2 Samuel 3:14 - সান্তালী বাইবেল

¹⁴ Ona tayom Dạud do Sạulren hopon Isboset ṭhen hoṛkolkate noae baḍae ocokedea, “Ińren bạhu Mikạl imạńme. Iń do Philisṭikoakʼ mitʼsae khatnakʼakʼkote uniń baplaledea.”

2 Samuel 3:14 Referans Kwoze

1 Samuel 18:25

Unre Sạule metatʼkoa, “Dạud metaepe, raj do jãhãnakʼ gonoṅ hõ bae hataoa, eken bạiriko cetanre halae lạgitʼ mitʼsae Philisṭikoakʼ khatnakʼakʼge.” Nonkate Philisṭikoakʼ tite jemon Dạude marao utạrokʼ, noage Sạulakʼ monsubạ do tahẽkana.

2 Samuel 2:10

Sạulren hopon Isaboth do pongel bochor umerre Israel disạmren raje hoylena ar bar bochor raje calaoleda. Menkhan Jihudạ gusṭiren hoṛko do Dạud tabereko tahẽkana.

Mathae 1:18

Jisu Mạsiyakʼ janam do nonka leka hoelena. Jisuren eṅgat Mạriạm do Joseph tulucʼ baplakʼ reakʼ ṭhik akantae tahẽkana, menkhan unkin ạurikin mitʼ ṭhenokʼrege Sonot Jiu reakʼ daṛete Mạriạm doe bhạrti hoṛmoyena.

1 Samuel 25:44

Ar Sạul do acʼren hoponera, Dạudren bạhu Mikal do Palṭi sãoteye baplaledea. Palṭi do Galim atoren Layisren hopone tahẽkana.

2 Samuel 3:15

Unre Isbosetakʼ hukumte Mikalren jãwãetetʼ Layisren hopon Polṭiyel ṭhen khon Mikal doe ạgu ocoyena.

2 Samuel 6:16

Probhu Isorakʼ sinduk do Dạudakʼ nagrahate seṭerena khan Sạulren hoponera Mikal do jalna khon oyoṅkate onakoe ńelkeda. Ar Probhu Isor samaṅre Dạud do donate enecʼkane ńelkedete uniye nihạ̃tkedea.