2 Samuel 5:25 - সান্তালী বাইবেল

²⁵ Dạud do Probhu Isorakʼ hukum lekageye kạmikeda. Uni do Geba khon Gesor hạbicʼ goṭa hor Philisṭikoe gocʼ idiketʼkoa.

2 Samuel 5:25 Referans Kwoze

1 Bõsbudạ 14:16

Dạud do Isorakʼ hukum lekageye kạmikeda. Onko do Gibeon khon Gesor hạbicʼ goṭa hor Philisṭikoren lạṛhại phạdkoko gocʼ idiketʼkoa.

Jesaea 28:21

Probhu Isorgeye lạṛhạiya, cetʼleka uni do Perasim buru ṭhene kạmiletʼ. Uni doe raṅgaokʼa, cetʼleka Gibeon buru ṭhene raṅgaolen. Nonkate uni do acʼakʼ kạmi, acʼakʼ hahaṛa kạmiye sạta.

Josuạ 16:10

Geserre okoe Kananiko girobasokʼkan tahẽkan onko do bako laga ńirletʼkoa. Onate teheń hạbicʼ hõ onko do Ephrayim gusṭiren hoṛko sãoteko girobasokʼkana; tobe Ephrayim gusṭiren guti lekate onko do begari kạmi lạgitʼ golamko hoyakana.

Josuạ 21:21

Ephrayim gusṭirenkoakʼ buru ṭoṭha modre Sikem, Geser, Kibsayim ar Bet-Horon ńutumanakʼ ponea ato ar nagraha ar onako sãote aṭiń ṭạnḍi hõko emocoyena. Inạ modre Sikem do tahẽkana khũniyạhiko lạgitʼ asrayokʼ nagraha.

Exodus 12:28

Mose ar Aron Probhu Isor okaṭakʼ hukume ematʼkin tahẽkan onkage Israel hoponko do ruạṛ senkateko kạmikeda.

Josuạ 10:33

Unre Geserren Horam raj do Lakhisren hoṛko goṛowako lạgitʼe oḍokʼ hecʼlena menkhan Josuạ do uni ar uniren lạṛhại phạdkoe bhagaoketʼkoa. Ar sesre celege jiwetʼ bako sarecʼlena.

Josuạ 18:24

Kephar-Amoni, Ophni ar Geba. Onko do niạ gelbar goṭecʼ nagraha ar ona aḍepase reakʼ sanam atokoko ńamleda.

2 Samuel 8:1

Dạud do Philisṭikoe bhagaoketʼko khan acʼakʼ gobolreye ạguketʼkoa. Uni do Philisṭikoakʼ ti khon Metheg-ama nagrahae hatkeda.