2 Samuel 23:1 - সান্তালী বাইবেল

¹ Jisạiren hopon Dạudakʼ ses katha do noa kana: “Okoeye rakapʼ ocoakan, Jakobren Isor okoeye ojokʼ bahallede, Israelko talare liṭhur sekʼreńicʼ, hoṛ doe meneda,

2 Samuel 23:1 Referans Kwoze

Sereńko 89:20

Ińren golam Dạud doń sendra ńam akadea; ar ińakʼ sonot sunumteń ojokʼ bahalkedea.

Kolossiko lạgitʼ Pạul Apostolakʼ ciṭhi 3:16

Mạsiyakʼ katha apeakʼ ontorre purạte girobas ocowakʼpe. Isorakʼ akelte lại cecetʼ ar sipikhạukʼpe, sereńko, sarhao sereńko ar Jiuteakʼ õṛhẽyakʼkote apeakʼ ontorre Isor gun manao tulucʼ sereńaepe.

Luk 24:44

Ar ona tayome metatʼkoa, “Iń do ape sãote tahẽkanreń menleda, Mose reakʼ ạnre, nạbikoakʼ olakʼre ar sereńkore iń reakʼ okako katha olakan ona sanamakʼ do purạukʼtehõ purạukʼgea.”

Amos 6:5

Ape do peṛesaṅ banamatepe sereńetʼkana ar Dạudakʼ nana parkan bajnakope benaojoṅ kana.

Sereńko 72:20

Jisạiren hopon Dạudakʼ sanam koejoṅ do nonḍege mucạtʼ akana.

Sereńko 2:6

Probhu Isore meneda, “Okoe rajiń ojokʼ akade uni do ińakʼ sonot buru Sionreń duṛupʼ akadea.”

1 Bõsbudạ 16:9

Uni ńutumte sereńpe, uni sarhao sereńaepe; uniyakʼ sanam hahaṛa kạmi reakʼ katha lạipe.

1 Bõsbudạ 16:7

Enhilokʼ Dạud do pạhilre Probhu Isor ńutumte sarhaoe reakʼ niạ sereń reakʼ bhar do Asaph ar uniren hoṛko cetanreye emkeda:

1 Samuel 2:10

Probhu Isorren bạiriko doko chaka chunokʼa, uni do sermare onko upạrteye huḍura; ar dhạrti reakʼ mucạtʼ hạbicʼ uni do hoṛkoe bicạrkoa. Uni do acʼren raje daṛe ocoyea ar acʼren ojokʼ bahalicʼ hoṛ doe jitạu ocoyea.”

Jakob 5:13

Ape modre cetʼ jãhãe duke jomeda? Uni doe koejoṅ ma. Jãhãe sukre menaea?

Luk 20:42

Sonot sostorre sereńko reakʼ puthire Dạud ma acʼge coṅ noa kathae menakatʼ, ‘Probhu Isor do ińren Probhui metadea, tin hạbicʼ amren bạiriko amakʼ jaṅga latarre bạń dohoko, unhạbicʼ ińakʼ jojomsa aṛere duṛupʼme.’

Dosar Biboron 33:1

Isorren hoṛ Mose do acʼakʼ gujukʼ lahare Israelko noa menkateye bhoratʼkoa,

Genesis 49:1

Tayomte Jakob do acʼren hoponko hohowatʼkoteye metatʼkoa, “Jotokoge iń ṭhen hijukʼpe. Ar tayom daram dinkore apeakʼ jionre cetʼko hoyokʼ onań lạiyapea.

1 Samuel 17:12

Dạudren apattetʼ Jisại do Jihudạ ṭoṭha reakʼ Ephrath, metakʼme Bethlehem atoreye girobasokʼkan tahẽkana. Uniren do irạl goṭen koṛako tahẽkantaea. Ar Sạul rajokʼ oktere uni doe haṛam akan tahẽkana.

1 Samuel 18:7

Onko do enecʼ enecʼte niạko sereńkeda, “Sạul doe gocʼketʼkoa hajarke hajar, Dạud doe gocʼketʼkoa ojute ojut.”

2 Samuel 22:34

Uni do posta-jel leka jaṅga reakʼ daṛeye emakawạdińa; ar sanam usul jaegakoreye teṅgo ocoakadińạ.

2 Samuel 22:51

Probhu Isor do acʼren raj ḍher dhaoe jitạu ocoyea; hẽ, acʼren ojokʼicʼ lạgitʼ Dạud ar uniren bõsko lạgitʼ uni do acʼakʼ jaejug asambheṛ dayae udukʼetʼ kana.

Sereńko 89:21

Ińakʼ daṛeanakʼ ti do uni sãote tahena; ińakʼ tige uni do daṛeye danaea.