2 Samuel 21:15 - সান্তালী বাইবেল

¹⁵ Philisṭiko ar Israelko talare arhõ lạṛhại ehopʼena. Dạud do acʼren phạdankote Philisṭiko upạrte lạṛhại lạgitʼe oḍok calaoena. Unre uni do lạṛhại lạṛhạiteye laṅga cabayena.

2 Samuel 21:15 Referans Kwoze

Sosolhayic̕ 12:3

Unre oṛakʼ horhokin dokin thar tharaokʼa, ar daṛean hoṛ dokin kubjạkʼa; guhum riritʼko doko thoṛakʼa. Ar khiṛki duạr khon oyoṅetʼkan kin dokin ạndhuạkʼa.

Sereńko 71:9

Haṛam umerre alom giḍikạńa; ińakʼ daṛe do caba utạrentińạ, ar alom bạgi giḍikạńạ.

1 Bõsbudạ 20:4

Tayomte Gesorre Philisṭiko sãote lạṛhại ehopʼena. Ona jokhecʼ Husatiạ Sibekae do Rophayiko bõsren Sippoy ńutuman mitʼṭen hoṛe gocʼkedea, ar onate Philisṭiko doko bhagao ocoyena.

2 Samuel 5:25

Dạud do Probhu Isorakʼ hukum lekageye kạmikeda. Uni do Geba khon Gesor hạbicʼ goṭa hor Philisṭikoe gocʼ idiketʼkoa.

2 Samuel 5:22

Tayomte Philisṭiko do arhõ hecʼkate Rophayim otetreko pasnaoena.

2 Samuel 5:17

Philisṭiko do tinreko ańjomkeda, Dạud do Israelko cetanre raj hudạreye ojokʼ bahal akana unre onko do sanam lạṛhại phạdkoante uni hạne lạgitʼ sendra baṛayeko ehopʼena. Ar Dạud do ona kathae ańjomketʼ khan gaṛ ńutumanakʼ buruteye rakapʼ calaoena.

Sereńko 73:26

Ińakʼ hoṛmo ar mon do sesokʼa, menkhan Isorge ińakʼ ontor reakʼ daṛe do, ar unige ińakʼ jaejugren bakhra kanae.

Sereńko 71:18

E Isor, teheń do haṛamkate upʼko pạnḍu caba akantińre hõ am do alom bạgi giḍiyińạ; tayom bõsrenko ṭhen amakʼ ektiạri reakʼ katha, ar darakan bõsko ṭhen amakʼ daṛe reakʼ katha baṛe lại sodor ocowạńme.

2 Samuel 21:16

Ar Isbi-Benob ńutuman mitʼṭen Rophayi do nãwã sajte sajkate Dạud goje lạgitʼe hecʼena. Uniyakʼ borlom reakʼ ojon do pon keji hamal ar ona do pitạl reakʼ tahẽkana.

2 Samuel 8:1

Dạud do Philisṭikoe bhagaoketʼko khan acʼakʼ gobolreye ạguketʼkoa. Uni do Philisṭikoakʼ ti khon Metheg-ama nagrahae hatkeda.