2 Samuel 21:6 - সান্তালী বাইবেল

⁶ uniyakʼ bõs khon eae goṭen herel hoṛ aleakʼ tire soprotaleme. Ale do Probhu Isorren bachao hoṛko, metakʼme Sạulakʼ nagraha Gibeonre Probhu Isorakʼ burure Probhu Isor samaṅre onkole gocʼkoa ar sanamko samaṅre onkoakʼ mạ̃ṛĩkole giḍikakʼa.” Raj doe metatʼkoa, “Iń do apeakʼ tire onkoń soprotkoa.”

2 Samuel 21:6 Referans Kwoze

1 Samuel 10:24

Unre Samuel do sanamkoe metatʼkoa, “Ape do cetʼ Probhu Isore bachao akade hoṛpe ńelńame kana?” Sanam hoṛko modre uni lekanko do ar okoege bạnukʼkoa. Unre hoṛkoko menkeda, “Raj do jiwetʼ baṛeye tahenma.”

1 Samuel 11:4

Hoṛko do tinre khobor emokʼ lạgitʼ Sạulakʼ nagraha Gibeate senkate onḍenko hoṛko lạiyatʼkoa unre onḍenko hoṛ do kạuạ rạuwạ rarakʼko ehopʼena.

1 Samuel 10:26

Sạul hõ acʼakʼ oṛakʼ Gibeateye ruạṛ calaoena. Ar okoe birbanṭakoakʼ ontorre Isor do udgạue ematʼko eken onkoge uni sãoteko senena.

Aposkạmi 13:21

Ona tayom disạmren hoṛko do rajko khojkedea. Unre uni do Benjamin khũṭren, Kisren hopon Sạulgeye ematʼkoa. Sạul do pongel bochor hạbicʼ raje calaoketʼa.

Mathae 27:5

Unre Jihudạ do ona ṭaka mundilre capatʼ giḍi oṭokateye calaoena are pạsi gocʼena.

Esra 6:11

Iń do arhõń hukumeda, jodi niạ hukum jãhãe bae batao enḍekhan uniyakʼ oṛakʼ khon mitʼṭecʼ koalipe or boja ar onape coeloya ar unipe sobokʼ tabeya. Ar uniyakʼ niạ behok iạte uniyakʼ oṛakʼ do mạilạ ḍhipi leka hoyokʼtaea.

2 Samuel 18:10

Mitʼṭen hoṛ do uniye ńelkede khan senkate Joabe lạiyadea, ‘Iń do ńitokʼge mitʼṭecʼ ela darere Absalom aka akaniń ńel oṭoakadea.”

2 Samuel 17:23

Ahitophel do tinreye ńelkeda, acʼakʼ sopolha leka kạmi baṅ hoylena unre uni do acʼren gadhare decʼkate acʼakʼ atoteye calaoena. Ar acʼakʼ oṛakʼ reakʼ jotowakʼ bebosta oṭokateye pạsi gocʼena. Ar acʼren apatakʼ topareko baekadea.

1 Samuel 10:1

Ona tayom Samuel do mitʼṭecʼ sunum reakʼ botol ạgukate Sạulakʼ bohokʼreye dulkeda. Ar cokʼadeteye metadea, “Probhu Isor do acʼren hoṛko cetanre mukhiyạ menteye ojokʼ bahalketʼmea.

Josuạ 10:26

Ona tayom Josuạ do onko raje gocʼketʼkoa ar mõṛẽ goṭen darereye akakatʼkoa. Ar ạyupʼ dela deli hạbicʼ mạ̃ṛĩ do darere akage tahẽyena.

Josuạ 8:29

Uni do Ae nagraharen raje gocʼkedea ar ạyupʼ hạbicʼ darereye aka dohokadea. Ar ńindạ jokhecʼ uniyakʼ mạ̃ṛĩ pheḍkate nagraha reakʼ phaṭok duạr bolokʼ horre giḍikae reakʼe hukumkeda. Ar hoṛko do uni cetanre dhiriko giḍi puńjikeda. Ona do teheń hạbicʼ hõ menakʼgea.

Dosar Biboron 21:22

“Jãhãe hoṛ gujukʼ sạjại ńam lek kanae menteye dos akatʼ khan ar gocʼkate darereko ṭaṅgao dohoakade khan,

Genesis 40:22

Menkhan piṭhạ bekʼnaokoren sordar doe pạsikedea. Joseph cetʼleka kukmũ reakʼ manetetʼe lạiyatʼkin tahẽkan onkage unkinre hoyena.

Genesis 40:19

Niạ pe din bhitrire Pharao do amakʼ bohokʼ am khone ńurtama are pạsimea, ar cẽṛẽko hecʼkate amakʼ jelko ṭhokrao joma.”

1 Samuel 24:21

Onate ńitokʼ Probhu Isor ńutumte kiriạ ạliń ben, jemon ạlińren tayom bõsko baben marao utạrko ar ạlińakʼ ńutum hõ ạlińren ạpuńakʼ bõs khon alo ben mohor meṭao giḍikakʼa.

2 Samuel 19:28

Goṛomiń haṛamren bõsko do ińren mạlik maharaj ṭhen gujukʼ lek kangeako, menkhan enhõ am do amren hoṛko tulucʼ amakʼ ṭebilre jom-ńũi lạgitʼ iń amren guti hõ ṭhạ̃iyem tearadiń tahẽkana. Enḍekhan maharaj ṭhen nehõrokʼ lạgitʼ do ar cetʼ menakʼtińạ?”

1 Samuel 24:22

Ar Dạud do Sạul ṭhen onageye kiriạyena. Ona tayom Sạul do oṛakʼteye ruạṛ calaoena, ar Dạud do acʼren hoṛkoante gaṛko metakʼkan ona buruteye rakapʼ calaoena.

1 Bõsbudạ 12:3

Gibitiạ Somaeren hopon Ahiyesor ar Joas nukin do mukhiyạ hoṛkin tahẽkana; Asmobothren hopon Jesiyel ar Pelot, Borakha, Anathotiạ Jehu: