2 Samuel 24:10 - সান্তালী বাইবেল

¹⁰ Disạm hoṛe lekha ocoketʼko tayom Dạudakʼ mon do sobokʼentaea. Uni do Probhu Isor ṭhen koekateye menkeda, “Noa kạmikate iń doń ghạṭ akada. E Probhu Isor, ńitokʼ do am ṭheniń nehõrokʼ kana, amren gutiyakʼ ghạṭ baṛe ocokʼkakʼme. Iń do lelha hoṛ lekań kạmi akada.”

2 Samuel 24:10 Referans Kwoze

2 Samuel 12:13

Unre Dạud do Nathane metadea, “Iń do Probhu Isor upạrteń kại akada.” Nathane roṛ ruạṛadea, “Probhu Isor do amakʼ kạiye ikạ akatʼtama; am do bam gujukʼa.

1 Samuel 13:13

Sạmuele menkeda, “Am do bebuj lekam kạmiakada. Amren Probhu Isor okae hukumatʼme tahẽkan ona do bam manaoleda. Onam manao lekhan Israelko cetanre amakʼ rajokʼ do jaejug hạbicʼe dohoketama.

Kạhtukko 28:13

Okoe hoṛ acʼakʼ kạiye danaṅkakʼ uni do bae jo baha daṛeakʼa, menkhan okoe onae aṅgoc are bạgiyakʼ uni do dayae ńama.

1 Samuel 24:5

Sạulakʼ aṅgrop khon ańcare getʼ kuṭrạketʼtae khan Dạud do mon sobokʼentaea.

1 Johan 1:9

Abo do aboakʼ kạiko bon aṅgocle khan, enḍekhan uni do unrege aboakʼ kạikoe ikại tabona ar sanam bedhorom khone sapha bona, ente uni doe pạtiạrgea ar tis hõ bae bedhoroma.

2 Bõsbudạ 16:9

Okoe do Probhu Isorko botorae onko rukhiyạko lạgitʼ uniyakʼ mẽtʼ do dhạrti reakʼ sanam jaegakore tahena. Am do lelhawakʼem kạmi akada. Ńit khon am do ghane ghạṛicʼ lạṛhạirem paṛaokʼa.”

1 Bõsbudạ 21:8

Unre Dạud do Isore metadea, “Noa kạmikate in doń ghạṭ akada. Ar ńitokʼ do am ṭheniń nehõrokʼ kana, niạ behokakʼ khon iń amren guti do ikạkạńme baṛe. Iń do lelha hoṛ lekageń kạmi akada.”

Titus lạgitʼ Pạul Apostolakʼ ciṭhi 3:3

Abo hõ pạhil do bebujko, bebataoko, bulạu ocokʼko, ạḍi lekanakʼ bạṛicʼ sana ar hạ̃s rạskạre golam akanko bon tahẽkana. Abo do dusṭạmi ar hiskạte din bon khemoetʼ tahẽkana. Ar eṭakʼko bon hirkhạwako kan tahẽkana.

Johan 8:9

Noa katha ańjomkate onko mukhiyạko modre haṛam khon ehopʼkate mitʼ mitʼte jotoko calao cabayena. Eken Jisu eskargeye sarecʼ tahẽyena, ar acʼ samaṅre do uni maejiuge teṅgo akan.

Johan 1:29

Dosar hilokʼ Johan do Jisu acʼ ṭhen hijukʼkane ńelkede khane menkeda, “Hạni ńelepe Isorren Bheḍa Hopon, one uni manwakoakʼ sanam kạiye gokʼ idiyetʼkan.

Mark 7:22

laloc, dusṭạmi, eṛe, umtạ umti, mẽtʼ jolokʼ, opoman, bạḍại ar bebujko oḍok hijukʼa.

Hosea 14:2

Ape do Probhu Isor ṭhen ruạṛ hijukʼpe ar uni metaepe, “Aleakʼ sanam kạiko ikạitaleme ar aleakʼ oka bhageakʼkan ona ataṅme jemon ale do damkom samaṅokʼakʼ leka aleakʼ luṭitele sarhaome.

Sereńko 32:5

Unre ińakʼ kại do am ṭheniń aṅgockeda, ińakʼ bedhorom do ar bạń oko doholeda. Ińiń menkeda, “Ińakʼ ghạṭko reakʼ katha do ińren Probhu Isor ṭheniń aṅgoca.” Ar am do ińakʼ ghạṭkom ikạkatʼa. (Sela)

Jobakʼ 7:21

Am do cedakʼ ińakʼ dos ar kại bam ikạyetʼtińạ? Iń ma usạrage coṅ dhuṛire gitijokʼ hoyokʼtiń; am dom sendrayińạ, menkhan iń do bạń tahena.”

2 Bõsbudạ 32:26

Unre Hiskiạ do acʼakʼ mon reakʼ bạḍạitetʼe bujhạuketʼ khan uni doe nindhạnena ar uni sãote Jerusalemren hoṛko hõ. Ona iạte Hiskiạ oktere Probhu Isorakʼ edre do onkore baṅ hecʼ paṛaolena.

1 Samuel 26:21

Unre Sạule menkeda, “Aliń doliń kại akada. E jãwãe, aben do dela ruạṛ hijukʼ ben. Teheń ạlińakʼ jiwi do aben ṭhen ạḍi damakʼge tahẽkana; ạliń do abenakʼ loksan reakʼ ar bạliń kurumuṭuya. Sạrige noa maraṅ behok iạte lelha leka liń kạmi akada.”

Dosar Biboron 32:6

E bebuj, ar bin ạkilan jạtrenko! Probhu Isor do cetʼ nonkagepe halawaea? Uni do cetʼ aperen baba ar sisirjạuicʼ doe baṅkana? Unige coṅ ape mae sirjạu akatʼpe; ar jạtrenko lekate unige ape doe kajak akatʼpea.

Numeri 12:11

Ona ńelte uni do Moseye metadea, “E ạlińren kisạ̃ṛ, bebuj iạte okaliń kại akatʼ ona do alom sabtạlińa.

2 Samuel 24:17

Okoe serma goḍet do hoṛkoe ńẽtʼetʼko tahẽkan Dạud do uniye ńelkede khan Probhu Isore metadea, “Ińgeń ghạṭ akada ar ińgeń behok akada. Menkhan noko bhiḍiko do cetʼko ceka akada? Onate eken iń ar iń ạpuńren bõskoge baṛe sạjạilem.”

1 Rapajko 8:35

“Am birudre amren hoṛkoakʼ kại gunạkʼte tinre rimil esedokʼte bae daga unre onko do niạ jaegare ruạṛkate amko sarhaome ar am ṭhenko koejoṅ ar akoakʼ kại khonko ruạṛokʼ,

Exodus 10:16

Unre Pharao do usạra Mose ar Arone hoho ạgu ocoketʼkinteye metatʼkinạ, “Iń do aperen Probhu Isor ar ape upạrteń kại akada.

1 Samuel 24:6

Uni do acʼren hoṛkoe metatʼkoa, “Ińren kisạ̃ṛ upạrte, Probhu Isorren ojokʼ bahalicʼ upạrte tiyiń rakab tiń Probhu Isor do ona tishõ bae aṛakʼ akawạdińa, ente uni do Probhu Isorren ojokʼicʼ kanae.”

1 Bõsbudạ 21:7

Niạ hukum do Isorakʼ mẽtʼre hõ bạṛicʼakʼge tahẽkana; onate uni do Israel jạtrenkoe sạjạiketʼkoa.

Joel 2:12

Probhu Isore meneda, “Ńitokʼ do upạspe ar rakʼjoṅpe ar duk sodor salakʼ goṭa ontorte iń ṭhen ruạṛpe.”