2 Samuel 23:14 - সান্তালী বাইবেল

¹⁴ Un jokhecʼ Dạud do hahaṅkar reakʼ aotan gaṛreye tahẽkana ar Philisṭiren lạṛhại phạdko do Bethlehemreko tahẽkana.

2 Samuel 23:14 Referans Kwoze

1 Bõsbudạ 12:16

Ona chaḍa Benjạmin gusṭiren eṭakʼ hoṛko ar Jihudạren thoṛa hoṛko do Dạudakʼ gaṛ lekan jaegare uni ṭhenko hecʼlena.

1 Samuel 24:22

Ar Dạud do Sạul ṭhen onageye kiriạyena. Ona tayom Sạul do oṛakʼteye ruạṛ calaoena, ar Dạud do acʼren hoṛkoante gaṛko metakʼkan ona buruteye rakapʼ calaoena.

1 Samuel 22:1

Dạud do Gat khone dạṛketʼte Adulam ṭhenakʼ mitʼṭecʼ danderreye okoyena. Ona katha ańjomkate uniren dadattetʼtako ar uni apatakʼ bõsren hoṛ do uni ṭhenko calaoena.

1 Samuel 14:6

Jonathan do acʼren khanḍa bhanḍa asenicʼ koṛae metadea, “Dela, alaṅ do begor khatna akan hoṛkoakʼ ḍera telaṅ calakʼa. Pasecʼ Probhu Isor do abon lạgitʼ jãhãnakʼe cekaea, ente uni do acʼakʼ sana lekage thoṛa hoṛkote hõ ar ḍher hoṛko bhagao daṛeakoa.”

1 Samuel 13:23

Ar Philisṭiren lạṛhại phạdko do ḍera khon oḍokkate Mikmas reakʼ horre senkateko tahẽyena.

1 Samuel 13:4

Onate Israelren sanam hoṛko ańjomkeda, Sạul do Philisṭikoren lạṛhại phạdkoakʼ ḍerae akromon akada ar Philisṭiko do Israelkoko hirkhạwako kana. Unre Israelkoko hoho ocoyena jemon onko do Gilgolte senkate Sạul sãoteko midokʼ.

1 Samuel 10:5

“Ona tayom am do Gibea-elohim nagrahatem calakʼa. Onḍe do Philisṭiren lạṛhại phạdkoakʼ mitʼṭecʼ ḍera menakʼa. Ar nagrahatem seṭerlen khan nonkan mitʼ dol nạbiko sãotem ńapamokʼa onko do Isorakʼ emakʼ katha roṛ roṛte sewae reakʼ cetan jaega khonko pheḍ hijukʼa. Ar onko dolren samaṅ secʼren hoṛko do binạ banam, peṛesaṅ, tiriạ ar tabla ru-ruteko calakʼa.

2 Samuel 5:17

Philisṭiko do tinreko ańjomkeda, Dạud do Israelko cetanre raj hudạreye ojokʼ bahal akana unre onko do sanam lạṛhại phạdkoante uni hạne lạgitʼ sendra baṛayeko ehopʼena. Ar Dạud do ona kathae ańjomketʼ khan gaṛ ńutumanakʼ buruteye rakapʼ calaoena.

Genesis 35:19

Ar Rahel do Ephrat, metakʼme Bethlehem calakʼ horreko topakadea.