2 Samuel 3:39 - সান্তালী বাইবেল

³⁹ Raj lekate ińiń ojokʼ bahal oco akanrehõ teheń iń doń nijorena ar Seruyaren hoponko bạń dormoj daṛeako kana. Probhu Isorge behoketʼkoakʼ kuṛại doe emakoma.”

2 Samuel 3:39 Referans Kwoze

Sereńko 101:8

Dinạm hilokʼ setakʼ jokhecʼ iń do bedhoromkoń mohor meṭaokoa, jemon Probhu Isorakʼ nagraha khon mimitʼ dusṭạmi kạkʼmikoń marao cabako.

Sereńko 28:4

Okoakʼ kạmi reakʼ ar bạṛicʼ kạmi reakʼ kuṛại baṛe emakom; onkoakʼ tite okako kạmi akatʼ ona reakʼ kuṛại emakom; ar okaṭakʼ kuṛạiko ńam onage baṛe emkatakom

2Timothi 4:14

Okoe Aleksander do tama reakʼe kạmikan uni do ińakʼ ạḍiye loksan akada. Uni okaṭakʼe ceka akatʼ ona do Probhu Isorgeye halawaema.

Romiko lạgitʼ Pạul Apostolakʼ ciṭhi 13:4

Apeakʼ bhage lạgitʼge uni do Isorren sapʼdapʼicʼ lekae kạmiya. Ar bạṛicʼakʼpe kạmikan khan botorokʼpe, ente bạṛicʼakʼ kạmikanko sạjạiko reakʼ ektiạri do uniyakʼ menakʼtaea. Uni doe Isorren sapʼdapʼicʼ kana; ar okoe bạṛicʼakʼko kạmikan onko do Isor lekateye sạjạikoa.

Kạhtukko 25:5

Bedhorom kạmiyicʼ do raj samaṅ khon ocogem, enḍekhan dhorom kạmi hotete uniyakʼ siṅghạson do ṭarhao tahena.

Sereńko 62:12

E Probhu, amre do asambheṛ dulạṛ menakʼa; ar am do mimitʼko akoakʼ kạmi lekage kuṛạiyem emakokana.

Jesaea 7:4

Ar niạ katha ben metaea, ‘Sontor akan ar nirola monan tahenme ar alom botorokʼa. Dhũạkʼkan ona ṭhuṭkutʼ kuṭrạ ńelte, metakʼme Resin, Aramrenko ar Remaliạren hoponakʼ jaljalaokʼkan edre seṅgel ńelte mon do alom lạbṛukʼ ocoytama.

Kạhtukko 20:8

Raj do tinre bicạr lạgitʼ siṅghạsonreye duṛupʼa unre uni do mẽtʼ reakʼ beṅgetʼte sanam bạṛicʼakʼkoe sạṅgińa.

Sereńko 75:10

Iń do bedhoromkoakʼ sanam dereńkoń makʼ giḍikakʼa, menkhan Isor botoraekoakʼ dereń doń usul ocoya.

Sereńko 7:16

Acʼakʼ bedhorom reakʼ bojha do acʼakʼ bohokʼrege ruạṛ hecʼaea; ar okoeye julumede ona do uniyakʼ bohokʼrege ńurokʼa.

1 Bõsbudạ 22:5

Dạude menkeda, “Ińren hopon Solomon do umerteye komaogea ar bae gạkhuṛa, menkhan Probhu Isor lạgitʼ okaṭakʼ oṛakʼ benao hoyokʼ ona do sanam jạtren hoṛkoakʼ mẽtʼre ńutumanakʼ, jak jomok ar ṭhonokte perecʼ hoyokʼma. Ona lạgitʼ iń do jotowakʼiń jogaṛ dohokakʼa.” Niạ menkate Dạud do acʼakʼ gujukʼ ạurire aema lekanakʼ jiniskoe jogaṛ dohokada.

2 Samuel 19:13

Ape do Amasa iń reakʼ niạ kathape metaea, ‘am do cetʼ ińakʼ jel ar jaṅ dom baṅ kana? Isorre kiriạkateń metam kana, ńit khon am do Joab bodolte ińren lạṛhại phạdkoren subedarem hoyokʼa.’ ”

Exodus 21:12

“Jãhãege mitʼṭen hoṛe dale ar ona iạte uni hoṛe gocʼlen khan tobe uni dadalicʼ hoṛ hõ khạṭigeye gocʼ ocokʼa.

2 Samuel 3:38

Raj do acʼren hoṛkoe metatʼkoa, “Ape do cetʼ bape baḍaea, teheń Israel disạmren mitʼṭecʼ maraṅ mukhiyại gocʼena mente?

2 Samuel 16:10

Raje menkeda, “E Seruyaren hoponko, noa reaṅ ape sãote ińakʼ do cetʼ? Probhu Isorge, ‘Dạud sarapaeme’ noa kathae metaekan khan, tobe uni do okoeye kuli daṛekea, ‘cedakʼ nonka dom kạmikana?’ ”

2 Samuel 19:22

Dạude roṛ ruạṛkeda, “E Seruyaren hoponko, niạ reaṅ am tulucʼ ińakʼ do cetʼ? Teheń cedakʼ ape do iń upạrtepe teṅgokʼ kana? Teheń Israelko modren jãhãe hoṛ goje do cetʼ lek kana? Iń do cetʼ noa katha bạń baḍaea, teheń hõ Israelren raj kạnạń mente?”

1 Rapajko 2:32

Ar uni tinạkʼ mãyãme joro ocoakatʼ ona reakʼ do Probhu Isorgeye hala ruạṛaea, ente ińren ạpuń begor baḍae ocoyete uni do bar hoṛe gocʼketʼkinạ. Unkin do lạṛhại phạdkoren senaputi Nerren hopon Abner ar Jihudạ lạṛhại phạdkoren senaputi Jether ren hopon Amasa.

1 Bõsbudạ 29:1

Ona tayom Dạud raj do sanam hoṛkoe metatʼkoa, “Ińren hopon Solomonge Isor doe bachao akadea; uniyakʼ umer do komgetaea ar gạkhuṛ hõ bae gạkhuṛa. Menkhan noa kạmi do ạḍi maraṅakʼ kana, ente noa maraṅ dolan do Probhu Isor lạgitʼ kana, jãhãe manwa lạgitʼ do baṅa.

2 Bõsbudạ 13:7

Jerobiam do adomko okoḍa ar bhạṅgwạ hoṛko jarwakate Solomonren hopon Rehobiam upạrteye teṅgoyena. Ona jokhecʼ Rehobiam do juạn koṛa ar gạkhuṛ secʼte do komgeye tahẽkana; ar onko teṅgo daramko leka daṛe hõ baṅ tahẽkantaea.

Jirimiạ 38:5

Sedekiạ raje roṛ ruạṛkeda, “Uni ma apeakʼ jimạrege coṅ menae; raj do ape upạrte ohoe calao daṛelena.”

Daniel 6:16

Sesre raj doe hukumkeda ar hoṛ do senkate Danielko sapʼkedea ar dhạcri kulakʼ khandṛaṅreko khadlekedea. Unre raj do Daniele metadea, “Jaoge amren okoeṭakʼ Isorem sewawae kan unige am doe rukhiyạmema.”

Numeri 32:23

Menkhan bape onkae enḍekhan ape do Probhu Isor upạrtepe kạiya. Ar noa baḍaekakʼpe, ona iạte apeakʼ kại khon rehae do bape ńama.

Bikʼcạrko 9:57

Sekemren hoṛko okaṭakʼko behokletʼ Isor do ona reakʼ paona sạjại onko hõe ematʼkoa. Ar nonkate Jerubakʼalren hopon Jothamakʼ sarap do uni cetanre paṛaoena.

1 Rapajko 2:9

Menkhan ńitokʼ do bin dusi mente alom hudisea. Am dom ạkilanicʼ kana; unire cetʼem cekaea ona do amge bhagem bujhạu daṛeakʼa. Uniyakʼ haṛam umerre mãyãmem joro ocoytaea ar patal puritem kolkaea.”

Jesaea 3:11

Hae hae, bedhorom hoṛko do! Onko cetanre do muhin hijukʼa. Ar okako kạmikan ona reakʼ kuṛại doko ńamgea.