2 Samuel 7:23 - সান্তালী বাইবেল

²³ Amren Israel jạtrenko leka dhạrtire ar eṭakʼ jãhãn jạtrenko menakʼkoa okoe do am jạtrenko hoeocoko lạgitʼ ar amakʼ ṭhonok sodor lạgitʼ onko chaḍaoko lạgitʼem calaolen? Ar eṭakʼ jạtrenko samaṅre amakʼ ńutumte amren hoṛko lạgitʼ maraṅ ar botoranakʼ kạmim kạmiakada, cetʼleka amren hoṛko Misor disạm khon eṭakʼ eṭakʼ jạtren ar debotakoakʼ ti khonem chaḍao ạguakatʼko?

2 Samuel 7:23 Referans Kwoze

Dosar Biboron 10:21

Unikangea aperen ṭhonok ar unige aperen Isor do. Ape do apeakʼ mẽtʼte oka maraṅ ar botoranakʼ hahaṛa kạmikope ńelakatʼtae ona do ape lạgitʼgeye onka akada.

Dosar Biboron 9:26

Ar uni ṭhen noa menkateń koeleda, ‘E Probhu Isor am do amren hoṛko alom marao giḍikoa. Ente onko do amren hoṛ kangeako ar amge amakʼ maraṅ daṛetem chaḍao akatʼkoa ar amakʼ daṛeanakʼ tite Misor khonem oḍok ạgu akatʼkoa.

Sereńko 147:20

Eṭakʼ jạtrenko lạgitʼ do bae onka akada; onko do uniyakʼ ạn ạriko bako baḍaea. Probhu Isorakʼge sarhao hoyokʼtae ma.

Sereńko 111:9

Acʼren hoṛko lạgitʼ uni do chakʼḍaoko reakʼ bondobose dohoakada; uni do hukumte jaejug hạbicʼ acʼakʼ bondobose dohoakada. Uni doe sonotgea; uni do botor ar bhoktiye janam ocoyeda.

Nehemiạ 1:10

“Noko do amren guti ar amren hoṛ kangeako, amge amakʼ maraṅ daṛete ar daṛeanakʼ titem chaḍao ạguakatʼkoa.

Dosar Biboron 33:29

E Israel, bhạgangeam am do! Am do Probhu Isorren bańcao akan jạtren kanam, am leka do ar cele jạtrenkoge bạnukʼkoa. Unige amren gokʼṛoyicʼ ḍhal do, ar unige amakʼ gorbokʼ reakʼ tarwaṛe. Bạiriko do am samaṅre botorteko thar tharaokʼa, ar onkoakʼ usul jaega dom lebetʼ gańjaotakoa.”

Dosar Biboron 15:15

Disạipe, Misor disạmre ape hõ golampe tahẽkana ar aperen Probhu Isor doe chaḍao akatʼpea. Ona iạte iń do noako hukumiń emapekana.

Jeheskel 20:9

Menkhan ińakʼ ńutum rukhiyại tiń lạgitʼ ona do bạń onka akada, jemon okoe jạtrenko talareko girobasokʼ kan tahẽkan onko ṭhen ińakʼ ńutum besonotakʼ alo hoyokʼ. Misor disạm khon Israelko oḍok ạgukate onko jạtrenkoakʼ mẽtʼ samaṅre Israelko ṭhen ińtetʼ geń sodorena.

Sereńko 40:5

E ińren Probhu Isor, ḍhergetama amakʼ hahaṛa kạmiko do! Ale lạgitʼ okaṭakʼem goṭa akatʼ! Onań roṛ sodorlere, ariń lạilere ona do tishõ baṅ mucạdokʼa. Ar am leka do okoe menaea?

Johan sodor 5:9

Onko do noa nãwã sereńko sereńetʼ tahẽkana: “Amge ona puthi hataokate mohor chapko raṛae reakʼ lek kanam, ente am dom gocʼ ocolena. Amge amakʼ mãyãmte mimitʼ bõsko, pạrsirenko, disạmrenko ar jạt jạtrenko mod khon Isor lạgitʼ hoṛkom kiriń akatʼkoa.

Titus lạgitʼ Pạul Apostolakʼ ciṭhi 2:14

Jisu Mạsi do abo lạgitʼ acʼakʼ jiwiye emkeda, jemon sanam kạiko khone chaḍao bon ar onate nonkan mitʼṭen jạtrenkoe saphakote eken acʼrengeko hoyokʼ ar eṭakʼko bhạlạiko lạgitʼko ahkaokʼ.

Ephesiko lạgitʼ Pạul Apostolakʼ ciṭhi 1:6

Uni doe nonkaleda jemon acʼren dulạṛiạ Hopon hotete begor damte oka mạhimate perecʼ dayae dan akatʼbon uniyakʼ sarhao hoyokʼtae.

Sereńko 145:6

Hoṛko do amakʼ botoranakʼ hahaṛa daṛe kạmi reakʼ kathako roṛa, ar iń do amakʼ maraṅtetʼ iń lại sodora.

Sereńko 65:5

E aleren babańcaoicʼ Isor, amakʼ dhorom reakʼ botoranakʼ kạmikote am do aleakʼ hohom luturakʼa. Dhạrtiren sanam manwa, ar sanam khon sạṅgińrenko ar jalapuri hanasaren hoṛko hõ amreko bhorsakʼa.

1 Bõsbudạ 17:21

Amren Israel jạtrenko leka dhạrtire do ar jãhãn jạtrenkoge bạnukʼkoa, one okoe do amren hoṛko hoyokʼ lạgitʼem chaḍao akatʼko. Am do Misor disạm khon eṭakʼ jạtrenkom sạṅgiń akatʼkoa. Amakʼ ṭhonok sodorokʼ lạgitʼ maraṅ ar botoranakʼ kạmikote am do onam onka akada.

Josuạ 7:9

Kananiko ar niạ disạmren eṭakʼ hoṛko niạ katha ańjomkate aleko gherao esetʼlea ar dhạrti khon aleakʼ ńutumko meṭao utạrtalea. Ar inạ tayom do cekate amakʼ ńutumem rukhiyại tama?”

Exodus 12:12

Iń do ona ńindạge Misor disạm talateń parom calakʼa ar manwakoren pạhil hoponko ar janwarkoren pạhil hoponkoń gocʼkoa. Iń do Misorren sanam deb-debotakoń sạjạikoa; ar ińkangeạń Probhu Isor do.

Exodus 9:16

Menkhan am do jiwetʼ iń dohomea jemon ińakʼ daṛeń udukʼ daṛeam ar goṭa dhạrtire ińakʼ ńutum lại pasnaokʼtiń.

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.

Sereńko 66:3

Isor metaepe, “Amakʼ kạmi ńelte monre botor ar bhokti do rakabokʼ kana. Amakʼ maraṅ daṛe samaṅre amren bạiriko do tumbutʼ hape reakʼko bhankakʼa.

Sereńko 106:22

Ham bõsrenkoakʼ disạmre hahaṛa kạmi reakʼ katha onko doko hiṛińkeda, ar arakʼ doreãore hoylen botoranakʼ kạmi hõko hiṛińkeda.

Numeri 6:27

“Nonkage onko do Israelko cetanre ińakʼ ńutumko ńuma, ar iń do onkoń bhorakoa.”

Jirimiạ 32:21

Am do cinhạ ar hahaṛawakʼ kạmikom udukʼ akada ar daṛe ar ektiạri perecʼ ti tiạrkate botoranakʼkote amren hoṛ Israelko onḍe khonem oḍok ạguletʼkoa.

Exodus 6:7

Ona tayom ińren hoṛ menkate apeń ataṅpea ar aperen Probhu Isoriń hoyokʼa. Unrepe baḍae daṛeakʼa, iń Probhu Isor doń aperen Isor kana, ar Misorrenkoakʼ bojhatepe ten akan khon ińgeń oḍok ạguakatʼpea.

Exodus 9:15

Iń do ińakʼ daṛeń uduga ar amren hoṛko cetanre nonkan mahamạriń kola onate dhạrti khonpe marao utạrokʼa.

Exodus 33:16

Ale sãote bam senlen khan cekatele baḍaea, amakʼ daya do iń ar amren hoṛko cetanre menakʼa mente? Iń ar amren hoṛko dhạrtiren eṭakʼ hoṛko khonle begarge ona do cekatele bujhạu daṛekea?”

2 Samuel 7:24

Amren hoṛ Israelko do jaejug amren hoṛko hoyokʼ lạgitʼem teṅgo akatʼkoa, ar E Probhu Isor, am do onkoren Isorem hoyakana.

Sereńko 44:3

Onko do akoakʼ tarwaṛete noa disạm do bako ạidạrian tahẽkana, ar akoakʼ daṛete hõ bako jitạu daṛeada; amakʼ daṛe, hẽ amakʼ maraṅ daṛete, ar amakʼ ṭhonoktege ona doko onkaleda, ente onkore amakʼ daya do tahẽkana.

Jirimiạ 32:20

Am do Misor disạmre aema cinhạkom udukʼ akatʼa ar hahaṛawakʼkom kạmileda ar teheń hõ Israel ar sanam manwako talare onakom kạmikana, onate amakʼ ńutum do pasnao idikʼkantama.