2 Samuel 22:8 - সান্তালী বাইবেল

⁸ Unre dhạrti do daldalaoena ar ḍikạ ḍakekʼ ehopʼena, buru reakʼ rehetʼko daldalaoena; uniyakʼ edrete onako do dal dalaoena.

2 Samuel 22:8 Referans Kwoze

Sereńko 97:4

Uniyakʼ bijli reakʼ malkaote marsal lena; ona ńelte dhạrti do thar tharaoena.

Jobakʼ 26:11

Serma reakʼ khunṭiko do dal dalaokʼkana, ar uniyakʼ dhomkaote hõ thar tharaokʼkana.

Sereńko 77:18

Amakʼ huḍur reakʼ saḍe do birbãore ańjomena, amakʼ bijli reakʼ malkaote dhạrti doe marsalkeda; dhạrti do dal malaoena ar thar tharaoena.

Bikʼcạrko 5:4

E Probhu Isor, am do tinre Seyir khonem mohnḍayena, Edom disạm khonem oḍokena, unre dhạrti do daldalaoena ar serma khon dakʼem jạṛi ocokeda.

Mathae 28:2

Unre ackage dhạrti laṛaoena, ente Probhu Isorren mitʼṭen goḍet do serma khone pheḍ hecʼena ar topa duạr khon dhiri ocokʼkate ona cetanreye duṛupʼena.

Nạhum 1:5

Maraṅ maraṅ buruko do uni samaṅre dal dalaokʼ kana ar huḍiń buruko do galaokʼkana. Uniyakʼ hạjirokʼre dhạrti ar onare tahen kan jotogeko thar tharokʼkana.

Sereńko 18:7

Unre dhạrti do daldalaoena ar ḍikạ ḍakekʼ ehopʼena, ar buru reakʼ rehetʼko do dalmalaoena; uniyakʼ edrete onako do dal dalaoena.

Aposkạmi 4:31

Ado oka jaegare onkoko jarwa mitʼ akan tahẽkan, koejoṅ tayom ona jaega do dal dalaoena. Ar onko sanamkoge sonot Jiuteko perecʼente dil salakʼ Isorakʼ katha lạlạiko ehopʼena.

Mathae 27:51

Unre mundil reakʼ orwal do coṭ khon pheḍ hạbicʼ oṛecʼente bar hạṭińena; ar dhạrti do dal dalaoena ar lạṭu lạṭu dhiriko paṛakʼena.

Sereńko 68:8

unre dhạrti do daldalao lena ar serma do dakʼe emlena. Noako do hoylena Isor samaṅre, Sinạiren uni Isor samaṅrege, Isor samaṅre, Israelkoren Isor samaṅre.

2 Samuel 23:7

Okoe onko sapʼkoe men uni do mẽṛhẽtʼ reakʼ khanḍa bhanḍa se borlom beohar hoyokʼtaea; onate jãhãrege onkoko tahen onḍege seṅgelteko lo marao ocokʼa.”

Sereńko 77:19

Am do jalapuri talatem horleda, ar athantar dakʼ talatem ḍaharleda, menkhan amakʼ jaṅga reakʼ cinhạ do baṅ ńellena.