2 Samuel 24:20 - সান্তালী বাইবেল

²⁰ Arowna do tinre raj ar uniren hoṛko acʼ secʼ hijukʼkane ńelketʼkoa unre uni do senkate otreye ombakʼente raje ḍobokʼadea.

2 Samuel 24:20 Referans Kwoze

2 Samuel 9:8

Niạ katha ańjomkate Mephiboset do uni ḍobokʼ adeteye menkeda, “Amren guti doe celekante, iń lekan mitʼṭecʼ gocʼ setam beṅgetʼae kana.”

Rut reakʼ kạhini 2:10

Noa katha ańjomkate Rut do ombakʼkate uni ḍobokʼ adeteye menkeda, “Dayate nunạkʼem moneyạń kan, noa do cekate hoyena? Iń doń porjạtren hoṛ kan coṅ.”

Genesis 18:2

Ar unreye beṅgetʼ rakapʼketʼ khan, acʼ khon thoṛa sạṅgiń ńokʼre pe hoṛ teṅgo akane ńel ńamketʼkoa. Uni do onko ṭhene ńir senente otre ombakʼkateye joharatʼkoa ar ona tayom doe metatʼkoa, “Ńelpe, jãhãn osubida bạnukʼtape khan dayakate aperen guti khon do alope sahaṛokʼa.

2 Samuel 24:19

Unre Dạud do Probhu Isorakʼ hukumte Gadakʼ katha leka onḍeye calaoena.

2 Samuel 24:21

Arownae menkeda, “Ińren mạlik maharaj do acʼren guti ṭhen cetʼ lạgitʼe hecʼakana?” Dạude roṛ ruạṛkeda, “Probhu Isor ńutumte mitʼṭecʼ pinḍ benao lạgitʼte iń do amakʼ khạrại kirińiń menjoṅkana, jemon hoṛko cetanre hecʼakan mahamạri thirokʼ.”

2 Samuel 1:2

Ar tesar hilokʼ Sạulren lạṛhại phạdkoakʼ ḍera khon mitʼṭen hoṛ do Dạud ṭhene hecʼena. Uniyakʼ kicricʼ do oṛecʼ oṛecʼ ar bohokʼre do dhuṛi tahẽkantaea. Uni do Dạud ṭhen hecʼkate otre ombakʼkateye ḍobokʼadea.