2 Samuel 6:22 - সান্তালী বাইবেল

²² Iń do noa khon arhoń copodokʼa ar iń ṭhen arhoń huḍińokʼa. Menkhan am okoe kạ̃ṛmĩkoakʼ katham roṛetʼkan onko do ińko manotińạ.”

2 Samuel 6:22 Referans Kwoze

1 Patras 4:14

Mạsi iạtepe henosta ocokʼkan khan enḍekhan ape dope bhạgangea, ente Isorakʼ mạhimate perecʼ akan Jiu do apere menaea.

Ibriko 12:2

Delabon, Jisu secʼ beṅgetʼ akae bon tahenma, one okoe do biswạs reakʼ rehetʼ are sạbit utạricʼ kan. Uni samaṅre oka rạskạ dohoakan ona lạgitʼge uni do manot secʼ bae moneyatʼte kurusre gujukʼe sahaokeda ar ńitokʼ do Isorakʼ siṅghạson reakʼ jojomsa aṛereye duṛupʼ akana.

Jesaea 51:7

“Ińakʼ ańjomtińpe E ape dhorom bakʼḍaeko one okoeyakʼ monre ińakʼ ạnko menakʼ. Ape do manwakoakʼ henosta kathate alope botorokʼa ar onkoakʼ nindạu kathate hõ alope torasokʼa,

1Timothi 1:15

Noa katha do sạrikana ar purạ puri ataṅ reakʼ hõ lek kana je, kại hoṛ bańcaoko lạgitʼge Jisu Mạsi do noa dhạrtiteye hecʼlena. Ar onko kạkạiko modre iń kangeạń maraṅ kạiyan hoṛ do.

Jesaea 50:6

Okoeko daleńkan onko ṭhen ińakʼ dea doń alae akatʼtińạ ar okoe ińakʼ gocoko racakʼ topakʼ akatʼtiń onko do ińakʼ johageń samaṅ akatʼkoa. Ar tinre ińko opoman arko thoạńkan tahẽkana unre ińakʼ mẽtʼãhã do bạń betʼ esetʼletʼtińạ.

Jobakʼ 42:6

Onate okań men akatʼ ona do ńitokʼ iń chibaṅakʼ kana, ar dhuṛi ar torocʼre duṛupʼ kateń kastaokʼ kana.”

Jobakʼ 40:4

“Iń doń be lekgea, iń do cekateń roṛ ruạṛama? Iń do mocayiń tobetʼ hape akatʼtińạ.

Genesis 32:10

Amren nui guti oka daya ar pạtiạrem udukʼ akawade onaren lek doń baṅkana. Eken mitʼṭecʼ ṭheṅga tire sapʼkate noa Jordan gaḍań paromlena, menkhan ńitokʼ iń soṅgere barea maraṅ dolrenko menakʼkoa.

1 Patras 5:6

Onate Isorakʼ ektiạri samaṅre apnartetʼ copodokʼpe, jemon ṭhik oktere uni doe usulpe.

1 Samuel 2:30

“Ona iạte Israelkoren Probhu Isore meneda, ‘iń doń khạṭigeń menleda, am ar amren hapṛamakʼ bõsren hoṛ do jaejug iń sewawạń reakʼko kạmiya;’ menkhan ńitokʼ Probhu Isore meneda, ‘ona do ar baṅ hoyokʼa. Okoe ińko manotiń iń hõ onkogeń manotkoa ar okoe ińko nisṛạuiń onko do ako hõko nisṛạu ocokʼa.

Mark 14:66

Patras tinre bhitri racareye tahẽkana unre maraṅ naekeren mitʼṭen kạ̃ṛmĩ do onḍeye hecʼena.

2 Samuel 6:21

Dạud do Mikale metadea, “Iń do Probhu Isor samaṅrege onań onka akada. Uni do acʼren hoṛko samaṅre, metatʼme Israelko cetanre cakʼlaoicʼ menteye ojokʼ bahalko lạgitʼ amren ạpum se uniyakʼ gharońjren okoege bae bachaoletʼkoa menkhan ińgeye bachao akadińạ. Ona iạte iń do Probhu Isor samaṅreń rạskạkʼ kana.

2 Samuel 6:23

Ar Sạulren hoponera Mikal do ạuriye gujukʼ hạbicʼ bạńjhigeye tahẽyena.

Sereńko 131:1

E Probhu Isor, ińakʼ mon do baṅ dhomoka, ar ińakʼ mẽtʼ hõ baṅ koyokʼ pakʼroma; ar ińakʼ lekte napṛakʼ ar hahaṛawakʼre iń do bạń taṛameda.