2 Samuel 24:16 - সান্তালী বাইবেল

¹⁶ Jerusalem marao lạgitʼ serma goḍet do tinre tiye tulketʼtaea unre Probhu Isor do ona bạṛicʼ sạjại khon mone ạcurketʼtaea. Ar okoe serma goḍet do hoṛkoe maraoetʼko tahẽkan uniye metadea, “Inạkʼkakʼme, ḍher hoyakana. Amakʼ ti do or ruạṛtam.” Un jokhecʼ Probhu Isorren goḍet do Jebusiạ Arownakʼ khạrại ṭhene teṅgo akan tahẽkana.

2 Samuel 24:16 Referans Kwoze

Exodus 12:23

Misriko ńẽtʼko jokhecʼ Probhu Isor do tinre Misor disạm talateye parom calakʼa ar unre apeakʼ duạr cạukạṭ reakʼ mãyãme ńelle khan uni do ona oṛakʼe bạgi oṭowakʼ are laha calakʼa. Ar okoe noa ḍahao marao reakʼ kạmiye kạmi uni do apeakʼ oṛakʼre bae bolo ocoaea.

Genesis 6:6

Onate Probhu Isor do ontorreye dukena. Ar dhạrtiren manwae sirjạukedete bhabna iạteye menkeda, “Ińren benaoicʼ manwa do dhạrti khoniń marao utạrea; ar uni sãote sanam jiwiyanko, leńokʼ ṭunḍạṅko ar coṭren cẽṛẽko hõń maraokoa. Noakoń benao akatʼte iń do monre ạḍi dukiń ńameda.”

Aposkạmi 12:23

Herod do unre Isor bae sarhaoledete Probhu Isorren mitʼṭen goḍet do uniye ńẽtʼkedea, arko tejokedete uni doe gocʼena.

2 Bõsbudạ 3:1

Solomon do Jerusalem reakʼ Mạriạ burure Probhu Isorakʼ oṛakʼ benao lạgitʼe ehopʼena. Niạ bururege Jibusiạ Arownakʼ khạrạire Probhu Isor do uniren apat Dạud ṭhene ńel ocolena. Ar Dạud do niạ ṭhạ̃ige koejoṅ oṛakʼ lạgitʼe ṭhik dohoakatʼ tahẽkana.

2 Rapajko 19:35

Enhilokʼ ńindạ Probhu Isorren goḍet do oḍok senkate Ạsurrenkoakʼ ḍeraren mitʼ lakh irạlgel mõṛẽ hajar hoṛe gocʼketʼkoa. Dosar hilokʼ setakʼre hoṛko do tinreko beretʼena unre sanam jaegare mạ̃ṛĩko ńelkeda.

1 Samuel 15:11

“Sạul do ińakʼ monduk reakʼe hoyakana, ente uni do iń ṭhen khone pharak akana ar ińakʼ hukume bebatao akada.” Niạ katha ańjomkate Sạmuel doe khĩsena ar goṭa ńindạ Probhu Isor ṭhene rakʼ aṅgakeda.

2 Bõsbudạ 32:21

Onate Probhu Isor do mitʼṭen goḍete kolkedea uni do Ạsurren rajakʼ ḍeraren sanam lạṛhại birko, mukhiyạko ar subedarkoe marao giḍikatʼkoa. Onate Senakerib doe lajaoente apnarakʼ disạmteye ruạṛ calaoena. Ar acʼren debotawakʼ mundilteye boloyen khan unire adom hoponko do uniko gocʼkedea.

2 Korinthiko 2:6

Aperen ḍher hoṛko mitʼkate okaṭakʼ sạjạiko emakawade onage uni lạgitʼ do ḍhera.

Mark 14:41

Ado tesar dhao ruạṛ hecʼkateye metatʼkoa, “Ńitokʼ hõpe jạpitʼ akatʼgea? Ḍher hoyakana. Ńelpe, okte do seṭerena. Ńitge Manwa Hopon do kại hoṛkoakʼ tireye soprot ocokʼa.

Sakariạ 9:7

Onkoakʼ moca khon mãyãm sudhạ jel ar baronakʼ eṭakʼakʼ jomakʼ iń oḍoktakoa. Onko modre okoe jiwetʼko tahen onko do ińren hoṛko hoyokʼa; onko do Jihudạren mitʼṭen bõsren lekako hoyokʼa ar Ekron do Jebusiko lekae hoyokʼa.

Habakkuk 3:2

E Probhu Isor, iń do amakʼ kạmi reakʼ katha ańjomteń botorena. E Probhu Isor, ale okterege onako do arhõ onkaeme; aleakʼ okterege am do onako udukʼaleme. Edrekʼ jokhecʼ mãyãkʼ reakʼ katha do alom hiṛińa.

Amos 7:6

Unre Probhu Isor do ona ńutumte kastaoenteye menkeda, “Onka do ar baṅ hoyokʼa.”

Amos 7:3

Unre Probhu Isor do mone ạcurketʼteye menkeda, “Onka do ar baṅ hoyokʼa.”

Jesaea 57:16

Iń do jaejug hạbicʼ manwa do bạń dusiyea se ińakʼ edre unre bạń dohoya. Ente iń khonge jiu do oḍokokʼ kana ar ińge jiu reakʼ sahẽtʼ doń benao akada.

Jesaea 27:8

Uni do bicạrkateye oḍok giḍi akadea, menkhan bạ̃ṛti sạjại do bae em akawadea; purub reakʼ hoe leka uni doe oṭaṅ idiakadea.

Sereńko 135:14

ente Probhu Isor do acʼren hoṛko dhorom reakʼe bicạrtakoa, ar acʼren golam doe mãyã akoa.

Sereńko 90:13

E Probhu Isor, ar tinạkʼ din? Ma ruạṛokʼme, amren golamkore mãyãkʼme.

Sereńko 78:38

Enhõ uni do mãyãteye perecʼgete onkoakʼ bedhoromakʼkoe ikạketʼtakoa, onko do bae marao giḍiletʼkoa; acʼakʼ edre do ghane ghạṛicʼe dobnaoketʼtaea, uniyakʼ edre do baṅ sarsao rakapʼlena.

Sereńko 35:6

Onkoakʼ hor do ńut ar leńjetʼge hoyokʼma; Hẽ, Probhu Isorren goḍet do onkoe khudạuko ma.

1 Rapajko 19:4

Menkhan acʼ do hahaṅkar talate mitʼ din reakʼ horteye laha idiyena. Ar onḍe mitʼṭecʼ rothem jhạuạ latarre duṛupʼkate gujukʼ lạgitʼe koekeda. Uni doe menkeda, “E Probhu Isor, ḍherge hoyakana. Nitokʼ do ińakʼ jiwi baṛe hataotińme; ente ińren hapṛamko khon mońj do bạnuńa.”

2 Samuel 24:18

Enhilokʼ Gad do Dạud ṭhen senkateye metadea, “Am do Jebusiạren Arownakʼ khạrạite senkate Probhu Isor ńutumte onḍe mitʼṭecʼ pinḍ benaome.”

2 Samuel 5:8

Enhilokʼ Dạude menletʼ tahẽkana, “Jãhãege, Jebusiạko, metatʼme onko kãṛãko ar leḍhako hạnkoe menetʼ khan uni do dakʼ nalako secʼte calakʼ hoyokʼtaea. Iń do onkoń hirkhạwako kana.” Ona iạte hoṛkoko mena, “Kãṛã ar leḍhako do Probhu Isorakʼ oṛakʼte bako bolo daṛeakʼa.”

Bikʼcạrko 1:21

Menkhan Benjạmin gusṭiren hoṛko do Jerusalemre girobasokʼ kan Jebusiko bako laga oḍok daṛeatʼko tahẽkana. Onate teheń hạbicʼ Jebusiko do Benjạmin gusṭirenko sãote onḍeko girobasokʼkana.

Josuạ 15:63

Jihudạ gusṭi do menkhan Jebusiko bako laga ńir daṛeatʼkoa. Jebusiko do Jerusalemren hoṛko tahẽkana. Jihudạ gusṭiren hoṛko sãote Jibusiko do teheń hạbicʼ onḍeko girobasokʼkana.

Exodus 12:13

Menkhan apeakʼ oṛakʼre oka mãyãm potao akae tahen onage apeakʼ nisana do hoyokʼa. Ar ona mãyãm ńelte ape doń bad oṭokapea ariń parom calakʼa. Onate ape do Misor disạm reakʼ duk khon rukhiyạpe ńama.

Exodus 9:28

Am do Probhu Isor ṭhen nehõrokʼme. Huḍur ar arel do ḍherge hoyakana. Niạ dhao doń sen ocoapea. Nonḍe do ar tahen baṅ hoyokʼtapea.”

Genesis 10:16

Jebusiko, Amoriko, Girgạsiko,

Exodus 32:14

Niạ katha ańjomkate Probhu Isor do daya hecʼadea. Uniren hoṛko cetanre oka muhin ạgui reakʼ kathae menletʼ ona do ar bae ạguleda.

1 Korinthiko 10:10

Onko modre ạḍi hoṛgeko karacʼ kurucʼlente cetʼleka nonosṭoyicʼ goḍet hoteteko marao ocolen, ape do onaka alope karacʼ kurujokʼa.

Jirimiạ 26:19

Jihudạren raj Hiskiạ se Jihudạren eṭakʼ jãhãe do cetʼ Mikại gocʼledea? Hiskiạ do cetʼ Probhu Isor bae botorae kan tahẽkana ar uniyakʼ daya do cetʼ bae khojletʼa? Onate Probhu Isor do hoṛko cetanre oka muhin paṛao ocoy reakʼ kathae roṛletʼ ona do ar bae kolleda. Menkhan abo do apnarte mitʼṭecʼ maraṅ botor bon ạgujoṅkana. ”

Jirimiạ 42:10

‘disạmrepe tahẽlen khan doń benao rakapʼ pea, ar bạń rạputʼ giḍipea; iń doń rohoepea, ar bạń totʼ giḍikapea, ente ape cetanre oka muhiniń ạguakatʼ ona iạte iń do monre dukiń ńamakada.