:4

Onateń hudiskeda ona reaṅ baḍae ocome jạruṛtińạ. Nonḍe menakʼko hoṛko ar iń jạtren murubbiko samaṅre amge ona do kirińme. Ar amge jumi chaḍao hataoem menetʼ khan ona do amge hataome. Menkhan ona bam khojkan khan lạiyạńme, ente ona chaḍao hatao reakʼ pạhil ạidạri do amakʼ kangea ar ona tayom do ińakʼ kana.” Unre uni sor peṛa doe menkeda, “Ṭhikgea, iń do onań chaḍao hatao joṅa.”

Sereńko 40:6

Am do janwar dãṛẽ hõ bam khojkana, ar jeredokʼ samaṅokʼakʼ ar kại ńutumte dãṛẽ hõ bam khojkana; menkhan amakʼ katha ańjom lạgitʼ luturem emakawạdińa.

1 Samuel 9:15

Sạul hijukʼ laha hilokʼ Probhu Isor do Sạmuel ṭhen niạ kathae sodorleda,

Exodus 1:21

Unkin dhạ̃i buḍhi do Isor kin botoraekan tahẽkante uni do onkoren hoponko hotete bõskoe saṅgeketʼkoa.

1 Samuel 2:35

Menkhan iń do iń lạgitʼ mitʼṭen pạtiạricʼ naekeń teṅgo joṅa, one uni do ińakʼ mone bujhạute ińakʼ sana lekae kạmi. Iń do uniyakʼ bõskoń ṭarhao dohoya ar uni do jaoge ińren bachao hoṛkoe sapʼ sorakoa.

2 Samuel 7:13

Amren uni hoponge ińakʼ ṭhonok lạgitʼ mitʼṭecʼ oṛakʼe benaoa. Ar uniyakʼ raj siṅghạson do jaejug hạbicʼ tahena.

1 Rapajko 11:38

Ińakʼ hukum lekam kạmi ar ińakʼ hortem calakʼ ar ińren guti Dạud leka ińakʼ hukum ar niạmkom pańjaete ińakʼ mẽtʼ samaṅre okaṭakʼ ṭhik onam kạmi enḍekhan iń do am sãoteń tahena. Ar Dạud lekage amakʼ bõsrenko do raj hudạreń teṅgo keṭecʼkoa ar amakʼ tire Israelkoń jimạkoa.