2 Samuel 6:16 - সান্তালী বাইবেল

¹⁶ Probhu Isorakʼ sinduk do Dạudakʼ nagrahate seṭerena khan Sạulren hoponera Mikal do jalna khon oyoṅkate onakoe ńelkeda. Ar Probhu Isor samaṅre Dạud do donate enecʼkane ńelkedete uniye nihạ̃tkedea.

2 Samuel 6:16 Referans Kwoze

1 Korinthiko 2:14

Okoe Jiurene baṅkan, uni do Isorren Jiu ṭhen khon oka hijukʼ ona bae aṅgoca; ente uni ṭhen ona do lelhateakʼ kana. Uni do onako bae baḍae daṛeakʼa, ente sonot Jiu bae cetʼae khan onako do ohoe tojbij daṛelea.

1 Bõsbudạ 15:29

Probhu Isorakʼ bondobos sinduk do tinre Dạudakʼ nagrahate seṭerena unre Sạulren hoponera Mikạl do jalna khone oyoṅ akatʼ tahẽkana. Ar Dạud raj do enejokʼ ar rạskạ joṅe ńelkede khan uni do mon monte Dạude nihạ̃tkedea.

Sereńko 69:7

Iń do am lạgitʼge opomaniń sahao akada, ar bemanotte ińakʼ moca do danaṅ esetʼakana.

Aposkạmi 2:13

Arhõ eṭakʼko do celakoko cigạriwatʼkoteko menkeda, “Onko do bubulakʼteko ńu bhuteṛ akana.”

2 Samuel 3:14

Ona tayom Dạud do Sạulren hopon Isboset ṭhen hoṛkolkate noae baḍae ocokedea, “Ińren bạhu Mikạl imạńme. Iń do Philisṭikoakʼ mitʼsae khatnakʼakʼkote uniń baplaledea.”

Jesaea 53:3

Hoṛko do uniko hirkhạwadea arko nihạ̃tkedea; uni do duk jom ar harkhet saset bakʼḍayicʼgeye tahẽkana. Uni ńelte hoṛko do mẽtʼãhãko bedokʼkan tahẽkana; onko do uniko hirkhạwae kan tahẽkana ar abo hõ babon manotledea.

2 Samuel 5:7

Menkhan Dạud do Sion reakʼ gaṛe hatkeda; onate ona do Dạud nagrahako ńutumkeda.

2 Samuel 6:15

Unre Dạud ar Israelren sanamko rạskạte hoho hohowate ar sakwa oroṅ oroṅte Probhu Isorakʼ sindukko ạgukeda.

2 Samuel 6:20

Inạ tayom Dạud do acʼakʼ gharońjren hoṛko ạsirbad ako lạgitʼ tinreye ruạṛ hecʼena unre Sạulren hoponera Mikal do uni daram ạguye lạgitʼe oḍok hecʼena are menkeda, “Israelkoren raj teheń do cetʼlekae manotena! Uni do kharap hoṛko leka acʼren kạ̃ṛmĩko samaṅre hoṛmo reakʼ kicricʼkoe totʼ giḍiketʼtaea.”

1 Samuel 18:17

Mitʼdin Sạul do Dạude metadea, “Ińren maraṅicʼ hoponera Merab do am sãoteń baplakaea. Onate am do eken iń secʼ khon birbanṭa leka Probhu Isor lạgitʼ lạṛhạime.” Sạul do Dạud cetanre acʼakʼ ti rakabtae bae menetʼ tahẽkanre hõ Philisṭikoakʼ tite uni gocʼ ocoye do moneteye khojgokʼkan tahẽkangea.

1 Samuel 18:20

Menkhan Dạud do Sạulren armitʼṭen hoponera Mikale dulạṛede tahẽkana. Hoṛko do ona katha tinre Sạulko baḍae ocokedea unre Sạul doe kusiyena.

Sereńko 123:3

E Probhu Isor alere dayakʼme, alere dayakʼme baṛe, ente nihạ̃t ocokʼkante ale do ạḍitetʼgele perecʼ akana.