2 Samuel 6:14 - সান্তালী বাইবেল

¹⁴ Dạud do Musnạ reakʼ ephod horokʼkate Probhu Isor samaṅre uniyakʼ sanam daṛete enejokʼe ehopʼena.

2 Samuel 6:14 Referans Kwoze

1 Samuel 2:18

Menkhan huḍiń gidrạ Samuel do mĩhĩ musnạ sutạm reakʼ ephod horokʼkate Probhu Isore sapʼsorae kan tahẽkana.

Exodus 15:20

Aronren miserat Mạriạm do mitʼṭen maejiu nạbigeye tahẽkana. Uni do toblae sapʼkeda, ar uni tayom tayomte eṭakʼ maejiuko hõ tobla sapʼkate enecʼ enecʼteko oḍok hecʼena.

Sereńko 150:4

Tabla ruwate enecʼ enecʼte uni sarhaoepe, taranakʼ banam ar tạriạ oroṅate uni sarhaoepe.

Sereńko 149:3

Onko do enecʼ enecʼte uniko sarhao sereńae ma, tabla ar banamte uniko õṛhẽyema;

Bikʼcạrko 11:34

Jiptha do tinre Mispare acʼakʼ oṛakʼteye ruạṛ hecʼena unre darame lạgitʼ okoeye oḍok hecʼen uni do acʼren hoponerageye tahẽkana. Uni do tobla ru rute ar enecʼateye hijukʼkan tahẽkana. Uni do Jiptharen sadher hoponerae tahẽkana.

Kolossiko lạgitʼ Pạul Apostolakʼ ciṭhi 3:23

Jãhãnakʼgepe cekae, manwako lạgitʼ do alo, bickom Probhu Isor lạgitʼpe onkayetʼte mon ar ontorte kạmipe,

Sereńko 30:11

Ińakʼ homorokʼ bodolte am do enecʼjoṅem pherao ạdińa; ar gõṛẽ kicricʼem raṛaketʼtińte rạskạ dom oyo ạdińa,

1 Samuel 2:28

Israelkoren sanam gusṭiko mod khon iń do cetʼ Liwikoge bạń bachao akawana, onate onko do ińren naeke hoekate ińakʼ pinḍ ṭhen hecʼkate dhupko jered ar ephod horokʼkate iń samaṅreko hecʼdaṛeakʼ? Israelkoren sanam jeredokʼ samaṅokʼ reakʼ bhag do cetʼ onko ar onkoren bõskoge bạń emakatʼkoa?

Luk 15:25

“Ona oktere maraṅicʼ hopon do goḍareye tahẽkana. Ado oṛakʼ sore hecʼen khan enecʼ sereń ar bajnako reakʼ saḍeye ańjomkeda.

Sosolhayic̕ 9:10

Amakʼ tire jãhãnakʼ kạmige hijukʼ ona do amakʼ goṭa daṛete kạmime, ente oka ṭhạ̃item calakʼkan ona gujukʼ jaegare jãhãn kạmi se hudis se bidiạ se ạkil mente cetʼge bạnukʼa.

1 Bõsbudạ 15:27

Sinduk gokʼ idiyetʼkan Liwiko, gaenahako ar sereń dolrenkoe ạyuretʼko Kononiạ do mĩhĩ musnạ kicricʼe horokʼ akatʼ tahẽkana. Ar Dạud hõ mĩhĩ musnạ kicricʼ ar ephode horokʼleda.

1 Samuel 22:18

Unre raj do Doege metadea, “Enḍekhan amge senkate naekeko gocʼkom.” Edomren Doeg do enhilokʼ irạlgel mõṛẽ naekeye gocʼketʼkoa. Unre naekekoakʼ hoṛmore do mĩhĩ musnạ kicricʼ reakʼ ephod tahẽkana.

Bikʼcạrko 21:21

Ar onḍenko kuṛi do tinre enecʼ lạgitʼko oḍok hijukʼa unre ape mimitʼko darkha khet khon oḍok kate onko mod khon okoepe kusiyako onkope or idikoa ar Benjạmin ṭoṭhatepe calakʼa.

Dosar Biboron 6:5

Ape do apeakʼ goṭa ontorte, goṭa jiwite, goṭa daṛete aperen Probhu Isor dulạṛepe.

Exodus 19:6

Ińren hoṛko hotetege ińren naekekoakʼ rajosṭi do hoyokʼa ar noko jạtrenkoge iń ńutumteń begar akatʼko jạtrenko hoyokʼa. Noa katha do Israelkom baḍae ocokoa.”

Exodus 15:21

Moseyakʼ sereń reakʼ roṛ ruạṛre Mạriạm do noa sereńe sereńkeda; “Ape do Probhu Isor ńutumte sereńpe, ente hoṛkoakʼ mẽtʼãhãre uniyakʼ ṭhonok do maraṅena. Sadomko ar aswariko do unige doreão dakʼreye khadleketʼkoa.”

2 Samuel 6:15

Unre Dạud ar Israelren sanamko rạskạte hoho hohowate ar sakwa oroṅ oroṅte Probhu Isorakʼ sindukko ạgukeda.

2 Samuel 6:20

Inạ tayom Dạud do acʼakʼ gharońjren hoṛko ạsirbad ako lạgitʼ tinreye ruạṛ hecʼena unre Sạulren hoponera Mikal do uni daram ạguye lạgitʼe oḍok hecʼena are menkeda, “Israelkoren raj teheń do cetʼlekae manotena! Uni do kharap hoṛko leka acʼren kạ̃ṛmĩko samaṅre hoṛmo reakʼ kicricʼkoe totʼ giḍiketʼtaea.”

Sereńko 87:7

Ar sekʼreńko ar enejokʼko doko mena, “Ińakʼ sanam rạskạ reakʼ jharna do amrege menakʼa.”

Jeheskel 46:10

Bhitrite bolokʼ jokhecʼ disạm cakʼlaoyicʼ do hoṛko sãote bhitrite bolokʼ hoyokʼtaea ar bahrete oḍokokʼ jokhecʼ hõ hoṛko sãotege oḍok hijukʼ hoyokʼtaea.