2 Samuel 21:16 - সান্তালী বাইবেল

¹⁶ Ar Isbi-Benob ńutuman mitʼṭen Rophayi do nãwã sajte sajkate Dạud goje lạgitʼe hecʼena. Uniyakʼ borlom reakʼ ojon do pon keji hamal ar ona do pitạl reakʼ tahẽkana.

2 Samuel 21:16 Referans Kwoze

2 Samuel 21:20

Ona tayom ar mitʼṭecʼ lạṛhại Gatre hoylena. Ona lạṛhạire mitʼṭecʼ usul hoṛe tahẽkana one uniyakʼ banar ti ar banar jaṅgare turui goṭecʼkate jotote bargel pon goṭecʼ kạṭupʼ tahẽkantae. Uni hõ mitʼṭecʼ Rophayi hoṛe tahẽkana.

2 Samuel 21:18

Inạ tayom Philisṭiko sãote Gobre arhõ lạṛhại hoyena. Unre Husathi hoṛ Sibekae do Sippoy ńutuman mitʼṭen Rophayie gocʼkedea.

2 Samuel 21:22

Noko ponon hoṛ do Gatre girobasokʼ kan Rophayi hoṛko tahẽkana. Dạud ar uniren hoṛkoakʼ tite noko doko gocʼ ocoyena.

2 Samuel 5:18

Ar Philisṭiko do hecʼkate Rephayim reakʼ buru otetekoreko pasnao idiyena.

Dosar Biboron 9:2

Onḍenko hoṛ doko Anakiko kana; onko doko usul usulgea arko daṛeangea. Ape do Anakiko reaṅ hõpe baḍaegea; ar noa katha hõpe ańjomakada, ‘Anakiko upạrte teṅgokʼ lạgitʼ nonkan cele jạtrenkoge bạnukʼkoa mente.’

Dosar Biboron 3:11

Rephiyikoren sarecʼ hoṛko modre eken Basonren raj Ogge jiwetʼe tahẽkana. Uniyakʼ mẽṛhẽtʼ reakʼ benaoakʼ giticʼ aṭetʼ do jeleńte are moka ar osarte pon moka tahẽkana. Ona do ńitokʼ hõ Amonrenkoakʼ Raba nagrahare menakʼa.

Dosar Biboron 2:21

Rephayimko do daṛean ar lekhare ḍhergeko tahẽkana. Ar Anakiko leka usul hoṛko tahẽkana. Probhu Isor do Amonrenko hotete onkoe maraoletʼkoa; ar Amonrenko do Rephayimkoko laga ńirketʼkote onkoakʼ jaegare girobasokʼko ehopʼena.

Dosar Biboron 2:10

Lahate Emiko do onako ṭoṭharegeko girobasokʼkan tahẽkana. Emi jạtren hoṛko do daṛeangeko tahẽkana, lekhare hõ ḍher ar Anakiko leka usulgeko tahẽkana.

Dosar Biboron 1:28

Abo do cekate onḍebo calakʼa? Aboren boehage coṅ aboakʼ mon mako bạṛicʼ akatʼtabon. Onkoko meneda, onḍenko hoṛ do abo khonko daṛeangea arko maraṅgea; onkoakʼ nagrahako hõ maraṅgetakoa ar beṛhaete pạcri hõ usulgetakoa. Onḍe do Anakren hopon hõko ńelketʼkoa.’

Genesis 14:5

Ar ona dosar bochor do Kedarlaomer raj ar uni sãotenko do senkate Rephayimko, Susiko, Emiko, Hamrenko bhagaoketʼkoa. Ar Rephayimko do Asterot Karnạimren, Susiko do Hamren, Emiko do Sawe kiriạthạimren ar Horiko do El- Paran reakʼ Seyir buru ṭoṭhareko bhagaoketʼkoa. El-Paran do hahaṅkar ṭoṭhare tahẽkana.

Genesis 6:4

Isorren hoponko sãote noko kuṛiyakʼ giticʼmidokʼ iạte tinạkʼko janamen onko do onako dinren daṛean hoṛko hoyena. Onako dinre ar ona tayom hõ dhạrtire Nepheliạ ńutuman mitʼ jạtren hoṛko tahẽkana.

Numeri 13:22

Onko do dạkhin nakha secʼte senkate Hebron nagrahateko seṭerena. Hebron nagraha do Misor reakʼ Soan nagraha khon eae bochor laha reakʼ tahẽkana. Onḍe do Ahiman, Sesae ar Thalmae ńutuman Anak bõsren pe hoṛko tahẽkana.

Numeri 13:28

Menkhan onḍe okoeko girobasokʼkan onko do daṛe hoṛ kanako ar onkoakʼ nagrahako do usul pạcrikote esetʼgea. Ar onḍe do Anak bõsren hoṛ hõle ńel akatʼkoa.

Josuạ 15:14

Kaleb do Sesae, Ahiman ar Talmae ńutuman pea Anakiko Hebron khone laga ńirketʼkoa. Noko do Anakren hoponko tahẽkana.

Dosar Biboron 2:11

Anakiko leka Emiko hõ Rephiyiko lekhakʼkan tahẽkana menkhan Moabrenko do Emiko metakokan tahẽkana.

Josuạ 11:22

Israelkoakʼ disạm modre okoe Anakiko hõ jiwetʼ do ar bako tahẽlena; eken Gasa, Gad ar Asdodre thoṛa gan Anakiko jiwetʼko tahẽyena.

1 Samuel 17:7

Uniyakʼ borlom ṭheṅga do kicricʼ teteńkoakʼ turleka tahẽkana ar ona coelo mẽṛhẽtʼ reakʼ hamal do eae keji barsae tahẽkana. Ar uniyakʼ ḍhal asenicʼ do uni laha lahateye calakʼkan tahẽkana.