2 Samuel 3:25 - সান্তালী বাইবেল

²⁵ Am do Nerren hopon Abnerem baḍae akadegea; uni do am sãote cholkate amakʼ khoj khobor hatao ar cetʼkom ceka kana ona baḍae joṅ lạgitʼe hecʼlena.

2 Samuel 3:25 Referans Kwoze

Jesaea 37:28

Menkhan am do okarem tahen kana ar tinrem hijukʼkana arem calakʼkana ar cedakʼ iń upạrtem raṅgaokʼkana onako joto doń baḍaegea.

Dosar Biboron 28:6

“Ar din hilokʼ jionre bhorpe ńama.

Romiko lạgitʼ Pạul Apostolakʼ ciṭhi 2:1

Jãhãege noa iạte eṭakʼkoe dusiko enḍekhan uniń metaea, amakʼ ạnḍuṅteakʼ do okortam? Am do eṭakʼkom dusiyetʼkore apnarge cetʼ dusi mente bam sạbudokʼ kana? Ente eṭakʼko dom dusiyetʼkoa menkhan am do onagem kạmikana.

Johan 7:47

Noate Phạrusiko do onko peadakoko metatʼkoa, “Ape hõpe bulạu ocoyena se cetʼ?

Johan 7:12

Ar hoṛko hõ bhiṛ talare Jisu reaṅko phasar phusuretʼ tahẽkana. Adomko doko menkeda, “Uni do bhage hoṛ kanae.” Arhõ adomko doko menkeda, “Baṅ, uni do hoṛkoe bulạuetʼkoa.”

Sereńko 121:8

Probhu Isor do din hilokʼe horho jaṅgemea, ńit khon jaejug hạbicʼge.

2 Rapajko 18:32

Ona tayom hecʼkate apeakʼ nij disạm leka ar mitʼ disạmteń idipea. Ona disạm do hoyokʼkana anaj ar nãwã darkha rasa ạtukʼ disạm, piṭhạ ar darkha bagwan reakʼ disạm, jạitun ar dumur rasa reakʼ disạmtege. Ar ińakʼ katha lekape kạmi enḍekhan ape do bape gujukʼa bickom jiwetʼpe tahena. ‘Hiskiạ tinreye mena Probhu Isor do apeye rukhiyạpea, unre uniyakʼ katha do alope ańjomtaea, ente ona katha menkate uni doe ạnḍicʼetʼpea.

2 Samuel 10:3

Menkhan Amonren mukhiyạko do akoren kisạ̃ṛ Hanunko metadea, “Am do cetʼ noam hudiseda, Dạud do ạpume manotede tahẽkante jiwi raṛejtam lạgitʼ hoṛe kolakatʼkoa? Uni disạm ciyại lạgitʼe kolakatʼkoa jemon nagraha reakʼ khoj khoborko hatao daṛeakʼte tayomte onako marao daṛeakʼ.”

2 Samuel 3:27

Abner do Hebronteye ruạṛ hecʼena khan Joab do uni sãote oko okote galmaraoae reaṅ cholte nagraha reakʼ phaṭok talareye idikedea. Ar ona tayom do lacʼre sobokʼ kedeteye gocʼkedea. Nonkate uni do acʼren boeha Asahelakʼ mãyãm reakʼe halakeda.

Genesis 42:16

Aperen huḍiń utạricʼ boeha ạguye lạgitʼ ape modren mitʼhoṛ kolkaepe, ar sarecʼko do jotoge bondi akanpe tahẽ hataṛokʼa. Ar apeakʼ katha sạri kana se baṅa ona sạbudokʼa. Menkhan uni nonḍe bape ạguye enḍekhan Pharao ńutumteń kiriạkʼkana ape do disạm cikʼyạ hoṛ kangeape.”

Genesis 42:12

Unre Joseph do arhõe metatʼkoa, “Aleakʼ disạmre oka jaegakore rurukhiyạ reakʼ bebosta bạnukʼ, ona ńel lạgitʼgepe hecʼakana.”

Genesis 42:9

Unre uni do onko reaṅe kukmũletʼ reakʼ katha disạ hecʼadea. Uni do onkoe metatʼkoa, “Ape dope disạm cikʼyạ hoṛ kanape. Aleakʼ disạm reakʼ okako jaegare rurukhiyạ reakʼ bebosta bạnukʼ onako ńel lạgitʼgepe hecʼakana.”

2 Samuel 3:24

Unre Joab do raj ṭhen senkateye menkeda, “Am do cetʼem cekakeda? Abner do am ṭhene hecʼlenre cedakʼem sen ruạṛ ocokedea? Ńitokʼ uni doe ruạṛ calao akana.

2 Samuel 3:26

Niạ menkate Joab do Dạud ṭhen khone oḍok senente Abner sendraye lạgitʼ hoṛkoe kolketʼkoa. Onko do Sirạ ńutumanakʼ mitʼṭecʼ kuń ṭhen khon uniko ruạṛ ạgukedea. Menkhan Dạud do ona reakʼ bae baḍaeleda.