2 Samuel 3:31 - সান্তালী বাইবেল

³¹ Inạ tayom Dạud do Joab ar uni soṅgeten sanam hoṛkoe metatʼkoa, “Ape do apan ạpin kicricʼ oṛecʼkate coṭ horogpe ar homor halaṅate Abnerakʼ mạ̃ṛĩ laha lahate calakʼpe.” Ar Dạud hõ mạ̃ṛĩ gokʼ idikoe pańja idiketʼkoa.

2 Samuel 3:31 Referans Kwoze

Genesis 37:34

Jakob do acʼakʼ kicricʼe oṛecʼketʼa ar ḍanḍare gõṛẽ kicricʼe horokʼketʼte ḍher din hạbicʼ hopontetʼ lạgitʼte homor halaṅkeda.

2 Samuel 1:11

Niạ katha ańjomkate Dạud ar uni sãoten hoṛko do akoakʼ kicricʼko oṛecʼketʼtakoa.

2 Samuel 1:2

Ar tesar hilokʼ Sạulren lạṛhại phạdkoakʼ ḍera khon mitʼṭen hoṛ do Dạud ṭhene hecʼena. Uniyakʼ kicricʼ do oṛecʼ oṛecʼ ar bohokʼre do dhuṛi tahẽkantaea. Uni do Dạud ṭhen hecʼkate otre ombakʼkateye ḍobokʼadea.

Bikʼcạrko 11:35

Jiptha do acʼren hoponerae ńelkede khan acʼakʼ kicricʼe oṛecʼketʼteye menkeda, “Hae, hae, E biṭi tiń, am do cedakʼ sorbonasrem paṛaokedińa! Ạḍi muhinregem paṛao ocokedińa, ente iń do Probhu Isor ṭhen onkań manot dohoakatʼ ona do bạṅ rạputʼ daṛeakʼa.”

Josuạ 7:6

Unre Josuạ ar Israelkoren murubbiko do apnarakʼ kicricʼko oṛecʼketʼte Probhu Isorakʼ sinduk samaṅre ạyupʼ hạbicʼ otre ombakʼ hape akanko tahẽyena. Ar akoakʼ bohokʼre dhuṛiko chiṭiạuana.

Luk 7:14

Inạ tayom uni do sen sorkate parkome joṭetʼkeda. Ar onate mạ̃ṛĩ gokʼ idiyetkan hoṛ doko teṅgoyena. Jisui menkeda, “E bạbu, metam kạnạń, ma beretʼme.”

2 Rapajko 19:1

Hiskiạ raj do niạ kathae ańjomketʼ khan acʼakʼ kicricʼe oṛecʼketʼtaea ar gõṛẽ kicricʼe horokʼketʼte Probhu Isorakʼ oṛakʼteye boloyena.

Genesis 37:29

Tayomte Ruben do ona kuń ṭhen senkate Joseph bae ńel ńamledete dukte uniyakʼ kicricʼ oṛecʼkate boehako ṭhen senkateye menkeda, “Joseph do onḍe bạnuea. Iń do ńitokʼ cetʼ iń cekaea?”

Johan sodor 11:3

Menkhan ińren banar gohakin nonkan ektiạriń emakinạ onate unkin do gõṛẽ kicricʼ horokʼkate mitʼ hajar bar sae turui gel din hạbicʼ kin nạbiya.”

1 Rapajko 20:31

Benhadadren kạmiyạko do uniko metadea, “Ńelme, alele ańjomakada Israelren rapajko do dayawanko kanako. Dela, abo do gõṛẽ kicricʼ horokʼkate ar bohokʼre baber reakʼ binḍi tolkate Israelren raj ṭhen bon calakʼa. Hoedaṛeakʼa uni do jomakʼte jiwiye rukhiyạitama.”

1 Rapajko 21:27

Ahab do Probhu Isorakʼ katha ańjomkate acʼakʼ kicricʼe oṛecʼketʼtaea ar gõṛẽ kicricʼe horokʼketʼte upạse ehopʼena. Uni do gõṛẽ kicricʼ horokʼ kategeye giticʼkokʼ kan tahẽkana ar mạ̃hir monteye dãṛã baṛaekan tahẽkana.

2 Rapajko 19:2

Uni do raj oṛakʼren mukhiyạ Eliạkim, rajren olokʼicʼ Sibna, naekeko ar mukhiyạko gõṛẽ kicricʼko horokʼ akatʼge Amasren hopon Jesaea nạbi ṭhene kolkatʼkoa.