2 Samuel 23:5 - সান্তালী বাইবেল

⁵ Isor ṭhen ińakʼ bõs do cetʼ onka do baṅkana? Iń iạte uni do mitʼṭecʼ jaejugakʼ bondobose dohoakada. Ona bondobos reakʼ sanamakʼko ṭhik leka sajao are khạṭi dohoakada. Ińakʼ bańcao doe jo baha ocoya, ar ińakʼ monsubạ doe puruntińạ.

2 Samuel 23:5 Referans Kwoze

Jesaea 55:3

Ińakʼ katha luturakʼpe, ar iń ṭhen hijukʼpe; jemon ińakʼ katha ańjomkate jiwetʼpe tahen. Iń do pạtiạrte perecʼ dulạṛ iạte Dạud ṭhen okań gokʼletʼ ona lekage ape lạgitʼ mitʼṭecʼ jaejugakʼ bondobos iń bandhaoa.

Jirimiạ 32:40

Onko lạgitʼ iń do noa jaejug bondobosiń dohoya ar onko lạgitʼ bhạlại do tisge bạń bonda. Iń do onkoakʼ monre botoriń rakapʼ ocoytakoa jemon iń khon tishõ aloko ruạṛ calakʼ.

Ibriko 13:20

Oka mãyãmte sulukren Isorakʼ jaejug bondobos doho akan ona hotete Isor do aboren Probhu Jisu Mạsi, metakʼme bhiḍikoren maraṅ gupiyicʼ do gocʼko khone jiwetʼ beretʼkedea.

Ibriko 6:19

Noa as do aboakʼ jionre loṅgor leka khạṭi ar kajakgea, ar ona do sonot jaega reakʼ orwal tayomre, metakʼme Isor samaṅre seṭerokʼa.

Aposkạmi 13:34

Isor do gocʼko khon uniye jiwetʼ akadea ar uniyakʼ hoṛmo do tishõ baṅ nosṭokʼtaea, ona kathakore Isore menakada, ‘Sonot ar sạriyakʼ bhor reakʼ Dạud ṭhen okań kiriyạlen, ona do amiń emama.’

Amos 9:11

Probhu Isore meneda, “Enhilokʼ Dạudakʼ lạnduṛ akan oṛakʼ do arhõń beretʼ ruạṛa. Uniyakʼ rạputʼ ṭhạ̃ikoń jut aroya, ar dhaṅdhaserakʼ koń ṭhika ar lahate lekageń beretʼ ruạṛa.

Jeheskel 37:26

Onko lạgitʼ mitʼṭecʼ bhạlạiyanakʼ bondobosiń dohoya; ar ona do jaejug lạgitʼ mitʼṭecʼ bondobosge hoyokʼa. Onko do daṛeankoń hoyocokoa ar onkoakʼ lekhań baḍhao ocoytakoa ar ińakʼ oṛakʼ do jaejug lạgitʼ onko talareń bạisạutińạ.

Jesaea 61:8

Probhu Isore meneda, “Iń do hok reakʼ bicạrgeń kusiyakʼa ar luṭakʼ ar behokakʼ doń kurudakʼ kana. Ińakʼ pạtiạrtetʼre kuṛạiyiń emakoa ar jaejug lạgitʼ mitʼṭecʼ bondobosiń bandhaoa.

Jesaea 27:6

Hijukʼkan dinkore Jakob doe rehedokʼa, ar Israel doe bahakʼa ar sagenokʼa ar goṭa dhạrti do joteye pereja.”

Jesaea 11:1

Jesaeakʼ gonḍa khon mitʼṭecʼ nãwã kahle do oḍokokʼa; ar rehetʼ reakʼ ona kahlre do jo bahakʼa.

Jesaea 7:14

Ona iạte Probhu Isor do acʼge ape ṭhen mitʼṭecʼ cinhại uduga. Ona do hoyokʼ kana, mitʼṭen kũạri kuṛi doe bhạrti hoṛmokʼa ar uniren do mitʼṭen koṛa gidrại hoyokʼtaea; ar uniyakʼ ńutum do Immanuel dohokʼtaea.

Jesaea 4:2

Enhilokʼ Probhu Isorakʼ kahle do husnạkʼ ar ṭhonokanakʼ hoyokʼ ar disạm reakʼ jo do Israelren sarecʼ hoṛkoakʼ mạhima ar saj lạgitʼge hoyokʼa.

Sereńko 119:81

Am dom rukhiyạyińạ ar ona ńel horte daṛe do komao hijukʼkantińạ; iń do amakʼ katharege asiń dohoakada.

Sereńko 89:3

Am dom menakada, “Ińren bachao hoṛko lạgitʼ iń do mitʼṭecʼ bondobosiń bandhao dohoakada; ińren golam Dạud ṭhen iń do noań kiriạ akana,

Sereńko 62:2

Eken unige ińren usul buru ar ińren babańcaoicʼ do; unige ińren gaṛ, iń do bạń bhagao ocokʼa.

Sereńko 27:4

Probhu Isor ṭhen mitʼṭecʼ iń nehõrokʼ kana; ar okaṭakʼ iń khojokʼ kan ona do niạge ińakʼ goṭa jionre jemon Probhu Isorakʼ oṛakʼreń tahẽdaṛeakʼ, ar uniyakʼ ṭhonokiń ńel daṛeakʼte ona mundilre uni reaṅiń dhen daṛeakʼ;

1 Rapajko 12:14

Uni do onko juạnkoakʼ sopolha lekageye metatʼkoa, “Ińren ạpuń do apeakʼ arãṛe hamal ocoleda menkhan iń do artetʼgeń hamal ocoya. Ińren ạpuń do cạbukteye dalletʼpea, menkhan iń do kidiń kaṭkomkoteń dalpea.”

1 Rapajko 11:38

Ińakʼ hukum lekam kạmi ar ińakʼ hortem calakʼ ar ińren guti Dạud leka ińakʼ hukum ar niạmkom pańjaete ińakʼ mẽtʼ samaṅre okaṭakʼ ṭhik onam kạmi enḍekhan iń do am sãoteń tahena. Ar Dạud lekage amakʼ bõsrenko do raj hudạreń teṅgo keṭecʼkoa ar amakʼ tire Israelkoń jimạkoa.

1 Rapajko 1:5

Hagit hopon Adoniạ do acʼte usulokʼte roṛ baṛaeye ehopʼena, “Ińge rajiń hoyokʼa.” Ar noa menkate uni do rãt gạḍiko ar aswarikoe jogaṛketʼkoa ar acʼ laha lahate calakʼ lạgitʼ mõṛẽgel hoṛe bachaoana.

2 Samuel 18:14

Joabe menkeda, “Am tulucʼ somoe do ohoń nosṭo daṛelea.” Ar niạ menkate uni do borlome sapʼtoraketʼte Absalom do kokhareye sobokʼadea. Absalom do unhõ ela darere jiwetʼge aka akane tahẽkana.

2 Samuel 13:28

Absalom do acʼren hoṛko noae hukumatʼkoa, “Ńelpe, darkha rasa ńũkate tinre Amnon doe moṅgonokʼa unreń metape khan, ‘Amnon ńẽdepe,’ Unre ape do unipe gojeya. Ar alope botorokʼa. Ente ińgeń hukumape kana. Diljoṅpe ar daṛeanko hoyokʼpe.”

2 Samuel 13:14

Menkhan Amnon do Tamarakʼ katha bae ańjomleda. Ar Tamar khon daṛegeye tahẽkante uniye jormoṭkedea ar uni tulucʼe laṭghaṭkeda.

2 Samuel 12:10

Am do ińem nihạ̃t akadińạ ar uni Uriạren bạhu do amren bạhu mentem dohoakadea, ona iạte amakʼ gharońj do khũniạhi reakʼ ti khon tishõ rukhiyạ bae ńama.’

2 Samuel 7:18

Niạko katha ańjomkate Dạud raj do tạmbu bhitriteye boloyena ar Probhu Isor samaṅre duṛupʼkateye menkeda, “E Probhu Isor, ińge baṅ cetʼ ar ińakʼ bõsge baṅ cetʼ, amge nunạkʼ hạbicʼem ạyur ạguakadińạ.

1 Samuel 25:28

Amren kạ̃ṛmĩyakʼ behokakʼ do dayakate ikạkakʼme. Probhu Isor do khạṭige ińren mạlikakʼ bõse teṅgo ṭarhaoa, ente uni do Probhu Isorakʼgeye lạṛhại kana. Ar ńit hạbicʼte amre cetʼ bạṛicʼakʼge baṅ ńel akana ar baṅ ńamokʼa.

1 Samuel 2:35

Menkhan iń do iń lạgitʼ mitʼṭen pạtiạricʼ naekeń teṅgo joṅa, one uni do ińakʼ mone bujhạute ińakʼ sana lekae kạmi. Iń do uniyakʼ bõskoń ṭarhao dohoya ar uni do jaoge ińren bachao hoṛkoe sapʼ sorakoa.

Genesis 9:16

Rimilre tinre noa liṭạ akʼ ńelokʼa unre iń do ona ńelte dhạrtiren sanam jiwiyanko lạgitʼ ińakʼ noa bondobos reakʼ kathań disạya.”

2 Samuel 7:12

Amakʼ bahaokʼ dinko mucạtʼlen khan am do amren hapṛamko ṭhenem calakʼre am bodolte am bõsren mitʼ hoṛ, amren hopongeń duṛubea ar uniyakʼ rajosṭiyiń ṭarhaotaea.

Jesaea 54:10

Ente buruko do sahaṛokʼa ar ḍuṅgriko do ocogokʼa, menkhan ińakʼ asambheṛ daya do am khon tishõ baṅ sahaṛokʼa ar ińakʼ suluk reakʼ bondobos hõ baṅge ocogokʼa.” Am cetanre okoeyakʼ mãyã menakʼtae uni Probhu Isorge noa katha doe meneda.

Jirimiạ 33:21

enḍekhan ińren guti Dạud lạgitʼ ar iń samaṅre teṅgokate okoe do sekʼwa reakʼko kạmikan onko Liwi naekeko lạgitʼ oka bondobosiń bandhao akatʼ ona hõ rạpudokʼa ar Dạudakʼ siṅghạsonre rajokʼ lạgitʼ uniren cele hoponge bako tahena.

Sereńko 111:9

Acʼren hoṛko lạgitʼ uni do chakʼḍaoko reakʼ bondobose dohoakada; uni do hukumte jaejug hạbicʼ acʼakʼ bondobose dohoakada. Uni doe sonotgea; uni do botor ar bhoktiye janam ocoyeda.