2 Samuel 21:7 - সান্তালী বাইবেল

⁷ Dạud do Sạulren goṛomtetʼ koṛa, metakʼme Jonathanren hopon Mephiboset do jiwetʼe dohokedea, ente Sạulren hopon Jonathan ṭhen uni do Probhu Isor samaṅreye kiriạlena.

2 Samuel 21:7 Referans Kwoze

2 Samuel 4:4

Sạulren hopon Jonathanren do mitʼṭen hopone tahẽkana. Uni do leḍhageye tahẽkana. Jisreyel khon tinre Sạul ar Jonathanakʼ gujukʼ khobor hecʼena unre uniyakʼ umer do mõṛẽ bochor tahẽkana. Ona khobor ańjomkate gidrạren dhại buḍhi do uni hoborkate usạrateye dạṛetʼkan tahẽkan jokhecʼ gidrại giḍiledete uniyakʼ jaṅga do leḍhayentaea. Ar uni gidrạwakʼ ńutum do Mephiboset tahẽkana.

1 Samuel 23:18

Ar unkin bana hoṛ do Probhu Isor samaṅre mitʼṭecʼ bondobos kin dohokeda. Ar Jonathan do oṛakʼe ruạṛ calaoena menkhan Dạud do Horesregeye tahẽyena.

1 Samuel 18:3

Jonathan do acʼakʼ jiwi leka Dạude dulạṛkedete uni tulucʼ mitʼṭecʼe bondoboskeda.

2 Samuel 9:10

Am, amren hoponko ar amren gutiko do uniyakʼ jumi caskate phosolpe samṭaoa jemon amren kisạ̃ṛren goṛomtetʼ koṛa do jomakʼ hoyokʼtae; menkhan amren kisạ̃ṛren goṛomtetʼ koṛa Mephiboset do jao okte ińakʼ ṭebilreye jom ńũiya.” Sibaren do gelmõṛẽ goṭen hopon ar bargel gutiko tahẽkantaea.

1 Samuel 20:8

Onate aben do ńitokʼ ạlińre dayakʼben, ente Probhu Isor samaṅre aben do mitʼṭecʼ bondobos ben dohoakada. Ar ạliń liń dos akatʼ khan tobe do abenge gocʼliń ben, abenren babawakʼ tire jimạliń reakʼ cetʼ jãhãn jạruṛ menakʼa.?”

1 Samuel 20:42

Jonathan do Dạude metadea, “Aben do nirạite calakʼben, ente alaṅ do Probhu Isor ńutumte kiriạkate laṅ men akada, ‘Aben ar ạliń talare ar aben ar ạlińren bõsko talare jaejugren goha do Probhu Isorgeye tahẽyena.’ ” Inạ tayom Dạud do bidại hataokeda ar Jonathan do nagrahateye ruạṛ calaoena.

1 Samuel 20:17

Jonathan do acʼ apnar lekage Dạude dulạṛede tahẽkante uni do Dạud arhõe kiriạ ocokedea.

2 Samuel 19:25

Raj do Jerusalemteye ruạṛ hecʼen khan Mephiboset do uni tulucʼ ńapamokʼ lạgitʼe hecʼena. Unre raj do uniye kulikedea, “Mephiboset, iń tulucʼ do cedakʼ bam senlena?”

2 Samuel 16:4

Niạ katha ańjomkate Raj do Sibae metadea, “Mephibosetakʼ sanam sompotti do ńitokʼ amiń ematʼmea.” Sibae menkeda, “Iń do amakʼ jaṅga reakʼ dhuṛi lek geń baṅ kana; ińren mạlik maharaj do daya baṛeye udukʼạń ma.”

2 Samuel 9:7

Dạud do uniye metadea, “Alom botorokʼa. Iń do amren ạpum Jonathan khạtirte khạṭige dayań udukʼama. Amren goṛomme haṛam Sạulakʼ sanamakʼ jaega jumiń ruạṛama, ar am do jao ghuṛi ińakʼ ṭebilrem jom ńũiya.”

1 Samuel 20:12

Ona tayom Jonathan do Dạude metadea, “Israelren Probhu Isorge gohae tahenma, gapa se meyaṅ ạliń do ạlińren baba sãote kathaliń roṛa. Unre aben secʼ mońj liń bujhạu khan unrege hoṛ kolkate liń baḍae ocobena.

2 Samuel 9:1

Mitʼdin Dạud doe kuliyana, “Ńit hạbicʼ cetʼ Sạul gharońjren jãhãe jiwetʼ menakʼkoa, one onko lạgitʼ Jonathan khạtirte dayań udukʼ daṛeke?”

Sosolhayic̕ 8:2

Ińakʼ sopolha do niạge, rajakʼ hukum bataotaeme, ente am do Isor samaṅre onagem kiriạ akana.

1 Samuel 24:22

Ar Dạud do Sạul ṭhen onageye kiriạyena. Ona tayom Sạul do oṛakʼteye ruạṛ calaoena, ar Dạud do acʼren hoṛkoante gaṛko metakʼkan ona buruteye rakapʼ calaoena.

2 Samuel 9:6

Sạulren goṛomtetʼ koṛa, metakʼme Jonathanren hopon Mephiboset do Dạud ṭhene hecʼena ar otre ombakʼkateye ḍobokʼadea. Dạude menkeda, “E Mephiboset.” Uni doe menkeda, “Ma roṛme, amren golam kangeạń.”