2 Samuel 21:17 - সান্তালী বাইবেল

¹⁷ Menkhan Seruya hopon Abisae do Dạude rukhiyạkedea. Uni do Philisṭi hoṛe ńẽtʼkedea are gocʼkedea. Unre Dạudren hoṛko do kiriạwate Dạudko metadea, “Ar tishõ ale sãote lạṛhại do alom oḍok calakʼa, Israel reakʼ diuhe do alom ĩṛĩcʼ ocoya.”

2 Samuel 21:17 Referans Kwoze

1 Rapajko 11:36

Ar ińakʼ tahen oṛakʼ lekateń bachao akawan Jerusalem nagraha do jemon iń samaṅre ińren guti Dạudakʼ mitʼṭecʼ mạli tahen onate uniren hopon do mitʼ gusṭirenko reakʼ bhariń emaea.

2 Samuel 18:3

Menkhan hoṛko do uniko metadea, “Am do alom calakʼa. Ente alele dạṛle khan onko do celege bako hudislea. Ar aleren adha hoṛko gocʼlenre hõ bako monealea, menkhan am do gel hajar somanicʼ kanam. Am do ńitokʼ nagrahare tahẽkate alem goṛowale khan ạḍi bhage hoyokʼa.”

Sereńko 132:17

Onḍe iń do Dạud lạgitʼ mitʼṭen daṛean bõskoń benao rakapʼkoa; ar ińren ojokʼicʼ lạgitʼ iń do mitʼṭecʼ diuheń tear dohoya.

1 Rapajko 15:4

Enhõ Dạudakʼ katha disạite uniren Probhu Isor do Jerusalemre mitʼṭecʼ mạliye emena, metakʼme uniyakʼ siṅghạsonre duṛubokʼ lạgitʼ mitʼṭen hopone emena ar Jerusalem do ḍahao maraokʼ khone rukhiyạkeda,

Johan 5:35

Johange ona jolokʼkan diuheye tahẽkana one okaṭakʼ do ḍig ḍigạukʼkan tahẽkan; ar ape do thoṛa okte lạgitʼ uniyakʼ ona marsalre hulạsokʼpe kusilena.

Sereńko 144:10

Am do rapajkom jitạu ocoyetʼkoa; amren golam Dạud hõ tarwaṛe reakʼ ti khonem rukhiyạedekana.

Sereńko 46:1

Isorge aboakʼ hirlạ ar daṛe; gạrre uni do gokʼṛoyicʼ kanae.

2 Samuel 22:29

E Probhu Isor, amge ińakʼ diuhe do; amge ińakʼ ńut dom marsal ocoyetʼtińạ.

2 Samuel 22:19

Muhinre onko do ińko esetʼ ạcur ledeńạ, menkhan Probhu Isorgeye sapʼ sãohakedińa.

2 Samuel 14:7

Ńitokʼ ińren jãwãeakʼ bõsren hoṛko do iń amren kạ̃ṛmĩ upạrteko teṅgo akana arko meneda, ‘Dini uni hoṛ oḍok ạgualeme okoe do acʼren boehae gocʼakade. Ale do uniren boehawakʼ jiwi reakʼle hala hạliya. Enḍekhan sompottiren ạidạriyicʼ mente do ar okoege bako tahena.’ Onko do ińakʼ sarecʼ akan aṅgra hõ ĩṛĩj tińko khojkana. Onka hoylen khan ińren jãwãeakʼ ńutum do dhạrti khon meṭaokʼtaea ar uniren bõsko hõ bako tahena.”

Jirimiạ 40:15

Unre Karea hopon Johanan do Mispate hecʼkate hape hapete Gedaliại metadea, “Amem hukum lekhan iń do senkate Nethania hopon Ismaeliń gojea, ona do okoehõ bako baḍae daṛeakʼa; uni do cedakʼ ame gocʼmea? Onate okoe Jihudiko am beṛhaeteko jarwa akan onko doko chirchạturokʼa ar Jihudạren sarecʼ hoṛ doko marao utạrokʼa.”

2 Samuel 18:2

Dạud do acʼren lạṛhại phạdko pe hạṭińte hạṭińketʼkoteye kolkatʼkoa. Uni do pạhilakʼ hạṭińkoren do Joab latarre, dosarakʼ hạṭińkoren do Joabren boeha, metakʼme Seruyaren hopon Abisae latarre ar tesarakʼ hạṭińkoren do Gatren Itai latarreye dohoketʼkoa. Raj do lạṛhại phạdkoe metatʼkoa, “Iń hõ khạṭige ape sãoteń calakʼa.”