2 Samuel 5:19 - সান্তালী বাইবেল

¹⁹ Unre Dạud do Probhu Isor ṭhene kuliyana, “Iń do cetʼ Philisṭikoń ńẽtʼkoa? Am do cetʼ ińakʼ tire onkom jimạkoa?” Probhu Isore roṛ ruạṛkeda, “Hẽ, Do calakʼme. Iń do khạṭige amakʼ tire Philisṭikoń soprotkoa.”

2 Samuel 5:19 Referans Kwoze

2 Samuel 2:1

Dạud do Probhu Isor ṭhene kuliyana, “Iń do cetʼ Jihudạ ṭoṭha reakʼ jãhãn mitʼṭecʼ nagrahateń calakʼa?” Probhu Isore menkeda, “Hẽ, calakʼme.” Dạude kulikedea, “Iń do okateń calakʼa?” Probhu Isore roṛ ruạṛkeda, “Hebronte rakapʼ calakʼme.”

Kạhtukko 3:6

Amakʼ calakʼ horre uni do samaṅre dohokaeme; unige amakʼ sanam horkoe sojheytama.

1 Samuel 23:2

Unre Dạud do Probhu Isore kulikedea, “Iń do cetʼ senkate onko Philisṭikoń ńẽtʼkoa?” Probhu Isore roṛ ruạṛadea, “Hẽ, Do calakʼme. Philisṭiko ńẽtʼkate Kayila nagraha rukhiyạime.”

Jakob 4:15

Ona khon bickom apeakʼ do noa katha roṛ lek kana, “Probhu Isore menle khan ale do jiwetʼle tahena ar noa se hanale kạmiya.”

1 Rapajko 22:6

Onate Israelren raj do nạbikoe hoho jarwaketʼkoa. Onkoakʼ lekha do ponsae tahẽkana. Uni do onkoe kuliketʼkoa, “Ramot-Gilead upạrte lạṛhại lạgitʼ iń oḍok calakʼa seyiń ikạkakʼa?” Onkoko menkeda, “Do calakʼme, ente Probhu Isor do rajakʼ tire onae jimạ akada.”

2 Samuel 5:23

Unre Dạud do Probhu Isore kulikede khan uni doe metadea, “Mitʼ mohnḍa onko secʼ do alom calakʼa; menkhan onko tayom secʼ reakʼ konḍea dareko samaṅ secʼte onkom ńẽtʼkoa.

1 Samuel 28:6

Ar cetʼe cekaea mente Probhu Isor ṭhene kuliyana, menkhan Probhu Isor do kukmũte hõ baṅ, Urim ar Thumimte hõ baṅ se nạbiko hotete hõ bae roṛ ruạṛadea.

1 Samuel 23:4

Unre Dạud do arhõ Probhu Isor ṭhene kuliyana ar Probhu Isor do roṛ ruạṛadeteye metadea, “Kayilate Do calakʼme, Philisṭiko do amakʼ tireń soprot akatʼkoa.”

1 Samuel 22:15

Iń do cetʼ pạhil dhao enhilokʼge uni reaṅ Isorakʼ sana cetʼkana menteń kuliakawana? Tishõ baṅa. E maharaj, amren uni guti se uniren apatakʼ bõsren hoṛko hõ alom dusikoa. Niạko babotre amren nui guti do cetʼge bae baḍaea.”