2 Samuel 24:1 - সান্তালী বাইবেল

¹ Probhu Isor do arhõ Israelko cetanre pit caṛhaoentaea. Uni do onko upạrte Dạude uskurkedeteye metadea, “Am do senkate Israel ar Jihudạren hoṛkom lekhakoa.”

2 Samuel 24:1 Referans Kwoze

1 Bõsbudạ 21:1

Soetan do Israelko upạrteye teṅgoyena. Uni do Dạudakʼ monre Israelko lekhako lạgitʼe uskurkedea.

Aposkạmi 4:28

Amakʼ daṛe ar sanate oka hoyokʼa mentem goṭa doholetʼ tahẽkan onko do onageko onkakeda.

Jeheskel 20:25

Ona iạte okaṭakʼ bhageakʼ baṅkan ar okaṭakʼ niạm hotete jion bako ńam onako reakʼ tireń aṛakʼ giḍikatʼkoa.

Jeheskel 14:9

“ ‘Ar uni nạbi jãhãnakʼe roṛ ruạṛae enḍekhan baḍaeme, iń Probhu Isorge roṛ ruạṛ emokʼ lạgitʼ uniń bulạu akadea. Ona tayom uni nạbi upạrte tiyiń tultińạ ar ińren hoṛ Israelko tala khoniń marao giḍikaea.

2 Samuel 16:10

Raje menkeda, “E Seruyaren hoponko, noa reaṅ ape sãote ińakʼ do cetʼ? Probhu Isorge, ‘Dạud sarapaeme’ noa kathae metaekan khan, tobe uni do okoeye kuli daṛekea, ‘cedakʼ nonka dom kạmikana?’ ”

2 Samuel 12:11

“Probhu Isor do arhõe meneda, ‘iń do amakʼ gharońj khonge am do muhinreń paṛao ocomea. Amakʼ mẽtʼãhã samaṅrege amren erako do amren hoṛiń emaea. Uni do sanamko samaṅre amren erako tulucʼe giticʼ midokʼa.

1 Samuel 26:19

E ạlińren maharaj, ạlińren mạlik, ńitokʼ do dayakate abenren gutiyakʼ katha ańjom ben. Probhu Isorge ạliń upạrteye teṅgo akatʼ ben khan tobe do ạlińakʼ samaṅokʼakʼ uni ṭhen ataṅokʼma. Ar manwako onka akatʼ khan tobe do Probhu Isorakʼ sarap onkore paṛaokʼma, ente teheń do Probhu Isore em akatʼ sompottire ạlińakʼ oka bhag menakʼ ona khon laga ńir liń reakʼko kurumuṭu kana. Onko doko meneda, ‘Do calakʼme, ar debotako pujạwakome.’

Exodus 7:3

Menkhan iń do Pharaoakʼ moniń keṭecʼ ocoytaea jemon Misor disạmre aema cinhạ ar hahaṛa kạmikoń kạmi daṛeakʼ. Uni do abenakʼ katha bae ańjoma. Onate iń do Misor disạm cetanre ińakʼ tiyiń tultińạ ar ạḍi bạṛicʼ sạjạyiń emokʼte ińren phạdko, metakʼme ińren hoṛ Israelko ona disạm khoniń oḍok ạgukoa.

Genesis 50:20

Ape do ińre bạṛicʼpe hudisleda, menkhan Isor do ona talate bhạlại reakʼe monsubạ akada jemon ḍher hoṛakʼ jiwi rukhyiạkʼtako; ar teheń do onage hoyakana.

Genesis 45:5

Ińpe ạkhrińledeńte alope dukokʼa ar apnar cetanre alope raṅgaokʼa. Manwa jiwi rukhiyạitako lạgitʼge Isor do ape lahate nonḍeye kol akadińạ.

2 Thessalonikiko 2:11

Onate Isor do onko ṭhen nonkan mitʼṭecʼ daṛeye kola onate bhul horteye idikoa, jemon eṛeakʼreko pạtiạukʼ.

Levitikus 10:6

Ona tayom Mose do Aron ar uniren banar hopon Eliasar ar Ithamare metatʼkinạ, “Duk iạte bohokʼ totolakʼ do aloben raṛaea ar kicricʼ hõ alo ben oṛeja. Arben onkae khan aben hõ ben gujukʼa ar goṭa Israel jạtrenko cetanre Probhu Isorakʼ edre do sodorokʼa. Menkhan Probhu Isor okoekin seṅgelteye gocʼketʼkin unkin lạgitʼ aperen peṛa pạrbhạko, metakʼme eṭakʼ Israelko doko rakʼ homor daṛeakʼa.

Numeri 1:19

Sinại hahaṅkarre Probhu Isorakʼ hukum leka Mose do hoṛkoe lekhaketʼkoa.

1 Bõsbudạ 7:2

Toloyren hoponko doko hoyokʼkana Usi, Rophae, Jiriyel, Johomoy, Jibsom ar Samuel. Noko do nij nij bõsren mukhiyạko tahẽkana. Dạudakʼ rajokʼ oktere Toloyakʼ bõsren okoeko hoṛakʼ ńutum do lạṛhại hoṛ lekate bõsbudạko ńum ocolen onko do lekhare bargel bar hajar turui sae hoṛko tahẽkana.

Bikʼcạrko 2:14

Ona iạte Probhu Isor do Israelko luluṭkoakʼ tireye jimạyetʼko tahẽkana. Onko do onkoakʼ jiniskoko luṭetʼ tahẽkana. Uni do onkoren beṛhaeten bạiriakʼ tireye jimạyetʼko tahẽkana, ar onate bạiriko upạrte bako teṅgo daṛeakʼkan tahẽkana.

Bikʼcạrko 2:20

Ona iạte Probhu Isor do Israelko cetanre edreteye menkeda, “Nokoren hapṛamko okaṭakʼ iń bondobosatʼko tahẽkan ona do noko bako manao akada ar ińakʼ katha hõ bako ańjom akada.

2 Rapajko 3:6

Unre Jehoram raj do Samariạ khone oḍok hecʼente Israelren sanam lạṛhại phạdkoe jarwaketʼkoa.

1 Bõsbudạ 7:40

As gusṭiren noko hoṛko do nij nij bõsren mukhiyạko tahẽkana. Noko mimitʼko do bachao akan birbanṭa ar maraṅ mukhiyạko tahẽkana. Asakʼ bõsbudạre olakan hoṛko modre lạṛhại calakʼ sapṛao akan hoṛkoakʼ lekha do bargel turui hajar tahẽkana.

2 Bõsbudạ 32:25

Menkhan Hiskiạ do monre bạḍại hecʼadea. Uni cetanre cetʼleka bhore ńamketʼ ona leka do bae kạmileda; onate uni cetanre, Jihudạ ar Jerusalem cetanre Probhu Isor doe edreyena.