2 Samuel 23:18 - সান্তালী বাইবেল

¹⁸ Seruya hopon Joabren boeha Abisae do onko pene hoṛren subedare tahẽkana. Uni do borlomte pesae hoṛe gocʼletʼkoa ar uni hõ onko pene birbanṭako leka ńutume hạran tahẽkana.

2 Samuel 23:18 Referans Kwoze

2 Samuel 10:14

Aramrenko dạdạṛko ńelketʼko khan Amonrenko hõ Joabren boeha Abisoe samaṅ khonko dạṛketʼte nagraha bhitriteko boloyena. Ar Joab hõ Jerusalemteye ruạṛ calaoena.

2 Samuel 10:10

Ar sarecʼ lạṛhại phạdko do acʼren boeha Abisae tabere Amonrenko upạrteye thạrketʼkoa.

2 Samuel 18:2

Dạud do acʼren lạṛhại phạdko pe hạṭińte hạṭińketʼkoteye kolkatʼkoa. Uni do pạhilakʼ hạṭińkoren do Joab latarre, dosarakʼ hạṭińkoren do Joabren boeha, metakʼme Seruyaren hopon Abisae latarre ar tesarakʼ hạṭińkoren do Gatren Itai latarreye dohoketʼkoa. Raj do lạṛhại phạdkoe metatʼkoa, “Iń hõ khạṭige ape sãoteń calakʼa.”

1 Bõsbudạ 2:16

Onkoren miserako dokin hoyokʼkana Serua ar Abigol. Abisae, Joab ar Asahal noko do Seruaren hoponko tahẽkana.

2 Samuel 20:10

Menkhan Amasa do Joabakʼ ti reakʼ tarwaṛe do bae kheyalleda. Ar Joab do tarwaṛete uniyakʼ lacʼe boskaoketʼtaea. Onate uniyakʼ lacʼ do bogocʼ oḍokente otre ńurena. Ar Amasa ńẽde reakʼ jạṛuṛ do baṅ hoylena. Uni doe gocʼena. Inạ tayom Joab ar uniren boeha Abisae do Bikri hopon Seba kin khudạu idikedea.

2 Samuel 2:18

Joab, Abisae ar Asahel ńutuman Seruaren pea hopon onḍeko tahẽkana. Asahel do birren jel leka murukteye dạṛ daṛeakʼkan tahẽkana.

2 Samuel 23:19

Uni do pene hoṛko khon hõ ḍher manote ńamleda. Onate onko pene hoṛko modre bae lekhalenre hõ onkoren subedare tahẽkana.

Sosolhayic̕ 4:12

Manwa eskare tahẽlen khan algategeye bhagao ocokʼa, menkhan bar hoṛ dokin rukhiyạ daṛeakʼa. Pea baber mitʼdomte ũńle khan algate do baṅ topakʼ godokʼa.