2 Samuel 22:31 - সান্তালী বাইবেল

³¹ Isorakʼ horre jãhãn bin sạbitanakʼ do bạnukʼanaṅ; ar Probhu Isorakʼ katha do khạṭi mente sạbud akana. Uni do acʼre hirlạjoṅ kan sanam hoṛren ḍhal kanae.

2 Samuel 22:31 Referans Kwoze

Dosar Biboron 32:4

“Uni kangeae asray buru do, uniyakʼ kạmi do sạbitgetaea; uniyakʼ sanam horko do hok reakʼ kana. Uni do ṭekʼhãḍicʼ Isor kanae, unire jãhãn behokakʼ do bạnukʼanaṅ; uni do sạri are dhoromgea.

Kạhtukko 30:5

Isorakʼ sanam kathako do khạṭigea mente sạbud akana; okoe unireko asrayokʼkan uni do onkoren ḍhale hoyokʼa.

Sereńko 18:30

Isorakʼ horre jãhãn bin sạbitanakʼ do bạnukʼanaṅ, Probhu Isorakʼ katha do khạṭi mente sạbud akana. Uni do acʼre hirlạjoṅ kan sanam hoṛren ḍhal kanae.

Mathae 5:48

Onate aperen sermaren Baba cetʼlekae khạṭige, onkage ape hõ khạṭi hoyokʼpe.

Sereńko 119:140

Amakʼ katha do khạṭigea mente sạbud akana, onatege amren golam do onae dulạṛeda.

Sereńko 12:6

Probhu Isorakʼ katha do nirạ kathako kana; ona do seṅgelte rapakʼ sapha akatʼ rupạ leka, ar eae dhao galao akatʼ rupạ lekage.

2 Samuel 22:3

Isor kangeae ińren usul buru do, unirege iń doń asray akana. Uni do ińren ḍhal kanae, rurukhiyạicʼ dereńge, unige ińakʼ usul gaṛ, ińakʼ asray ṭhạ̃i. Sasantaokoakʼ ti khon amge bańcaoińme.

Sereńko 35:2

Lạṭu ar kạticʼ am do banar ḍhalge sabme ar iń goṛowạń lạgitʼ hijukʼte teṅgonme.

Sereńko 91:4

Acʼakʼ ilkoteye guṅgutʼ esetʼmea, ar uniyakʼ phạ̃kṛạ̃kʼ latarre am do asrayem ńama; uniyakʼ pạtiạrtetʼ do amakʼ ḍhal ar hoṛmo aḍokʼakʼ phirikana.

Sereńko 84:9

E Isor, aleakʼ ḍhal beṅgetʼakʼme; amren ojokʼicʼakʼ mẽtʼãhã beṅgetʼataeme.

Johan sodor 15:3

Onko do Isorren golam Mose ar uni Bheḍa Hoponakʼ noa sereńko sereńetʼ tahẽkana: “Sanam daṛean Probhu Isor, tinạkʼ maraṅ ar hahaṛagea amakʼ kạmiko do! E sanam jạtkoren raj, tinạkʼ dhorom ar sạriyakʼgea amakʼ horko do!

Daniel 4:37

Ńitokʼ iń Nebukadnesar do uni sermaren raj sarhao, manot ar ṭhonokiń emaekana, ente uni okaṭakʼe cekae ona do ṭhikakʼgeye onkayeda, ar uniyakʼ jotowakʼ horge dhoromte perecʼgetaea. Ar okoe bạḍạiteko perecʼge uni do onkoe copotʼkoa.

Sereńko 2:7

Raj doe mena, Probhu Isor okae gathao akatʼ Iń do onań lại jạhira; Uni doe metadińạ, am dom ińren hopon kana, teheńge iń do amren apatiń hoyena.

Nehemiạ 9:8

Am do uniyakʼ pạtiạrtetʼem ńelketʼte Kananiko, Hittiko, Amoriko, Perisiko, Jebusiko ar Gergasikoakʼ disạm do uniren bõsko emako lạgitʼ mitʼṭecʼ bondobosem dohowada. Ar am dom dhoromgete amakʼ gokʼakʼem rukhiyạ dohoketʼtama.

Jobakʼ 34:10

“Onatege E bujan hoṛko, ińakʼ katha ańjompe. Isor khon bạṛicʼakʼ kạmi do sahaṛ akae baṛe tahenma.

Sereńko 145:17

Probhu Isor do acʼakʼ sanam horreye dhoromgea, ar sanam kạmireye pạtiạrgea.

Sosolhayic̕ 3:14

Ińiń baḍaea Isor jãhãnakʼgeye cekae ona do jaejug hạbicʼ tahena; cetʼge ona tulucʼ do baṅ juṭujokʼa ar cetʼge ona khon hõ baṅ badokʼa. Isor doe nonka akada jemon manwa uniko botorae.

Daniel 4:34

Ona okte purạuen khan iń Nebukadnesar do serma secʼ iń beṅgetʼkeda ar ińakʼ bud do ruạṛ hecʼadińạ. Unre iń do Coṭ utạrricʼ iń sarhaokedea; okoe do jaejug jiwetʼ menae uniń ḍobokʼadea ariń sarhaokedea. Ińiń menkeda, “Isorakʼ rajosṭi do jaejug hạbicʼ reakʼ rajosṭikana; uniyakʼ rajosṭi do piṛhike piṛhi tahena.