2 Samuel 22:44 - সান্তালী বাইবেল

⁴⁴ E Probhu Isor, ińren huhulkan hoṛko khon am dom bańcao akadińạ, ar eṭakʼ jạtrenko cetanre iń do matha mentem dohoakadińạ; okoe bạń orom akatʼko tahẽkan onko hõ iń gobolrenko hoyena.

2 Samuel 22:44 Referans Kwoze

Jesaea 55:5

Sạrige, ape do boṅgan hoṛ jạtrenkope hohoakoa, okoe do bako oromakatʼpe, onko do ape ṭhenko ńir hijukʼa. Aperen Probhu Isor, Israelren uni sonoticʼ lạgitʼge onko doko hijukʼa, ente uni do apeye ṭhonok ocoakatʼpea.”

2 Samuel 3:1

Sạul ar Dạudren lạṛhại phạdko talare ḍher din hạbicʼ lạṛhại calaoena. Dạud doe daṛe idiyena ar Sạulren lạṛhại phạdko doko nijor idiyena.

2 Samuel 19:14

Nonkate Dạud do Jihudạren sanam hoṛkoakʼ mon do mitʼṭen hoṛakʼ mon lekae lạbitʼ ocoketʼtakoa. Ar niạ katha raj ṭhenko roṛ gotʼkada, “Am ar amren sanam gutiko ma ruạṛ hijukʼpe.”

2 Samuel 19:9

Unre Israelren sanam gusṭiko talaren hoṛko do reṭepeṭekʼ tulucʼ roroṛko ehopʼena, “Raj do bạirikoakʼ ti khone bańcao akatʼbona; Philisṭikoakʼ ti khon unigeye rukhiyạketʼ bona. Menkhan ńitokʼ do Absalom iạtege disạm khone dạṛ akada.

Dosar Biboron 28:13

Probhu Isorgeye nonkae hoeocoya jemon sanamko khonpe usulokʼ, metakʼme jaṅga latarre do bae dohopea. Aperen Probhu Isorakʼ okako hukum teheńiń emapekan onakope luturakʼ khan ar joton salakʼpe manao arpe ganao, enḍekhan jaogepe usulokʼa, ar bape jaṅga latar ocokʼa.

Johan sodor 11:15

Tayomte eaeyicʼ serma goḍet do acʼakʼ siṅgại oroṅkeda. Unre sermare ãṭ aṛaṅte roṛena, “Dhạrti reakʼ rajosṭi do ńitokʼ aboren Probhu Isor ar uniren Mạsiyakʼ hoyena.

Romiko lạgitʼ Pạul Apostolakʼ ciṭhi 15:12

Arhõ Jesaeae meneda, okoe doe Jisại reakʼ kahle kan, uni doe hijukʼa, uni do joto jạtrenko cetanre rajokʼ lạgitʼe teṅgona. Ar sanam jạtren hoṛko do unireko bhorsakʼa.

Romiko lạgitʼ Pạul Apostolakʼ ciṭhi 9:25

Ente Hosea nạbi puthire Isore menakada, “Okoe ińrenko baṅkan, onkoge ińren hoṛ menteń hohowakoa. Ar okoe bạń dulạṛakade, uni do dulạṛiạ menteń hohoaea.

Hosea 2:23

Iń lạgitʼge uni do disạmre itạ lekań ereya; ar okoeyiń metade tahẽkan, ‘ińren dayayicʼ hoṛ dom baṅkana’ unre unigeń dayawaea. Ar okoekoń metatʼko tahẽkan, ‘ińren hoṛ doko baṅkana,’ onko doń metakoa, ‘ape do ińren hoṛ kanape’ ar onko doko mena, ‘am kangeam aleren Isor do.’ ”

Daniel 7:14

Uni manwa hopon do ektiạri, ṭhonok ar rajosṭiye emocoyena jemon sanam jạtrenko, disạmrenko ar pạrsirenko uniko sewawae. Uniyakʼ rajosṭi do jaejug hạbicʼ tahena; ona do baṅ mucạdokʼa ar uniyakʼ rajosṭi hõ tisge baṅ maraokʼtaea.

Jesaea 65:1

Probhu Isore meneda, “Noko hoṛ do iń ṭhen nehõrokʼ lạgitʼ ạt iń em akatʼkoa, menkhan onko do jãhãn nehõrakʼge bako baḍae ocoakadińạ; iń do onko sorregeń tahẽkana, menkhan goṛo ńam lạgitʼ iń ṭhen bako hecʼlena. Iń do onko jạtrenkoń men akatʼkoa, ‘nonḍege minạńa, nonḍege minạńa,’ menkhan iń ṭhen do cetʼge bako arojlakʼa.

Jesaea 60:12

Okoe jạtrenko ar rajosṭiko am bako sewawam onko doko jarkharokʼa, arko marao utạrokʼa.

Sereńko 110:6

Uni do eṭakʼ eṭakʼ jạtrenkoe bicạrkoa; ar dhạrti do gocʼkoakʼ hoṛmoteye pereja; uni do dhạrti reakʼ sanam jaegare bạirikoakʼ bohokʼe gejertakoa.

Sereńko 18:43

E Probhu Isor, ińren huhulkan hoṛko khon am dom bańcao akadińạ, ar eṭakʼ jạtrenko cetanre am do matha mentem dohoakadińạ; okoe bạń orom akatʼko onko hõ iń ṭhen golamko khaṭao akana.

Sereńko 2:8

Am do iń ṭhen khojogokʼme, ado porjạtrenko amakʼ sompotti menteń emama ar goṭa dhạrtige amakʼ ạidạrire hijukʼa.

2 Samuel 20:22

Ona tayom uni maejiu do ạkilan kathakowante nagraharen sanam hoṛko ṭhene senena. Ar hoṛko do Bikri hopon Sebakʼ bohokʼko makʼ ńurhạketʼte Joabko capatʼgotʼadea. Unre Joab do sakwae oroṅkeda ar uniren hoṛko do nagraha khonko uṭhạuente apan ạpin oṛakʼteko ruạṛena. Ar Joab do Jerusalemren raj ṭhene ruạṛ calaoena.

2 Samuel 5:1

Israelren sanam gusṭikorenko do Hebronre Dạud ṭhen hecʼkateko menkeda, “Am ar alekoakʼ hoṛmore do inạ mitʼ mãyãmge ạtukʼkana.

Jesaea 55:4

Ńelpe, jạt jạtrenko lạgitʼ uni do mitʼṭecʼ goha lekań teṅgo akadea, hoṛkoren mitʼṭecʼ ạyuricʼ ar cakʼlaoicʼge.