2 Samuel 22:24 - সান্তালী বাইবেল

²⁴ Uni samaṅre iń do bin dusạngeń tahẽkana, ar kại khon hõ pharakreń tahẽlena.

2 Samuel 22:24 Referans Kwoze

Genesis 6:9

Nohawakʼ jion reakʼ katha. Noha do mitʼṭen dhorom hoṛe tahẽkana. Ar acʼ okteren hoṛko modre uni eskarge dhorom hoṛ doe tahẽkana. Uni do Isor sãote jaoge helmel tahẽkantaea.

Jobakʼ 1:1

Kus disạmre Job ńutuman mitʼṭen hoṛe tahẽkana. Uni do bindusạn ar dhorom hoṛgeye tahẽkana. Uni do Isore botorae kan tahẽkana ar bạṛicʼakʼ khon sạṅgińreye tahenkan tahẽkana.

Genesis 17:1

Abramakʼ umer do tinre are gel are bochor tahẽkana unre Probhu Isor do uni ṭhen ńel ocoyenteye menkeda, “Iń kangeạń sanam daṛean Isor. Am do iń sãote helmel dohoyme ar ińakʼ sana leka calakʼme.

Ibriko 12:1

Enḍekhan ńelokʼ kana, Isorre biswạs reakʼ goha lekate aema hoṛ do abo beṛhaeteko ṭhạurạ akana. Onate dela bon, mitʼke mitʼ tạkicʼakʼ ar oka kại abore laṭkao akan ona do sạṅgiń secʼ bon ṭhelao giḍikakʼte sombhuri salakʼ laha secʼ bon ńir calakʼma.

Ephesiko lạgitʼ Pạul Apostolakʼ ciṭhi 1:4

Isorakʼ mẽtʼãhã samaṅre sonot ar niphuṭko jemon bon hoyokʼ onate Isor do dhạrti ạuriye sirjạurege Mạsi hoteteye bachao akatʼbon tahẽkana. Uni do acʼakʼ dulạṛ ar kusite apnarakʼ monejoṅ leka laharegeye ṭhik dohoakatʼ tahẽkana, Jisu Mạsi hotete acʼren hoponko lekateye ataṅ bona mente.

2 Korinthiko 5:11

Probhu Isor bon botoraekante abo do apnar reaṅ manwakoakʼ monre biswạs janam ocoy lạgitʼ bon kurumuṭuyeda. Ar abo bon oka lekanko kan, ona do Probhu Isor ṭhen sodorgea ar asiń dohoya apeakʼ bibek ṭhen hõ ona do pusṭạugea.

Johan 1:47

Jisu do Nathanael acʼ ṭhen hijukʼkane ńelkede khane menkeda, “Hạni ńelepe, mitʼṭen sạri Israel. Uniyakʼ monre do jãhãn phạsiạrage bạnukʼ anaṅ.”

Kạhtukko 4:23

Jotowakʼ khon amakʼ ontorge pahra dohoyme, ente ontor khonge amakʼ jion reakʼ jotowakʼ do oḍokʼ hijukʼa.

Sereńko 84:11

Sạrige Probhu kangea siń cando ar ḍhal do; uni do daya ar ṭhonoke emokʼkana. Okoe dhoromteko calakʼ onko do bhage jisin emako uni do bae baṅakoa.

Sereńko 51:6

Am do ontorre sạriyakʼ ńeljoṅem khojkana; ar amge ińakʼ ontor reakʼ khạndritetʼre ạkilem cetʼạń kana.

Kolossiko lạgitʼ Pạul Apostolakʼ ciṭhi 1:21

Sedae do Isor ṭhen khon pharakrepe tahẽkana ar uni upạrte apeakʼ monre bạiripe tahẽkana. Apeakʼ bạṛicʼ kạmiko hotete ona do sodor akana.

Kolossiko lạgitʼ Pạul Apostolakʼ ciṭhi 1:22

Menkhan Mạsiyakʼ gujukʼte uniyakʼ hoṛmo hotete Isor do ńitokʼ acʼ tulucʼe mitʼ akatʼpea, jemon uni do sonot, niphuṭ ar bin dusạnko mente acʼ samaṅreye teṅgo ṭarhao ocope.

Genesis 7:1

Noa tayom Probhu Isor do Noha arhõe metadea, “Am ar am gharońjrenko ape do jahajte bolokʼpe. Ente ińiń ńeleda, hoṛko modre eken amgem dhoromgea.

Sereńko 17:1

E Probhu Isor, dhorom reakʼ katha ańjomme, ar ińakʼ rakʼjoṅ luturakʼme; ińakʼ bin phạsiara moca reakʼ koejoṅ baṛe ańjomtińme;