2 Samuel 21:2 - সান্তালী বাইবেল

² Ona iạte raj do Gibeonrenkoe hohowatʼkote onko tulucʼe galmaraokeda. Gibeonren hoṛ do Israel hoponko talare bako tahẽkana. Onko do Amorikoren sarecʼko kanako. Onko alo maraoko lạgitʼge Israelko doko kiriạlena, menkhan Sạul do Israel ar Jihudạ lạgitʼe ãṭokʼkan tahẽkante onko sanamkoge gocʼko reakʼe kurumuṭuleda.

2 Samuel 21:2 Referans Kwoze

Galathiko lạgitʼ Pạul Apostolakʼ ciṭhi 4:17

Onko eṭakʼ hoṛ do ape lạgitʼko ãṭokʼkana, menkhan bhage monsubạ iạte do baṅ. Onko do iń khon ạcur ruạṛpeko khojkana, jemon onko lạgitʼpe ãṭokʼ.

Romiko lạgitʼ Pạul Apostolakʼ ciṭhi 10:2

Onko reaṅ do noa gohań emokʼ kana je, onko do Isor lạgitʼ ahkaokʼ mon menakʼgetakoa, menkhan Isor ṭhen cetʼ lekateko ataṅ ocokʼa ona do bako baḍaea.

2 Rapajko 10:31

Enhõ Jihu do goṭa ontorte Israelren Probhu Isorakʼ ạn-ạriko manao lạgitʼ bae sontorlena. Jerobiam Israelko okakoe kại ocoyetʼko tahẽkan uni hõ ona khon do bae ruạṛlena.

2 Rapajko 10:16

Ona tayom Jihuye menkeda, “Iń sãote hijukʼme ar Probhu Isor lạgitʼ ińakʼ tinạkʼ gagoc menakʼ ona baṛe ńelme.” Niạ menkate uni do rãt gạḍiteye idikedea.

1 Samuel 14:44

Sạule menkeda, “Hẽ Jonathan, am do gujukʼtege hoyokʼtama. Isor do am sạjạiye emamma, ar khạṭige sạjạiye emama.”

Dosar Biboron 7:16

Aperen Probhu Isor apeakʼ tire okoe jạtrenkoe jimạko onko dope marao utạrkoa. Onko do daya hõ alope dayawakoa ar onkoren debotako hõ alope sewawakoa, ente ona do apeakʼ jhampa lekako hoyokʼa.

Genesis 15:16

Menkhan am bõsren pon piṛhiren hoṛ do nonḍeko ruạṛ hijukʼa, ente Amorikoakʼ ghạṭ do nonka ạuri hoyokʼa one onate onkoń sạjạiko.”

Johan 16:2

Sunạgog khonko oḍok idipea; ar nonkan okte hijukʼ kana one okoe apeko gocʼpe onko doko monejoṅa, Isorgeko sewawae kana mente.

2 Samuel 24:1

Probhu Isor do arhõ Israelko cetanre pit caṛhaoentaea. Uni do onko upạrte Dạude uskurkedeteye metadea, “Am do senkate Israel ar Jihudạren hoṛkom lekhakoa.”