2 Samuel 7:16 - সান্তালী বাইবেল

¹⁶ Amakʼ bõs ar rajosṭi do am samaṅre jaejug ṭarhao akae tahena. Ar amakʼ siṅghạson do jaejug hạbicʼ tahena.’ ”

2 Samuel 7:16 Referans Kwoze

2 Samuel 7:13

Amren uni hoponge ińakʼ ṭhonok lạgitʼ mitʼṭecʼ oṛakʼe benaoa. Ar uniyakʼ raj siṅghạson do jaejug hạbicʼ tahena.

Jesaea 9:7

Uniyakʼ mạliki reakʼ baḍhaokʼ ar suluk do baṅ cabakʼa. Uni do Dạudakʼ siṅghạson ar uniyakʼ rajosṭi cetanreye rajokʼa; uni do un okte khon jaejug hạbicʼ hok reakʼ bicạr ar dhoromte onae bandhaoa are ṭarhao utạra. Phạdkoren Probhu Isorakʼ ãṭge noae hoeocoya.

Daniel 7:14

Uni manwa hopon do ektiạri, ṭhonok ar rajosṭiye emocoyena jemon sanam jạtrenko, disạmrenko ar pạrsirenko uniko sewawae. Uniyakʼ rajosṭi do jaejug hạbicʼ tahena; ona do baṅ mucạdokʼa ar uniyakʼ rajosṭi hõ tisge baṅ maraokʼtaea.

Daniel 2:44

Onko rapajkoakʼ oktere sermaren Isor do mitʼṭen rajostiye teṅgoyea, ona do tishõ baṅ maraokʼa, ar ona rajosṭi do eṭakʼ jạtrenkoakʼ tire baṅ jimạkʼa; ona do onako rajosṭiye rạputʼ gejera ar acʼge jaejuge tahena.

Sereńko 45:6

E Isor, amakʼ siṅghạson do jug cetan jugge; ar amakʼ ḍanṭao do dhorom reakʼ ḍanṭaokana.

Genesis 49:10

Ar Silote uni ạuriye hijukʼ hạbicʼ jạt jạtrenko uniyakʼ hukum ạuriko bataotae hạbicʼ, uniyakʼ raj ṭheṅga do Jihudạ bõsrege tahena; ar cakʼlao ṭheṅga do uniyakʼ gunṭhikin talare.

Johan sodor 11:15

Tayomte eaeyicʼ serma goḍet do acʼakʼ siṅgại oroṅkeda. Unre sermare ãṭ aṛaṅte roṛena, “Dhạrti reakʼ rajosṭi do ńitokʼ aboren Probhu Isor ar uniren Mạsiyakʼ hoyena.

Ibriko 1:8

Menkhan Hopontetʼ reaṅ doe meneda, “E Isor, amakʼ siṅghạson do jug cetan jugge; ar amakʼ ḍanṭao do hok reakʼ ḍanṭaokangea.

Johan 12:34

Unre hoṛko do Jisuko metadea, “Sonot sostor khonle baḍae akada Mạsi do jaejug hạbicʼe tahena. Enḍekhan am do cekatem meneda, Manwa Hopon do coṭte rakapʼ ocokʼ hoyokʼtaea? Enḍekhan nui Manwa Hopon doe okoe kana?”

2 Rapajko 19:34

Iń do ińren ar ińren guti Dạud lạgitʼ niạ nagrahań esetʼ ạcura ariń rukhiyạya.’ ”

Sereńko 72:5

Tinạkʼ din siń cando ar ńindạ candokin tahen unạkʼ din piṛhike piṛhi hoṛko do uniko botoraea.

Mathae 16:18

Ińiń metam kana, am dom Patras kana, ar noa dhiri cetanrege ińakʼ manḍereń benao rakaba. Norok reakʼ oka daṛege onare bae jitạu daṛeakʼa.

1 Samuel 25:28

Amren kạ̃ṛmĩyakʼ behokakʼ do dayakate ikạkakʼme. Probhu Isor do khạṭige ińren mạlikakʼ bõse teṅgo ṭarhaoa, ente uni do Probhu Isorakʼgeye lạṛhại kana. Ar ńit hạbicʼte amre cetʼ bạṛicʼakʼge baṅ ńel akana ar baṅ ńamokʼa.

2 Samuel 7:17

Niạ dorson reakʼ sanamakʼ kathako Nathan do Dạude lạiyadea.

1 Rapajko 9:5

enḍekhan iń do jaejug hạbicʼ Israelko cetanre amakʼ siṅghạson iń teṅgo keṭejtama. Niạ katha do amren ạpum Dạud ṭhen hõń gokʼletʼ tahẽkana, ‘Israelakʼ siṅghạsonre duṛubokʼ lạgitʼ amakʼ bõsren hoṛkoakʼ okulạn do baṅge hoyokʼa.’

Sereńko 89:4

‘amakʼ bõs do jaejug hạbicʼ iń teṅgo keṭeja; ar piṛhike piṛhi amakʼ siṅghạsoniń ṭarhao dohoya.’ ” (Sela)

Jirimiạ 17:25

enḍekhan aperen rapajko do Dạudakʼ siṅghạsonre duṛupʼkate rajosṭiko calaoa. Onko do, akoren rajren kạmiyạko ar Jihudạren hoṛko ar Jerusalemren hoṛkoakʼ rãt gạḍi ar sadomre decʼkate nagraha reakʼ phaṭokteko bolo oḍokokʼa; ar nagraha do tishõ baṅ ujạṛokʼa.

Jirimiạ 33:17

Israel reakʼ siṅghạsonre duṛubokʼ lạgitʼ Dạudakʼ bõsren hoṛ do tishõ bako khạntikʼa.

2 Samuel 22:51

Probhu Isor do acʼren raj ḍher dhaoe jitạu ocoyea; hẽ, acʼren ojokʼicʼ lạgitʼ Dạud ar uniren bõsko lạgitʼ uni do acʼakʼ jaejug asambheṛ dayae udukʼetʼ kana.

1 Rapajko 2:4

Enḍekhan Probhu Isor do iń ṭhen okae gokʼakatʼ ona sanamakʼe purạua. Ona gokʼakʼ do hoyokʼkana, ‘amren bõsko goṭa monte pạtiạr salakʼ iń samaṅre taṛam lạgitʼ sontorte akoakʼ jionko khemao enḍekhan Israelkoakʼ siṅghạsonre duṛubokʼ lạgitʼ amakʼ bõsre hoṛkoakʼ okulạn do baṅ hoyokʼa.’

2 Rapajko 8:19

Enhõ Probhu Isor do acʼren guti Dạudakʼ katha disạite Jihudạ marao giḍikakʼ do bae khojleda, ente uni do Dạud ar uni bõsrenko jaejug lạgitʼ mitʼṭecʼ mạli emako reakʼe gokʼade tahẽkana.

2 Bõsbudạ 6:16

“Ńitokʼ do E Israelren Probhu Isor, amren guti ińren ạpuń Dạud ṭhen okam gokʼletʼ ona baṛe purạume. Amem menleda, uniren hoponko uni leka amakʼ ạn-ạri leka calakʼ reakʼko moneyakʼ khan Israelakʼ siṅghạsonre duṛubokʼ lạgitʼ uniyakʼ bõsren hoṛkoakʼ okulạn do baṅ hoyokʼa.

Jobakʼ 36:7

Dhorom hoṛko khon acʼakʼ mẽtʼãhã do bae ocokʼeda; uni do rapajko sãote siṅghạsonre onkoe duṛupʼetʼkoa ar jaejug lạgitʼe usul ocoyetʼkoa.

Jesaea 9:6

Noa jotowakʼ do hoyokʼa, ente abo lạgitʼ mitʼṭen koṛa gidrại janamokʼa, mitʼṭen hopon do abo lạgitʼe emocokʼa. Mạliki do uniyakʼ tarenrege tahena, ar uni ńutum do hoyokʼa hahaṛa sosolhayicʼ, daṛeanicʼ Isor, jaejugren apat, ar sulukren raj.

Jeheskel 37:25

Ar okaṭakʼ disạm do ińren guti Jakob iń em akawadea, ar okaṭakʼ disạmre onkoren hapṛamko girobasokʼ kan tahẽkan onḍege onko hõko girobasokʼa. Onko ar onkoren hoponko, hoponerako ar goṛom gidrạko onḍe jaejugko tahena ar ińren guti Dạud do jaejug hạbicʼ onkoren raje hoyokʼa.