2 Samuel 24:22 - সান্তালী বাইবেল

²² Arowna do Dạude metadea, “Ińren mạlik maharaj oka bhagem hudisetʼ onage ińakʼ nonḍe khon samaṅme. Jeredokʼ samaṅokʼakʼ lạgitʼ ḍaṅgra do nonḍege menakʼkoa ar sahan lạgitʼ hõ enokʼ paṭako ar ḍaṅgrakoakʼ arãṛ menakʼa.

2 Samuel 24:22 Referans Kwoze

1 Rapajko 19:21

Onate Elisa do uni bạgikateye ruạṛ calaoena. Uni do acʼren ḍaṅgrae gurketʼ kinạ ar nahel kaṭte jele isinketʼte hoṛkoe ematʼkoa ar onko do onako jomkeda. Ar ona tayom do Eliạ sãote calakʼ lạgitʼe oḍok hecʼena ar uniren sapʼ dapʼicʼe hoyena.

1 Samuel 6:14

Bet-semesre hecʼkate sagaṛ do Josuạwakʼ khet talare mitʼṭecʼ maraṅ okocʼ dhiri aṛere teṅgoyena. Ar Israelko do ona sagaṛ reakʼ kaṭte unkin gại do Probhu Isor ńutumte jeredokʼ samaṅokʼakʼko samaṅkeda.

1 Bõsbudạ 21:22

Dạud do uniye metadea, “Amakʼ noa khạrại do iń imạńme. Iń do do nonḍe Probhu Isor ńutumte mitʼṭecʼ pinḍ iń benaoa jemon hoṛkore oka mahamạri hoyokʼkan ona do thirokʼ. Ar purạ damtege ona do iń ṭhen ạkhrińme.”

Bikʼcạrko 6:26

Ona tayom ona jaega cetanre amren Isor Probhu Isor ńutumte mitʼṭen mońj okocʼ pinḍ benaome. Ar ona tayom onem makʼ giḍiakatʼ Asera muṭhạn reakʼ kaṭte dosaricʼ ḍaṅgrate mitʼṭecʼ jeredokʼ samaṅokʼakʼ samaṅme.”