2 Samuel 24:2 - সান্তালী বাইবেল

² Unre raj do acʼ sãoten subedar Joabe metadea, “Ape do Dan khon Ber-seba hạbicʼ Israel gusṭiko talare senkate hoṛ lekhakope jemon iń do onkoakʼ lekhań baḍae daṛeakʼ.”

2 Samuel 24:2 Referans Kwoze

Bikʼcạrko 20:1

Inạ tayom Gileadren Israelko ar Dan khon Ber-seba hạbicʼ sanam jaegaren hoṛko oḍokʼ hecʼena ar Mispare Probhu Isor ṭhenko jarwayena.

2 Samuel 20:23

Joab do Israelren sanam lạṛhại phạdkoren maraṅ subedare tahẽkana ar Jehoyada hopon Benaya do Dạudren rurukhiyạko Kerithiko ar Pelethikoren subedare tahẽkana;

2 Korinthiko 12:7

Iń ṭhen ạḍi lekanakʼko sodorakante alo jemoniń usulokʼ, onate kosṭo emạń lạgitʼ ińakʼ hoṛmore mitʼṭecʼ jạnum, metakʼme Soetanren goḍete emadiń tahẽkana.

Jirimiạ 17:5

Probhu Isore meneda, “Okoe hoṛ manwa cetanreye bhorsakʼkan ar acʼakʼ daṛere pạtiạue dohoyetʼte ińre mon bạnukʼtae uni doe sarapanicʼ kana.

Kạhtukko 29:23

Manwa do acʼakʼ bạḍạiteye copodokʼa, menkhan mạ̃hir monan hoṛ do manote ńama.

2 Bõsbudạ 32:31

Disạmre okaṭakʼ hahaṛa kạmi ńellen ona reaṅ kuliye lạgitʼ tinre Babelren mukhiyạko do goḍetko kolkedea unre Isor do uni biḍạue lạgitʼ iạteye bạgi oṭo akade tahẽkana, jemon uniyakʼ monre menakʼakʼ sodorokʼtae.

1 Bõsbudạ 21:2

Dạud do unre Joab ar lạṛhại phạdkoren subedarkoe metatʼkoa, “Berseba khon Dan hạbicʼ Israelko lekhakope. Ona tayom ruạṛ hecʼkate lạiyạńpe jemon onkoakʼ lekhań baḍae daṛeakʼ.”

2 Samuel 23:37

Amonren Selek, Seruaren hopon Joabakʼ khanḍa bhanḍa asenicʼ Berotiạ Nohoroe,

2 Samuel 17:11

“Onate noa sopolhań emam kana: Dan khon Ber-seba hạbicʼ doreão aṛe reakʼ alekha gitil leka Israelren sanam hoṛ am ṭhenko jarwakʼma ar am hõ onko tulucʼ lạṛhại oḍok calakʼme.

2 Samuel 8:16

Seruyaren hopon Joab do uniren maraṅ subedare tahẽkana ar Ahiludren hopon Jehosaphat do uniyakʼ rajosṭi reakʼ sanam itihãskoe ol dohoyetʼ tahẽkana.

2 Samuel 2:13

Unre Serua hopon Joab ar Dạudren hoṛko oḍok hecʼena. Ar Gibeon reakʼ pukhri ṭhenko samna sạmniyena. Mitʼ dol do pukhri niạsa aṛere ar eṭakʼ dol do pukhri hanasa aṛereko duṛupʼena.

Genesis 21:14

Unre Abraham do ạḍi setakʼre beretʼkate thoṛa jomakʼ ar dakʼte perecʼ mitʼṭecʼ kum Hagare emadete tarenrey ladeadea. Ar ona tayom gidrạ hõ tireye caladete uniye bidạkadea. Hagar do onḍe khon oḍokʼkate Ber-Seba reakʼ hahaṅkarre ạcur baṛaye ehopʼena.

2 Samuel 24:15

Ar Probhu Isor do unre setakʼ khon ehopʼkate niṭ akatʼ okte hạbicʼ Israel cetanre mitʼṭecʼ mahamạriye kolkeda. Onate Dan khon Ber-seba hạbicʼ goṭa disạmren hoṛko tala khon eaegel hajar hoṛko gocʼena.