2 Samuel 22:48 - সান্তালী বাইবেল

⁴⁸ Uni do eṭakʼ jạtrenko iń tabereye ạguyetʼkoa ar iń huyạte unige sạjạiye emakokana.

2 Samuel 22:48 Referans Kwoze

Sereńko 144:2

Unige ińren pạtiạran gokʼṛoyicʼ, ar ińakʼ gaṛ, ińakʼ usul aotan gaṛ ar babańcaoicʼ; unige ińren ḍhal, iń do uniregeń hirlạkʼ kana; unige ińren hoṛko iń gobolreye ạgukoa.

Sereńko 94:1

E Probhu Isor, am do hala ruạṛicʼ Isor kanam, E hala ruạṛicʼ Isor, amakʼ marsal baṛe sodorokʼma.

1 Korinthiko 15:25

Isor do tin hạbicʼ Mạsiren sanam bạiriko uniyakʼ jaṅga latarre bae dohoko un hạbicʼ Mạsi doe rajokʼa.

Sereńko 110:1

Probhu Isor do ińren Probhui metadea, “Tin hạbicʼ amren bạiriko amakʼ jaṅga latarre bạń dohoko, unhạbicʼ am do ińakʼ jojomsa aṛere duṛupʼme.”

2 Samuel 18:31

Ona tayom uni Kusren hoṛ do onḍe seṭeren khane metadea, “E ińren mạlik maharaj bhage khoborgeń ạguakada. Okoe do am upạrteko teṅgolen onko sanamko cetanre teheń Probhu Isor do ame jitạu ocoakatʼmea.”

2 Samuel 18:19

Sadokren hopon Ahimase menkeda, “Iń do ńir senkate raj do niạ khobor iń lạiyaea, Probhu Isor do bạirikoakʼ ti khon uniye bańcao akadea.”

1 Samuel 25:39

Nabalakʼ gujukʼ reakʼ khobore ańjomketʼ khan Dạud doe menkeda, “Probhu Isorakʼge sarhao hoyokʼtae ma. Uni do Nabal upạrteye teṅgoyena, ente Nabal do ińe opoman akadińạ. Uni do behokakʼ khone rukhiyạ akadińạ, ar Nabalakʼ behokakʼ do Nabal cetanregeye paṛao ocoakada.” Tayomte Dạud do Abigael baplaye lạgitʼ uni ṭhen raebarkoe kolketʼkoa.

1 Samuel 25:30

Probhu Isor do ińren mạlikakʼ bhạlại reakʼ gokʼakʼe purạutaea ar Israelren mukhiyạ lekateye teṅgo ṭarhaoea.

1 Samuel 24:12

Probhu Isorge aben ar ạliń reakʼ baṛeye bicạrma ar ạliń upạrte okaben behok akatʼ ona reakʼ kuṛạiye emaben ma; enhõ aben upạrte ti do bạliń rakab tạlińa.

Dosar Biboron 32:35

Behok reakʼ sạjại emokʼ reakʼ ạidạri do ińakʼge; okoeyakʼ oka kuṛại onage uniń emaea. Okte purạulen khan bạirikoakʼ jaṅga do leńjedokʼtakoa; onkoakʼ maraokʼ reakʼ din do sor hecʼakana. Onko lạgitʼ oka ṭhik dohoakan, ona do usạrage onkore paṛaokʼa.”