2 Samuel 23:16 - সান্তালী বাইবেল

¹⁶ Niạ katha ańjomkate onko pene birbanṭa hoṛ do Philisṭiren lạṛhại phạdko talate senkate Bethlehem reakʼ phaṭok-duạr ṭhenakʼ kuń khon dakʼ ạgukate Dạudko emadea. Menkhan Dạud do ona dakʼ bae ńũleda; ona bodolte Probhu Isor ńutumte otreye dulkeda.

2 Samuel 23:16 Referans Kwoze

2 Korinthiko 5:14

Mạsiyakʼ dulạṛge ale doe gobol akatʼlea, ente khạṭigele bujhạuakada je, sanamko lạgitʼ mitʼ hoṛe gocʼena, ar ona iạte sanamgeko gocʼena.

Genesis 35:14

Ar Jakob do ṭhik ona jaegare dhiri reakʼ cinhạ khunṭiye teṅgokeda ar ona cetanre coḍor samaṅokʼakʼe samaṅkeda. Ar ona tayom do ona cetanre sunume dulada.

Romiko lạgitʼ Pạul Apostolakʼ ciṭhi 5:7

Okoe eṭakʼkoe bhạlạiyetʼko onkan hoṛ lạgitʼ hoedaṛeakʼa jãhãe dilkate jiwi emreye em daṛekea.

Rak̕joṅ 2:19

Beretʼme, ar ńindạ reakʼ mimitʼ oktere ragme; Probhu Isor samaṅre amakʼ mon do dakʼ leka dul oḍoktam. Amren gidrạko okoe do reṅgecʼte kulhi reakʼ dobạṭiạkore acetko giticʼ akan, onkoakʼ jiwi bańcao lạgitʼ uni ńutumte amakʼ ti tultam.

Philipiko lạgitʼ Pạul apostolakʼ ciṭhi 2:17

Oka biswạs reakʼ samaṅokʼakʼte Isorpe sewawaekan onare ińakʼ mãyãm do dãṛẽ mente coḍorlen khan hõń kusikokʼa ar ape tulucʼ iń rạskạkokʼa.

Aposkạmi 20:24

Menkhan iń ṭhen do ińakʼ jiwi reakʼ jãhãn damge bạnukʼa. Ińakʼ sana do noage, jemon mucạtʼ hạbicʼ iń ṭarhao daṛeakʼ, metakʼme Probhu Jisu oka kạmi lạgitʼ dạyike emakawạdiń ona jemoniń purạu daṛeakʼ. Ona kạmi do hoyokʼ kana Isorakʼ daya reaṅ bhage sombat reakʼ goha emokʼge.

2 Samuel 23:9

Uni tayom dosaricʼ doe tahẽkana Eleasar. Uni do Ahoyi bõsren Dodoren hopone tahẽkana. Philisṭiko tinre lạṛhại lạgitʼko jarwakʼkan tahẽkana unre onko henostako lạgitʼ okoe pene birbanṭa Dạud sãoteko tahẽkan onko modre Eleasar hõe tahẽkana. Ar lạṛhạire Israelkoko pạcen khan,

1 Samuel 19:5

Uni do acʼakʼ jiwi cuputʼkate uni Philisṭi hoṛe gocʼkedea, ar Probhu Isor do goṭa Israel lạgitʼ maraṅ bańcaoe hoeocokeda; ar ona ńelte am dom kusilena. Enḍekhan ńitokʼ do cedakʼ ạuṛiyakʼte Dạud gojete mitʼṭen bindusi hoṛakʼ mãyãm joro ocoyte uni upạrtem kạiya.”

1 Samuel 7:6

Onate onko joto do Mispareko jarwayena. Onko do dakʼ lo rakapʼkate Probhu Isor samaṅreko dulkeda ar enhilokʼ onḍe upạskateko menkeda, “Ale do Probhu Isor upạrtele kại akada.” Samuel do Mispa khon Israelkoakʼe bicạretʼkan tahẽkana.

Numeri 28:7

Mimitʼ bheḍa sãote ạguakʼ mitʼ liṭar bubulakʼte coḍor samaṅokʼakʼ do samaṅ hoyokʼa. Sonot tạmbu reakʼ racare Probhu Isor ńutumte noa coḍor samaṅakʼ samaṅ hoyokʼa.

1 Bõsbudạ 11:18

Niạ katha ańjomkate onko pene birbanṭa hoṛ do Philisṭiren lạṛhại phạdko talate senkate Bethlehem reakʼ phaṭok-duạr ṭhenakʼ kuń khon dakʼ lo rakapʼkate Dạud ṭhenko idikeda. Menkhan Dạud do ona bae ńũleda; ona bodolte ona dakʼ do Probhu Isor ńutumte otreye dulkeda.

Sosolhayic̕ 4:12

Manwa eskare tahẽlen khan algategeye bhagao ocokʼa, menkhan bar hoṛ dokin rukhiyạ daṛeakʼa. Pea baber mitʼdomte ũńle khan algate do baṅ topakʼ godokʼa.