2 Samuel 23:10 - সান্তালী বাইবেল

¹⁰ Eleasar do lạṛhại thạ̃ire teṅgoyente Philisṭiko ńẽńẽtʼe ehopʼena. Ar onko ńẽtʼ ńẽtʼteye laṅgayen khan uniyakʼ tire tarwaṛe do laṭkao uricʼena. Enhilokʼ Probhu Isor do mitʼṭecʼ maraṅ jite hoyocokeda. Ar lạṛhại phạdko tinre Eliasar ṭhenko ruạṛ hecʼena unre gocʼ hoṛkoakʼ jinisko luṭ chaḍa cekae reakʼ ar cetʼ hõ baṅ tahẽlentakoa.

2 Samuel 23:10 Referans Kwoze

1 Samuel 19:5

Uni do acʼakʼ jiwi cuputʼkate uni Philisṭi hoṛe gocʼkedea, ar Probhu Isor do goṭa Israel lạgitʼ maraṅ bańcaoe hoeocokeda; ar ona ńelte am dom kusilena. Enḍekhan ńitokʼ do cedakʼ ạuṛiyakʼte Dạud gojete mitʼṭen bindusi hoṛakʼ mãyãm joro ocoyte uni upạrtem kạiya.”

1 Samuel 11:13

Menkhan Sạule menkeda, “Teheń do celege baṅ gocʼko hoyokʼa, ente teheń dinre Probhu Isor do Israelkoe bańcao akatʼkoa.”

2 Korinthiko 4:5

Ale apnar reaṅ do bale porcareda, bickom Jisu Mạsi doe Probhu kana mentele porcarede kana ar Jisu lạgitʼge aperen golamle hoyakana.

Romiko lạgitʼ Pạul Apostolakʼ ciṭhi 15:18

Iń hotete Mạsi okaṭakʼe kạmiakatʼ ona bahre jãhãn katha roṛ do ohoń dil daṛekea. Unige ińakʼ katha ar kạmite, hahaṛa kạmi ar cinhạko hotete ar sonot Jiu reakʼ daṛete boṅgan hoṛ jạtrenko do Isorreye tabe ocoakatʼkoa. Onate iń do Jerusalem khon ehopʼkate Illurikum hạbicʼ sanam jaegare Mạsiyakʼ bhage sombat purạteń lại jạhirakada.

Jesaea 53:12

Ona iạte iń do napṛakʼko talareń bakhrawaea ar uni do daṛeanko tulucʼ luṭakʼkoe bakhra joṅa, ente uni do gujukʼ hạbicʼ jiwiye alaeketʼtaea. Uni do kạiyanko tulucʼe lekha mitʼena; uni do ḍher hoṛkoakʼ kạiye gokʼ idikeda ar ghạghạṭko ńutumteye arojkeda.

Sereńko 144:10

Am do rapajkom jitạu ocoyetʼkoa; amren golam Dạud hõ tarwaṛe reakʼ ti khonem rukhiyạedekana.

Sereńko 108:13

Isorakʼ goṛote ale dole jitạukʼa; aleren bạiriko do unigeye jaṅga latarkoa.

Sereńko 68:12

Onko maejiu doko meneda, “Lạṛhại phạdkoren raj doko dạṛjoṅ kana, onko doko dạṛjoṅ kana, ar oṛakʼre menakʼko maejiuko do luṭakʼ jinisko hạṭińjoṅ kana.

2 Rapajko 5:1

Naman do Aram rajren lạṛhại phạdkoren subedare tahẽkana. Uniren mạlik samaṅre uni do mitʼṭen maraṅ ar manotanicʼ hoṛe tahẽkana, ente Probhu Isor do uni hotetege Arame jitạu ocoleda. Uni do mitʼṭen birbanṭa hoṛe tahẽkana, menkhan uniyakʼ hoṛmore do murhucʼ jom rog tahẽkantaea.

1 Samuel 14:23

Nonkate Probhu Isor do enhilokʼ Israelkoe bańcaoketʼkoa, ar Bet-Aben paromkate hõ lạṛhạitegeko tahẽyena.

1 Samuel 14:6

Jonathan do acʼren khanḍa bhanḍa asenicʼ koṛae metadea, “Dela, alaṅ do begor khatna akan hoṛkoakʼ ḍera telaṅ calakʼa. Pasecʼ Probhu Isor do abon lạgitʼ jãhãnakʼe cekaea, ente uni do acʼakʼ sana lekage thoṛa hoṛkote hõ ar ḍher hoṛko bhagao daṛeakoa.”

Bikʼcạrko 15:18

Inạ tayom Samson do ạḍi ãṭ tetaṅkedea. Uni do Probhu Isor ṭhene koeketʼteye menkeda, “Am do amren gutim jitạu ocoakadea. Ar ńitokʼ do tetaṅteń gujukʼte cetʼ bin khatna akan hoṛkoakʼ tirem paṛao ocoyińa?”

Bikʼcạrko 15:14

Uni do tinre Lehi ṭhene seṭerena unre Philisṭiko do hohowate uni secʼ hijukʼko ehopʼena. Unre Probhu Isorren goḍet do purạ daṛete uni cetanreye hecʼena. Onate uniyakʼ ti reakʼ baberko do lo busupʼ leka hoyena ar uniyakʼ ti do raṛayentaea.

Josuạ 11:8

Probhu Isor do Israelkoakʼ tire onkoe jimạkatʼkoa. Israelko do onko gocʼ gocʼte maraṅ Sidon, Misrephot-Mayim ar purub secʼ reakʼ Mispa lodam hạbicʼko khudạu idiketʼkoa. Ar mucạtʼ hạbicʼ okoehõ jiwetʼ do bako tahẽlena.

Josuạ 10:42

Nonkate uni do mitʼ dhaore lạṛhại oḍokkate onko rajko ar onkoakʼ disạmkoe hatkeda, ente Israelkoren Probhu Isor do onko huyạteye lạṛhạilena.

Josuạ 10:10

Probhu Isor do Israelko samaṅre onkoe andmandao ocoketʼkoa. Onate Probhu Isor do Gibeonre Israelko hotete onkoren ḍher hoṛe gocʼketʼkoa. Beth-Harante rakapʼ calao akan horre Probhu Isor do Israelko hotete onkoe khudạu idiketʼkote Aserka ar Makeda hạbicʼ goṭa hore ńẽtʼ idiketʼkoa.

2 Samuel 23:12

Menkhan Samay do tala baṛgere teṅgokate ona baṛgeye rukhiyạkeda ar Philisṭikoe ńẽtʼketʼkoa. Enhilokʼ Probhu Isor do maraṅ jitạue hoeocokeda.

1 Bõsbudạ 11:13

Philisṭiko do tinre lạṛhại lạgitʼ Pos-domimreko jarwalena unre Eleasar do Dạud sãoteye tahẽkana. Ar mitʼ jaegare jao reakʼ goḍare Israelren lạṛhại phạdko do Philisṭiren samaṅ khonko dạṛkeda.

1 Samuel 17:53

Ar Israelko do khudạu khonko ruạṛen tayom onkoakʼ ḍerako luṭketʼtakoa.