2 Samuel 24:6 - সান্তালী বাইবেল

⁶ Ona tayom onko do Gilead ar Tahtim-Hadasi ṭoṭhateko calaoena. Ar ona tayom do Danre senkate Sidon secʼko ạcurena.

2 Samuel 24:6 Referans Kwoze

Josuạ 19:28

Ona tayom ona simạna do Ebron, Rehob, Hamon ar Kana secʼte maraṅ Sidon hạbicʼ calao idiyena.

Bikʼcạrko 1:31

Aser gusṭiren hoṛko hõ Akkor, Sidon, Ahiạb, Aksib, Helba, Aphik ar Rehobren hoṛko bako laga oḍokletʼkoa.

Josuạ 19:47

Dan gusṭirenko do akoakʼ joto bakhra bako hat daṛeatʼ tahẽkante onko lạgitʼ jaega do huḍińge tahẽkana. Onate onko do Lesem nagrahako akromonketʼte onḍenko hoṛko bhagaoketʼkoa ar sanamko gocʼketʼkote onako hatkeda. Ar onko do Lesemre girobasokʼko ehopʼena ar onkoren hapṛamkoakʼ ńutum lekate ona jaega reakʼ ńutum do “Dan” ko dohokeda.

Josuạ 11:8

Probhu Isor do Israelkoakʼ tire onkoe jimạkatʼkoa. Israelko do onko gocʼ gocʼte maraṅ Sidon, Misrephot-Mayim ar purub secʼ reakʼ Mispa lodam hạbicʼko khudạu idiketʼkoa. Ar mucạtʼ hạbicʼ okoehõ jiwetʼ do bako tahẽlena.

Numeri 32:39

Manasi hopon Makirren bõsko do Gilead disạmte senkate laharege disạmko dokhol akatʼ tahẽkana ar onḍe okoe Amoriko tahẽkan onkoko laga ńirketʼkoa.

Numeri 32:1

Ruben ar Gad gusṭiren hoṛkoren do ạḍi aema bhiḍi merom ar ḍaṅgra palko tahẽkantakoa . Onko do Jaser ar Gilead disạm do janwar ạsulko lạgitʼ ạḍi napae jaegakana menteko ńelketʼ khan,

Genesis 31:21

Nonkate Jakob do acʼakʼ sanam jinisko hataokateye dạṛkeda. Uni do Phurạt gaḍae paromketʼte Gilead reakʼ mitʼṭecʼ buru ṭoṭha secʼe sen idiyena.

Genesis 10:15

Kananren maraṅicʼ hoponakʼ ńutum do Sidon tahẽkana. Uni tayom do Hethe janamena.