2 Samuel 22:49 - সান্তালী বাইবেল

⁴⁹ Uni do bạirikoakʼ ti khone rukhiyạ edeńkana. E Isor, am do ińren bạiriko khonem usul akadińạ, ar jor julumkan hoṛko khon amgem rukhiyạ edeńkana.

2 Samuel 22:49 Referans Kwoze

Sereńko 140:1

E Probhu Isor, bạṛicʼ hoṛkoakʼ ti khon bańcaoińme; sasantaokoakʼ ti khon rukhiyạyińme.

Sereńko 140:4

E Probhu Isor, bạṛicʼkoakʼ ti khon bańcaoińme. Ar santaokan hoṛkoakʼ ti khon rukhiyạyińme; ińakʼ jaṅga jemon leńjedokʼ tiń onate onko do phundiko aṭaoeda.

Sereńko 52:1

E daṛeanicʼ bir banṭa, cedakʼ am do bạṛicʼakʼko iạtem gorbokʼkana? Isorakʼ dulạṛ reakʼ mucạtʼtetʼge bạnukʼanaṅ.

Sereńko 18:48

Uni do bạirikoakʼ ti khone rukhiyạ edeńkana. E Isor, am do bạiriko khonem usul akadińạ. Ar jor julumkan hoṛko khon amgem rukhiyạ akadińạ.

2 Samuel 5:12

Dạud do unreye bujhạukeda, Probhu Isor do Israelko cetanre acʼakʼ raj hudại ṭarhaoketʼa ar acʼren hoṛko, metatʼme Israelko lạgitʼ acʼakʼ rajosṭiye maraṅketʼtaea.

1 Samuel 2:8

Uni do dhuṛi khon nacaricʼe rakapʼedea, ar okulạnicʼ do torocʼ khone beretʼedea. Cetan hudạren hoṛko sãote uni do onkoe duṛupʼ ocokoa, ar manot reakʼ siṅghạsone emakoa; ente dhạrti reakʼ kham khunṭiko do Probhu Isorakʼge, uni do onako cetanre pirthimiye dohoakada.

Numeri 24:7

Taren reakʼ kanḍa khon dakʼ do dul oḍokokʼa, ar uniren bõs do aema dakʼreko tahena. Onkoren raj do Ogag khon hõe usulokʼa, onkoakʼ rajosṭi do ṭhonokte arhõ maraṅokʼa.

Sereńko 44:5

Aleren bạiriko do amakʼ daṛetegele teṅgo daramkoa; ar okoe ale upạrteko teṅgokʼ onko do amakʼ jortegele lebetʼ gańjaokoa.

2 Samuel 18:31

Ona tayom uni Kusren hoṛ do onḍe seṭeren khane metadea, “E ińren mạlik maharaj bhage khoborgeń ạguakada. Okoe do am upạrteko teṅgolen onko sanamko cetanre teheń Probhu Isor do ame jitạu ocoakatʼmea.”