2 Samuel 23:19 - সান্তালী বাইবেল

¹⁹ Uni do pene hoṛko khon hõ ḍher manote ńamleda. Onate onko pene hoṛko modre bae lekhalenre hõ onkoren subedare tahẽkana.

2 Samuel 23:19 Referans Kwoze

Mathae 13:23

Ar bhage hasare ńuren itạ reakʼte do nonkanko lạgitʼ roṛ akana okoe do ona katha ańjomkateko bujhạuetʼkan ar joko emokʼkan. Adom do mitʼ sae doboṛ, adom do turui gel doboṛ, ar adom do pegel doboṛ.”

Mathae 13:8

Ar adomakʼ itạ do bhage hasare ńurente adom do mitʼ sae doboṛ, adom do turui gel doboṛ ar adom do pegel doboṛ gele beleyena.”

1 Korinthiko 15:41

Siń cando reakʼ ṭhonok mitʼ leka, ńindạ cando reakʼ ṭhonok eṭakʼ leka ar ipilko reakʼ ṭhonok hõ ar mitʼ leka; ente ipil ipilre ṭhonok do judạ judạgea.

1 Bõsbudạ 11:25

Onko pe hoṛko leka baṅ hudislere hõ uni do “Pe gel” ńutuman dolren hoṛko khon hõ bạ̃ṛti manote ńamleda. Dạud do acʼakʼ rurukhiyạ reakʼ bhar do Bonae cetanregeye doholeda.

2 Samuel 23:16

Niạ katha ańjomkate onko pene birbanṭa hoṛ do Philisṭiren lạṛhại phạdko talate senkate Bethlehem reakʼ phaṭok-duạr ṭhenakʼ kuń khon dakʼ ạgukate Dạudko emadea. Menkhan Dạud do ona dakʼ bae ńũleda; ona bodolte Probhu Isor ńutumte otreye dulkeda.

2 Samuel 23:13

Mitʼ dhao phosol gegetʼ jokhecʼ pegel birbanṭa modre onko pene birbanṭa do Adulam danderte Dạud ṭhenko hecʼena. Unre Philisṭiren lạṛhại phạdko do Rephayim reakʼ buru lodamre hecʼkateko ḍera akan tahẽkana.

2 Samuel 23:9

Uni tayom dosaricʼ doe tahẽkana Eleasar. Uni do Ahoyi bõsren Dodoren hopone tahẽkana. Philisṭiko tinre lạṛhại lạgitʼko jarwakʼkan tahẽkana unre onko henostako lạgitʼ okoe pene birbanṭa Dạud sãoteko tahẽkan onko modre Eleasar hõe tahẽkana. Ar lạṛhạire Israelkoko pạcen khan,

2 Samuel 23:18

Seruya hopon Joabren boeha Abisae do onko pene hoṛren subedare tahẽkana. Uni do borlomte pesae hoṛe gocʼletʼkoa ar uni hõ onko pene birbanṭako leka ńutume hạran tahẽkana.

2 Samuel 23:20

Kabsilren Jehoyada hopon Bonae do mitʼṭecʼ birbanṭa hoṛe tahẽkana. Uni hõ maraṅ maraṅakʼkoe kạmileda. Moab Ariyelren barea hopone gocʼletʼkinạ. Mitʼdin him ńurokʼ hilokʼ uni do mitʼṭecʼ danderte bolokate mitʼṭecʼ dhạcri kule gocʼledea.