2 Samuel 3:27 - সান্তালী বাইবেল

²⁷ Abner do Hebronteye ruạṛ hecʼena khan Joab do uni sãote oko okote galmaraoae reaṅ cholte nagraha reakʼ phaṭok talareye idikedea. Ar ona tayom do lacʼre sobokʼ kedeteye gocʼkedea. Nonkate uni do acʼren boeha Asahelakʼ mãyãm reakʼe halakeda.

2 Samuel 3:27 Referans Kwoze

1 Rapajko 2:5

“Seruyaren hopon Joab do iń lạgitʼ okaṭakʼe ceka akatʼ ar Israelren lạṛhại phạdkoren banar senaputi cetanre, metakʼme Nerren hopon Abner ar Jetherren hopon Amasa tạkin cetanre okae ceka akatʼ ona dom baḍaegea. Uni do unkine khũn akatʼkinạ, ar sulukokʼ oktere hõ uni do lạṛhại reakʼ dinko leka unkinakʼ mãyãme joro ocoakada ar ona mãyãm do uniyakʼ ḍanḍa totolakʼre ar jaṅga reakʼ panahere laṭkao akana.

1 Rapajko 2:32

Ar uni tinạkʼ mãyãme joro ocoakatʼ ona reakʼ do Probhu Isorgeye hala ruạṛaea, ente ińren ạpuń begor baḍae ocoyete uni do bar hoṛe gocʼketʼkinạ. Unkin do lạṛhại phạdkoren senaputi Nerren hopon Abner ar Jihudạ lạṛhại phạdkoren senaputi Jether ren hopon Amasa.

Dosar Biboron 27:24

‘Sarapangeae uni hoṛ do, okoe do danaṅre hoṛe khunetʼko.’ Unre sanam hoṛko mena, ‘Amen.’

Numeri 35:20

Jãhãege kurud iạte jãhãe hoṛe kuhạue se tãṛãkʼaeteye capade ar uniye gujukʼ enḍekhan uni gogocʼicʼ doe khũniạhi kana; uni do gocʼ giḍikae hoyokʼa. Ar khũn akan hoṛakʼ mãyãm reakʼ hala hạli okoeye hatao uni do khũniạhiye ńamle khan jemone goje.

2 Samuel 3:26

Niạ menkate Joab do Dạud ṭhen khone oḍok senente Abner sendraye lạgitʼ hoṛkoe kolketʼkoa. Onko do Sirạ ńutumanakʼ mitʼṭecʼ kuń ṭhen khon uniko ruạṛ ạgukedea. Menkhan Dạud do ona reakʼ bae baḍaeleda.

2 Samuel 3:28

Joab ar uniren boeha Abisae do Abnerkin gocʼkedea, ente uni do unkinren boeha Asahel Gibiạn reakʼ lạṛhạireye gocʼledea. Tayomte Dạud do ona khobor ńamkateye menkeda, “Nerren hopon Abnerakʼ mãyãm reakʼ babotre iń ar ińakʼ rajosṭi do Probhu Isor samaṅre jaejug lạgitʼ bindusạngea. Joab ar uniren apatakʼ bõsren sanamkoge jemon ona mãyãm reakʼ dạyiko hoyokʼ. Joabakʼ bõsrenko sanam ghạṛicʼ jemon jãhãe baṅ jãhãe hereltetʼ khon boḍedakʼ oḍokokʼtako se murhucʼjom rog ńamko, jãhãege ṭheṅgate tiyokʼkateko taṛamma, arko khũn ocokʼma ar jomakʼ okulạnreko paṛaokʼma.”

2 Samuel 4:1

Abner do Hebronreye gocʼena menteye ańjomketʼ khan Sạulren hopon Isboset do dile atʼketʼtaea ar Israelko hõ botor caṛhaoatʼkoa.

2 Samuel 13:26

Unre Absalom do raje metadea, “Am bam calakʼ khan tobe do ińren boeha Amnon ale sãote sen ocoaeme.” Raj do uniye kulikedea, “Cedakʼ ape tulucʼ doe calakʼa?”

2 Samuel 19:13

Ape do Amasa iń reakʼ niạ kathape metaea, ‘am do cetʼ ińakʼ jel ar jaṅ dom baṅ kana? Isorre kiriạkateń metam kana, ńit khon am do Joab bodolte ińren lạṛhại phạdkoren subedarem hoyokʼa.’ ”

Numeri 35:19

Khũn akan hoṛakʼ mãyãm reakʼ hala hạli okoeye hatao unige uni khũniạhi do goje hoyokʼtaea; are ńamle khan jemon uni doe gocʼ giḍikae.

1 Bõsbudạ 27:21

Gileadren Manase khũṭren adha hoṛkoren matha Sekaria hopon Ido, Benjạmin khũṭren matha Abner hopon Jasiyel,

Kạhtukko 26:26

Acʼakʼ kurud do calakteye dapallere hõ enhõ acʼakʼ bạṛicʼtetʼ do manḍerre sodorokʼa.