2 Samuel 21:14 - সান্তালী বাইবেল

¹⁴ Dạudren hoṛko do Sạul ar uniren hopon Jonathanakʼ jaṅ do Benjạmin ṭoṭha reakʼ Selare uniren apat Kisakʼ topareko topakada. Rajakʼ hukum lekage onko do sanamakʼko kạmikeda. Ona tayom disạm lạgitʼ Isor ṭhenko koeketʼ khan uni do koejoṅe ańjomketʼtakoa.

2 Samuel 21:14 Referans Kwoze

2 Samuel 24:25

Ona tayom do Probhu Isor ńutumte onḍe mitʼṭecʼ pinḍe benaokeda ar jeredokʼ samaṅokʼakʼ ar sulukren dãṛẽkoe samaṅketʼkoa. Nonkate disạm lạgitʼ koejoṅ hoyen khan Probhu Isor doe ańjomketʼtakoa ar Israel disạmre mahamạri hõ thirena.

Josuạ 7:26

Akhanakʼ hoṛmo cetanre onko do ạḍi utạr dhiriko puńjikeda. Ona do teheń hạbicʼ hõ menakʼgea. Inạ tayom Probhu Isor do acʼakʼ edre khone ạcurena. Ar onate ona jaega do Akor lodamko metakʼkana.

Sakariạ 6:8

Ona tayom uni do hohoạdińteye metadińạ, “Ńelme, okoe utạr secʼko calakʼkan onko do ińakʼ edreko dapalketʼtińạ.”

Jona 1:15

Ona tayom onko do Jonako sapʼkedete jalapuri reakʼ dakʼreko khadlekedea, ar onate haḍak ḍabakokʼkan jalapuri do ḍelḍel thir hapeyena.

2 Samuel 4:12

Niạ menkate Dạud do acʼren hoṛkoe hukumatʼkoa ar onko do unkinko gocʼketʼkinạ. Onko do unkinakʼ ti-jaṅgako getʼ begarketʼ tạkina ar hoṛmo do Hebron reakʼ pukhri aṛereko akakada. Menkhan onko do Isbosetakʼ bohokʼ hataokate Hebronre Abnerakʼ topareko baekada.

2 Samuel 3:32

Ar abner do Hebronreye topa ocoyena. Ar raj do Abnerakʼ topa ṭhen ãṭ aṛaṅte rarakʼe ehopʼena, ar sanam hoṛko rakʼkeda.

1 Samuel 10:2

Am do iń ṭhen khon senkate teheń Benjạmin ṭoṭha reakʼ simạna Selsah ńutuman jaegare Rahelakʼ topa ṭhen bar hoṛem ńamkinạ. Unkin dokin lạiyama, ‘okoe gadha eṅgako sendram oḍok akan onko doko ńamakana. Menkhan ńitokʼ amren baba do gadha eṅgako reakʼ cintạ badkate am lạgitʼ cintạreye paṛao akana. Uniye meneda, acʼren hopon lạgitʼ ńitokʼ do cetʼe cekaea?’

Numeri 25:13

Uni do acʼren Isorakʼ bakhra reakʼe ahkaokʼkante ar Israelkoakʼ kại reakʼ puruchune kạmi akatʼte uni lạgitʼ nonkan mitʼṭecʼ bondobosiń bandhao akada jemon naeke hudạ do uni ar uni bõsrenko talare jaejug hạbicʼ tahẽakan tahen.”

2 Samuel 21:13

Dạud do onḍe khon Sạul ar uniren hopon Jonathanakʼ jaṅkoe ạgu ocokeda. Ar sanam hoṛko samaṅre okoeko gocʼ ocolen onkoakʼ jaṅ hõko halaṅ jarwakeda.