2 Samuel 24:17 - সান্তালী বাইবেল

¹⁷ Okoe serma goḍet do hoṛkoe ńẽtʼetʼko tahẽkan Dạud do uniye ńelkede khan Probhu Isore metadea, “Ińgeń ghạṭ akada ar ińgeń behok akada. Menkhan noko bhiḍiko do cetʼko ceka akada? Onate eken iń ar iń ạpuńren bõskoge baṛe sạjạilem.”

2 Samuel 24:17 Referans Kwoze

Sereńko 74:1

E Isor, jaejug lạgitʼ cedakʼem bạgi giḍi akatʼlea? Amakʼ ạtiń ṭạnḍiren bhiḍiko upạrte cedakʼ amakʼ edre reakʼ seṅgel do sarsaokʼ kana?

2 Samuel 24:10

Disạm hoṛe lekha ocoketʼko tayom Dạudakʼ mon do sobokʼentaea. Uni do Probhu Isor ṭhen koekateye menkeda, “Noa kạmikate iń doń ghạṭ akada. E Probhu Isor, ńitokʼ do am ṭheniń nehõrokʼ kana, amren gutiyakʼ ghạṭ baṛe ocokʼkakʼme. Iń do lelha hoṛ lekań kạmi akada.”

Jobakʼ 42:6

Onate okań men akatʼ ona do ńitokʼ iń chibaṅakʼ kana, ar dhuṛi ar torocʼre duṛupʼ kateń kastaokʼ kana.”

Sakariạ 13:7

Phạdkoren Probhu Isore meneda, “E tarwaṛe, am do ińren gukʼpiko upạrte, ińren sãoten hoṛko upạrte, ebhenokʼme. Gukʼpiyicʼ iń mageya, enḍekhan bhiḍiko doko chir chạturokʼa; ar iń do bhiḍi hoponko upạrte hõ tiyiń tula.

Jesaea 6:5

Unre iń doń menkeda, “Hae, iń doń marao utạrena, ente ińakʼ moca do bhõnḍgetińa ar nonkan hoṛko talareń girobasokʼ kana okoekoakʼ moca do bhõnḍgetako. Iń do ińakʼ mẽtʼte raj, phạdkoren Probhu Isoriń ńelkedea.”

Sereńko 44:11

Samaṅe lạgitʼ tiyạkʼ idiye bhiḍi leka onkoakʼ tire am dom aṛakʼ akatʼlea ar eṭakʼ eṭakʼ jạtrenko talarem chirchạtur akatʼlea.

Jobakʼ 7:20

E manwaren horhoyicʼ, ińiń kại akatʼ khan enḍekhan onate amakʼ do cetʼtam. Amakʼ jos menkate do cedakʼem doho akadińạ? Iń do cetʼ amren bojhań hoyakana?

1 Rapajko 22:17

Mikại roṛ ruạṛkeda, “Ińiń ńelkeda, Israelko do gupiyicʼ begor bhiḍi leka buru cetanreko chirchạtur akana. Onate Probhu Isore meneda, ‘nokoren do cele mạlikge bạnukʼkotakoa, onate onko do sulukte apan ạpin oṛakʼteko senjoṅma.’ ”

Genesis 44:33

Onate hujur, dayakate uni bodolte ińge golam lekate dohoyińme, ar nui koṛa do boehako sãote ruạṛ calao ocoaeme.

Genesis 18:23

Ar Abraham do Probhu Isor ṭhen sorenteye menkeda, “Menkhan am do cetʼ bạṛicʼ hoṛko sãote dhorom hoṛko hõm maraokoa?

2 Samuel 7:8

“Ńitokʼ ińren guti Dạud metaeme, sanam daṛeanicʼ Probhu Isor do niạ kathae meneda, ‘ińren hoṛ do Israelkoren cakʼlaoyicʼ hoyokʼ lạgitʼ ińge gupi ṭạnḍi khon, bhiḍi palrenko tayom khoniń ạgu akatʼmea.

Jona 1:12

Jonae roṛ ruạṛkeda, “Doreãore giḍikạńpe enḍekhan jalapuri do ḍelḍel thirokʼa. Ińiń baḍaea, ińakʼ dos iạtege noa birbão hoe do apere paṛao akana.”

Exodus 10:16

Unre Pharao do usạra Mose ar Arone hoho ạgu ocoketʼkinteye metatʼkinạ, “Iń do aperen Probhu Isor ar ape upạrteń kại akada.

Numeri 16:22

Menkhan Mose ar Aron do otre ombakʼ hapeyentekin menkeda, “E Isor, am do sanam manwakoren babańcaoicʼ kanam. Eken mitʼ hoṛe kại akatʼte cetʼ goṭa Israel somaj cetanre amakʼ edrem sodortama?”

2 Samuel 12:13

Unre Dạud do Nathane metadea, “Iń do Probhu Isor upạrteń kại akada.” Nathane roṛ ruạṛadea, “Probhu Isor do amakʼ kạiye ikạ akatʼtama; am do bam gujukʼa.

Sereńko 32:5

Unre ińakʼ kại do am ṭheniń aṅgockeda, ińakʼ bedhorom do ar bạń oko doholeda. Ińiń menkeda, “Ińakʼ ghạṭko reakʼ katha do ińren Probhu Isor ṭheniń aṅgoca.” Ar am do ińakʼ ghạṭkom ikạkatʼa. (Sela)

Sereńko 78:71

Uni do toa emokʼkan bhiḍiko ńel todarotko kạmi khone ạgukedea, jemon uni do Probhu Isorren hoṛko, metakʼme Jakob bõsrenko, okoe do uniyakʼ sompotti onko Israel jạtrenkoe gupi daṛeako.