2 Samuel 23:20 - সান্তালী বাইবেল

²⁰ Kabsilren Jehoyada hopon Bonae do mitʼṭecʼ birbanṭa hoṛe tahẽkana. Uni hõ maraṅ maraṅakʼkoe kạmileda. Moab Ariyelren barea hopone gocʼletʼkinạ. Mitʼdin him ńurokʼ hilokʼ uni do mitʼṭecʼ danderte bolokate mitʼṭecʼ dhạcri kule gocʼledea.

2 Samuel 23:20 Referans Kwoze

2 Samuel 20:23

Joab do Israelren sanam lạṛhại phạdkoren maraṅ subedare tahẽkana ar Jehoyada hopon Benaya do Dạudren rurukhiyạko Kerithiko ar Pelethikoren subedare tahẽkana;

2 Samuel 8:18

Jehuyadaren hopon Benaya do Kerethi ar Pelethikoren mathakin tahẽkana, ar Dạudren hoponko do rajren sosolhako ar naekeko tahẽkana.

Josuạ 15:21

Edom sor reakʼ Negebre onkoakʼ ṭoṭha reakʼ dạkhinre okaṭakʼ nagraha ar atoko ńamletʼ onako reakʼ ńutum do hoyokʼkana; Kobsel, Edar, Jagor,

1 Rapajko 2:46

Raj do inạ tayom Jehuyadaren hopon Banaeye hukumadea ar Banae do senkate Simaiye gocʼkedea. Nonkate Solomonakʼ rajosṭi do kajakte ṭarhao tahẽyena.

1 Rapajko 1:38

Unre naeke Sadok, Nathan nạbi, Jehoyadaren hopon Banae, Korethiạ ar Polethiạko do senkate Dạud rajakʼ siṅghạsonre Solomonko duṛupʼkedete Gihonteko idikedea.

1 Rapajko 1:26

Amren guti iń, ar naeke Sadok, Jehoyadaren hopon Banae ar amren guti Solomon noko do okoe hõ bae neotaletʼkoa.

1 Rapajko 1:8

Menkhan Sadok naeke ar Jehoyada hopon Bonae, Nathan nạbi, Simai, Reyi ar Dạudren birbanṭa hoṛko do Dạud secʼgeko tahẽyena.

Exodus 15:15

Edomren sordarko do botorteko keklesedokʼa; ar Moabren mukhiyạko doko thar tharaokʼa, ar botoranakʼ samaṅreko paṛaokʼte Kananrenko do dilko adtakoa. E Probhu Isor, amren hoṛkoakʼ sen joṅakʼ ạuri mucạdokʼ hạbicʼ, amren chaḍao akan hoṛkoakʼ sen joṅakʼ ạuri mucạdokʼ hạbicʼ amakʼ maraṅ daṛe samaṅre onko jạtrenko do dhiri lekako ńur tahena.

1 Bõsbudạ 12:8

Gadiạkoren thoṛa hoṛ do akoakʼ dol bạgikate hahaṅkar ṭoṭha reakʼ gạṛ lekanakʼ jaegare Dạud ṭhenko hecʼlena. Onko do lạṛhạiko cetʼakatʼ daṛean birko tahẽkana. Onko do ḍhal ar borlom ṭhik lekako calao daṛeakʼkan tahẽkana. Onkoakʼ mẽtʼãhã do dhạcri kul leka botorge tahẽkana ar birren jel leka onko do ạḍi murukko dạṛ daṛeakʼkan tahẽkana.

2 Samuel 1:23

Jiwetʼ tahenre Sạul ar Jonathan do dulạṛiạ ar bhage hoṛkin tahẽkana; unkin do gujukʼre hõ bạkin begarlena. Unkinakʼ tạpis do pajhaṛ cẽṛẽ khon hõ tạpisge, ar daṛe do dhạcri kul khon hõ bạ̃ṛtige tahẽkana.

1 Bõsbudạ 18:17

Jehoyadaren hopon Bonae do Dạudren rurukhiyạicʼ ar Korethiạ ar Polethiạkoren sordare tahẽkana ar Dạudren hoponko do rajakʼ maraṅ maraṅ hudạreko bahal ocoakan tahẽkana.

2 Samuel 23:19

Uni do pene hoṛko khon hõ ḍher manote ńamleda. Onate onko pene hoṛko modre bae lekhalenre hõ onkoren subedare tahẽkana.

2 Samuel 23:21

Uni do usul mitʼṭen Misri hoṛe gocʼledea. Uni Misri hoṛakʼ tire borlom tahẽkanre hõ uni do mitʼṭecʼ ṭheṅgawante uni secʼe laha idilena. Ar uni Misri hoṛakʼ ti khon borlom recʼkate ona borlomtege uniye gocʼledea.

2 Samuel 23:22

Jehoyada hopon Bonaeakʼ kạmi hõ onkage tahẽkana. Uni hõ onko pea birbanṭa leka ńutume hạran tahẽkana.