2 Samuel 6:11 - সান্তালী বাইবেল

¹¹ Gatren Obed-Idomakʼ oṛakʼre Probhu Isorakʼ sinduk do pe cando tahẽyena. Onate Probhu Isor do uni ar uniyakʼ gharońjren sanamkoe bhoratʼkoa.

2 Samuel 6:11 Referans Kwoze

Genesis 39:5

Joseph noako bhare em ocoyen tayom Joseph iạte Probhu Isor do uni Misri kisạ̃ṛakʼ jotowakʼe bhoratʼtaea. Probhu Isor do Poṭiphorakʼ oṛakʼ-duạr, ot-baṛge ar ona reakʼ jotowakʼgeye bhorada.

Genesis 30:27

Menkhan Laban do uniye metadea, “Ạliń cetanre abenakʼ jãhãn bekusiyakʼ menakʼ khan enḍekhan alo ben calakʼa. Ạliń liń bujhạu daṛeakʼ kana, Probhu Isor do aben iạtege ạliń doe bhor akawatʼlińa.”

Malaki 3:10

Apeakʼ jotowakʼ reakʼ gelakʼ hĩs do ińakʼ murạite ạguiype jemon ińakʼ oṛakʼ do jomakʼte perecʼ tahen. Noa babotre biḍạu aṭkarińpe, ente iń phạdkoren Probhu Isorge serma reakʼ joto duạrkoń jhija ar jạruṛape khon hõ bạ̃ṛti bhor iń dul apea.

Genesis 39:23

Joseph cetanre okako kạmi reakʼ bhar tahẽkan hajot khanaren sordar do ona bae ńel todarotetʼ tahẽkana, ente Probhu Isor do Joseph sãoreye tahẽkana, ar Joseph do jotowakʼ kạmiregeye jo baha ocokedea.

2 Samuel 6:10

Unre Dạud do Probhu Isorakʼ sinduk acʼakʼ nagrahate ạgu bae rebenlena. Uni do ona Gatren Obed-Idomakʼ oṛakʼreye doho oṭokada.

1 Bõsbudạ 26:4

Obed Edom do bõskoren apate tahẽkana. Isor do Obed-Edom irạl goṭen hoponkoe emadea are bhoradea. Uniren hoponko doko hoyokʼkana; pạhilicʼ do Somoyiạ, dosaricʼ do Jihosabod, tesaricʼ do Joyaho, ponicʼ do Sakor, mõṛẽyicʼ do Nothnel, Turuyicʼ do Ammiyel, eaeyicʼ do Isakar ar irạlicʼ do Piyullotoy.