2 Samuel 22:21 - সান্তালী বাইবেল

²¹ Ińakʼ dhorom kạmi lekatege Probhu Isor doe dan akawạdińa, ińakʼ kạmi reakʼ napaetetʼ iạtege uni do kuṛạiye emadińạ;

2 Samuel 22:21 Referans Kwoze

Sereńko 24:4

Eken uni kangeae lekicʼ do, okoeyakʼ ti do miridosgetae, ar ontor hõ khạṭigetae, ar eṛeyakʼ secʼ mon hõ bạnukʼtae. Ar mocare eṛe kiriạ hõ bạnukʼtae.

1 Samuel 26:23

Probhu Isor do mitʼke mitʼ hoṛ acʼakʼ pạtiạr ar dhorom reakʼ kuṛạiye emaea. Probhu Isor do teheń ạlińakʼ tireye soprotletʼ bena, menkhan ạliń do Probhu Isorren ojokʼicʼ cetanre ti rakab do bạliń khojkana.

Sereńko 7:8

Probhu Isorge onko doe bicạrkoma. E Probhu Isor, ińakʼ dhorom kạmi ar sạriyakʼtetʼ lekage baṛe bicạrińme.

1 Rapajko 8:32

enḍekhan serma khon uniyakʼ katha ańjomtaeme ar ona leka kạmime. Unre amren gutim bicạrete dos akatʼ reakʼ kuṛại uniyakʼ bohokʼrem ladeaete dusi mentem sạbudea ar eṭakʼicʼ hõ uniyakʼ kạmi leka kuṛạiyem emaea ar bin dusi kanae mentem sạbudea.

Jakob 4:8

Isor ṭhen sorokʼpe, enḍekhan uni hõ ape ṭhene sorokʼa. E kạiyanko, ape do apnartege saphakʼpe. E bar monan hoṛko, apeakʼ ontor baṛe khạṭi dohoype.

1 Korinthiko 15:58

Onate, E ińren boehako, kajakte teṅgo ṭak akae tahenpe; jemon okaṭakʼte hõ alope ocogokʼ; ar jaoge Probhu Isorakʼ kạmire sareṛokʼpe, entepe baḍaegea, uniyakʼ kạmire mehnot do baṅ ạuṛiyagokʼ tapea.

Sereńko 19:11

Ona do amren golame sontorede kana, ar ona manao lekhan ḍher lab hoyokʼa.

Jobakʼ 17:9

Menkhan dhorom hoṛ do akoakʼ horteko laha idikʼa, ar okoeyakʼ ti saphage onko do dinke dinko daṛe idikʼa.

2 Samuel 22:25

Onate Probhu Isor do kuṛạiye emakawạdińa uniyakʼ mẽtʼãhã samaṅrege dhorom kạmi lekate ińakʼ mońjakʼ kạmikote.

Kạhtukko 11:31

Noa dhạrtirege Isor botoraekan hoṛ do kuṛạiko ńam khan, enḍekhan bedhorom ar kạiyanko do khạṭige akoakʼ kuṛạiko ńamgea.

1 Rapajko 3:6

Unre Solomone roṛ ruạṛkeda, “Ińren ạpuń amren guti do ḍher pạtiạrem udukʼ akadea, ente uni do amre pạtiạre tahẽkana ar dhorom ar soṛageye tahẽkana. Teheń siṅghạsonre duṛupʼ lạgitʼ am do mitʼṭen hoponem emakawadea ar nonkate amakʼ asambheṛ pạtiạrem udukʼae kana.