2 Samuel 22:18 - সান্তালী বাইবেল

¹⁸ Ińren daṛean bạirikoakʼ ti khon uni doe bańcaokedińa; iń kurudạńko reakʼ ti khon onkoakʼ daṛe do iń khon hõ ḍhergetakoa.

2 Samuel 22:18 Referans Kwoze

2Timothi 4:17

Menkhan Probhu Isor do iń sãoteye tahẽkana ar daṛeye dan ạdiń tahẽkana. Onate iń do purạte bhage sombatiń porcar daṛeakʼ tahẽkana ar sanam boṅgan hoṛ jạtrenkoko ańjomleda. Isor do dhạcri kulakʼ moca khone rukhiyạledińạ.

2 Korinthiko 1:10

Uni do maraṅ gujukʼ khone rukhiyạketʼlea ar ńit hõe rukhiyạ idiyetʼlea. Ale do unire noa asle dohoyeda je, uni do jao ghuṛigeye rukhiyạlea.

Sereńko 56:9

Tinre amiń hohowama, unre ińren bạiri doko dạṛ pạnḍuja; ińiń baḍaea Isor do iń secʼge menaea.

Sereńko 3:7

E Probhu Isor, dela hijukʼme; E ińren Isor, bańcaoiń me. Am do ińren bạiriko jambereyem ghạletʼkoa ar bạṛicʼ hoṛkoakʼ ḍaṭa dom rạputʼ giḍikatako kana.

2 Samuel 22:1

Probhu Isor do Sạul ar eṭakʼ bạirikoakʼ ti khon tinre Dạude rukhiyạkedea unre Probhu Isor ńutumte Dạud do niạ sereńe sereńkeda:

2 Samuel 22:17

Uni do coṭ khon tiye tiyạrketʼteye sapʼkedińa, ar khạndri dakʼ khone owar rakapʼkedińa.

2 Samuel 22:19

Muhinre onko do ińko esetʼ ạcur ledeńạ, menkhan Probhu Isorgeye sapʼ sãohakedińa.

Sereńko 35:10

Unre ińakʼ sanam hoṛmoe mena, “E Probhu Isor, am leka do ar okoe menaea? Amge dukokʼkanko do onkoren bạirikoakʼ ti khonem bańcaoetʼkoa ar okoe onko khonko daṛege; ar okoe doko luluṭko kan onkoakʼ ti khon am do dukokʼko ar ṭonṭakʼkan kom bańcaoetʼkoa.”